سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• ياناس
• ارجعوا بالذاكره لي للخلف بسييييييييييط
• شوفوا اسباب خساراتنا في كل سنه بتكون اسبابها شنو
• ايا كانت الاسباب
• كلها تصب في بحيرة الاستهتار وعدم الانضباط
• من منا لم يقابله لاعب من لاعبينا في حفله اوفر نايت وبتكون عندنا كوره مهمه صبحية تلك الحفله
• من منا من لم يقابله لاعب من لاعبينا الساعه الواحده صباحا يتسكع بالشورت في الحله
• من منا من لم يقابله عضو دائره او قطاع قاشر بي لاعبين تلاته منتصف الليل في مناسبه
• من منا من لم يحزن علي فشل المعسكرات الاعداديه بسبب الغياب
• من منا من لم يتألم لفقدان اللياقه البدنيه لي ناسنا في نص الموسم
• من منا من لم يتحرق غضبا للبسمات التي يوزعها لاعبونا لي خلق الله من طرف وهم عائدون من هزيمه تدمي القلوب
• من منا من لم ينادي بالغيره والجديه والحماس
• من منا من لم يتحسر علي روح مريخ زمان
• من منا من لم يبحث عن الاسباب
• من منا من لم يقتنع يوم موقعة راجي ان قليل من الجديه تقودنا للمنصات
• من ومن ومن
• ياناس
• فريق عالمي
• يأتي ببطولات جويه
• يكتسح المنافسات الداخليه
• لا يأتي بالامنيات والضحكات والكشيم
• بل يأتي بالجديه
• اللاعب المحترف ليس هو الذي يوقع عقد احتراف
• بل هو من يفهم مامعني الاحتراف
• ويسلك سلوك المحترفين
• لانه متفرغ للكره
• يجب عليه ان يحافظ علي نفسه
• يجب عليه ان يطور نفسه بتمارين شخصيه ليتخلص من عيوبه
• يجب عليه ان يعلم بان لعب الكره هو اكل عيشه
• وعليه ان يحترم اكل عيشه
• نادينا كثيرا بضرورة الانضباط
• ولكنا كنا ننسي ما ننادي به مع اول بارقه امل تدخل افق المنافسات
• ونعود لننتقد التراخي
• ثم ننسي
• وهكذا
• ايها الناس
• البدري شاطر بليد ليست هي المشكله
• المهم ان البدري سيفرض الانضباط عندنا
• بعد داك الكوره هينه
• الريال امس بحبة شفتنه وره البارسا البشتنه
• والشفتنه لا تأتي بها الا الغيره
• وغيره بدون انضباط لا يمكن ان تاتي
• يجب علينا ان نقف مع البدري في حملته لفرض الانضباط
• ويجب علي المجلس ان يعطيه كل الصلاحيات في ذلك
• وان يزيح كل العراقيل التي تحول ذلك
• واولها اعضاء الدوائر البقشروا باللاعبين في المجتمع
• والبدري قادر علي فرض الانضباط
• اليس هو البدري الذي اوقف احمد حسن كابتن مصر لعدد من المباريات مع الاهلي بسبب الانضباط ؟
• منو المستهتر عندنا ومستواهو زي احمد حسن ؟
• لو كنا دايرين نمشي صاح
• يجب ان نؤيد سياسة الانضباط ولو يلعب البدري بتشكيله كلها من الشباب والناشئين
• والكوره ملحوقه
• كفانا دلع وجاملات
• زي ما بدفع النادي يجب ان يحاسب
• بريمه ما عمل البعملوا فيهو بعض اللاعبين اليومين دي
• ياناس
• الماعاجبو انضباطنا ماحبابو
• لو داير يمشي برشلونه بنوصلو
• نجيب بوكس تمانيه وسبعين ونشحن فيهو من يرفض ان ينضبط
• ونوديهو محل داير يمشي
• ماخايفين من زول يمشي لاي نادي يشوف انو مناسب معاهو
• بنرجي ناس وليد ديل يتربوا في عزنا وبي ضبطنا وربطنا
• حينها
• حانمشي المطار انت وانا
• نستقبل المريخ حقنا
• جايب معاهو كاسات المني
• الماجابها زول من قبلنا
• ولا بجيبها زول من بعدنا
• تمانيه ساونات يا مفتري !!!!!!
سلك كهربا
ننساك كيف ويا دوب فكرنا في الانضباط
والي لقاء
سلك
babikir maki [b_silik@hotmail.com]
