سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• اختتمنا اعدادنا واستعدادنا
• لايهم من سيلعب ومن سيكون علي اهبة الاستعداد
• كلهم لاعبينا
• كلهم مثلنا
• متحمسين
• ما متحمصين
• فرق كبير بين متحمس ومتحمص
• متحمس جايه من حمس يحمس تحميسا
• ومتحمص جايه من حمص يحمص تحميصا
• المهم
• القلوب في شوق للتأهل
• والجميع علي استعداد لنيل التأهل
• كل الصفوه
• حمر وصفر
• مجلس واقطاب ولا عبون
• جهاز فني
• جهاز اداري
• كلنا فدا لنصر السبت انشاء الله
• محتاجين اربعه اهذاف
• اتنين علي اللاعبين
• ومثلهما علي الجمهور
• وحق الحكم ما دايرنوا
• بجيب الهجين
• وبوحل في الطين
• وبخلي الناس من الكونفدراليه طايرين طايرين
• السبت معركه واستبسال
• والاحد الاحتفال
• اسلام مشاركه بقصيده
• قصيده جميله وطويله
• في الاحتفال بنقولها كلها
• اسي بنديكم منها مقطع
• اسم القصيده
• مافينا ديك عده
• بكل بساله وكل رجاله اعددنا العده
• اهذافنا الاربعه واحد واحد بنعدها
• بنجيبها بساله ونجيبها رجاله واسطورة تونس بنهذها
• وشبكتنا الغاليه مابنفرطفيها وبنسدها
• ما بنهزم روحنا مافينا ديك عده
• ومافينا الراسو بلف ومافينا انتر امبده
• بتونس مع صديقي عيسي ابكر
• ابكر ذكرتني دشر
• بتاعت اللديتر
• المهم
• كان بحكي لي عن دارفور ونيالا والفاشر
• قلت ليهو انت من وين ؟
• قال لي من الفاشر
• قلت ليهو يازول !
• ضحك وقال لي انا من فاشر السلطان ما فاشر المواسير
• عجبتني العباره
• قلت ليهو ونحنا برضو فريق السلطان ما فريق المواسير
• قال لي كان كده التونسي بطير
• سننتصر باذن واحد احد
• انا شخصيا بعد المباراه حا افتتح حوض السباحه واعوم بدون مويه
• ولب يالب
• خالتي قالت لي الجماعه اليومين دي مضلمين مالهم , مادفعوا الكهربا ولا شنو ؟
• قلت ليها سافروا مصر
• قالت لي ليه ؟
• قلت ليها عندهم كورة الرد ضد الاسماعيلي
• صلحت طرحتها وعدلت قعدتها وقالت لي ( اس ) بالكسره تحت الالف
• قلت ليها ( اس ) ليه ؟
• قالت لي هنا عملوا شنو ؟
• جات داخله جارتنا
• امرأه تسبقها بسمتها قبل ان تلتقيك
• سالمتنا وقالدت خالتي
• وهي لهجتها ( عربي جوبا ) حلاة الحروف العربيه في خشمها
• الجيم دي تعطشها ليك لمن تآمن
• والغريبه الشين
• قعدت
• خالتي قالت ليها وين بتك سلوي ؟
• جارتنا قالت سلوي مشي تاهونه اصلو توالي بجيب لينا الهجين
• قلت ليها دي سلوي ولا الاتحاد الافريقي طوالي جايبه ليكم الهجين ؟
• وضحكنا كلنا
• بصراحه يا اخوانا
• نحلم بسودان واحد
• وبمصير واحد
• وبحلم واحد
• ونصر واحد اغر
• في السبت الاخضر
• الرائع خالد عزالدين قال لا يختلف اثنان في ان الهلال هو نادي الحركه الوطنيه
• عندي سؤال يا خالد
• الحركه الوطنيه بتاعت ناس كلارك الانجليزي دي علاقة السودان بيها شنو ؟
• ايها الناس
• يجب ان يعرف العالم كله اننا فاشر السلطان ما فاشر المواسير
• غدا السبت
• سنلتقي حتما
• انا علي كلمتي
• في المدرجات الشعبيه الجانب الجنوبي الشرقي زقاق العجب
• مع صفوة الصفوه
• الداير يشجع يا احمد محمد احمد نشوفوا
• ونفس العزله القديمه
• انا والوالي في حتتنا
• والداير يغير مكانو حر
• مريييييييييييييييييييخ
• يااااااااااااااااااااااااااا
• مرييييييييييييييييييخ
• يعيش يعيش يعيش
• ملحوظه
• طالما رونالدينيو جاي الامارات ميسي بجي فداسي
سلك كهربا
لن ننساك 000 دي ايام تتنسي فيها !
والي لقاء
سلك
babikir maki [b_silik@hotmail.com]
