سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• المهم
• صباح اتخارجت من الانعاش ورجعت بيتها
• صلاح قال ليها انا عازمك حفله بالبلابل
• يعني نظام الكرامه وحمد السلامه
• صباح تاني صدقت
• قام صلاح قال ليها في قروش جاياني لسه ماجات , جيبي حلقك نبيعوا ونشتري تذاكر حفلة البلابل ولما قروشي تجي اشتري ليك حلق موديل 2010
• ومرقت الحلق حيلتها وباعتو عشان تحضر البلابل
• ادت صلاح القروش عشان يجيب التذاكر
• وفعلا صلاح جاب تذكرتين لحفل البلابل
• صباح قبل الحفله بيوم غسلت الشعر ولفتو بالرول
• وربطت عليهو اشارب كبير لزوم التحوط للغبار وكده
• وبدت تتخيل نفسها يوم الحفلع بتاعت البلابل قاعده قداااام جوار صلاح
• والناس يعلقوا عليها وعلي وقارها وجمالها
• بل ومشت اكتر من كده
• انو الناس بتستكترها علي صلاح
• المهم
• صلاح جا داخل وقال ليها فكي الرول والبسي الابرول ونضفي البيت
• قالت ليهو بخلعه وحفلة البلابل ؟
• قال ليها اتلغت , في بلبله عيانه
• قالت ليهو من متين ولي متين ؟
• قال ليها لاجل غير مسمي
• قالت ليهو وتذاكر الحفله ؟
• قال ليها نحضر بيها حفله تانيه ببراعم الغناء
• قالت ليهو انت قايلني جعانة حفلات من طرف ؟ انا بعت حلقي عشان حفلة البلابل , لو مافي حفله للبلابل انا ما بعرف ترجع التذاكر وترجع لي حلقي
• صلاح قال ليها لا التذاكر بترجع ولا شئ
• قالت ليهو وحلقي ؟
• قال ليها لو مصره بمشي الخلا اأجر لي جهاز وافتش عن الدهب القي لي جرامين اجيبم ليك تدقيهم حلق
• مسكينه صبح
• صدقت صلاح
• لادخلت حفلة البلابل ولا لقت حلقها
• وبقت تشكي لي ربها الخلقها
• كتب الرائع عبد المولي الصديق تحت عنوان يوسف محمد الوجع الاكبر
• يا ود الصديق معقوله الضربه واجعه يوسف للدرجه دي ؟
• الله يشفيهو , بس يا عبدالمولي اصبروا وصابروا علي العلاج لو طال
• زمان الحاجه بت بتي البصيره والخبيره قالت اي شئ ولا ضربة العراقيب , لابتجبر ولا بسرعه بتطيب
• والله نحن يا عبدالمولي اشد الناس حرصا علي تعافي يوسف محمد
• علي الاقل نضمن تألق موسي الزومه
• قالوا كامبوس شغال اعداد معنوي
• يعني في التمرين بقول لي ناس الدعيع ما تخافوا ما بلعبكم المعز من قطر للكفر , انتوا احتياطي
• الارباب قالوا قال في ما معناهو جريدة السوبر شغاله بالهلال اكتر من المريخ
• طيب مالو يا صلاح ! موش انت قلت الوالي هلالابي !
• خلاص شغالين نحن بالفريق البشجعوا رئيسنا
• تهئ 000 تهئ 0000 تهئ
• فرحت شديد للرقم القياسي الذي وصلته وهج الصفوه في التوزيع
• مزيدا من التوفيق استاذي اسماعيل حسن الصبوح
• صبوح دي ما تفهموها انو اخو صباح بتاعت القصه
• الارباب قال غير منزعج لتأخر الاعداد
• انا غايتو منزعج للبداية الجيده لاعداد الحكام
• يوسف كتروا ليهو الترمس والجداد
• جداد وترمس !
• موز ريكاردو كيف !
• سادومبا عرفنا انو السيده والدته مريضه وتحتاج الي جرعات من عقار دولارسايكولين
• لاسانا مالو؟
• اتوقع ان يستمر الاعداد الدولي لبكري المدينه وفيصل موسي ويوسف محمد طويلا لانهم حايبدوا اللعب الدولي موسم 2011 0
• ناس قداااام خلاص
• بمناسبة قدااام دي
• قال ليك حبوبة لينا جات من البلد حالفه الا تشوف العجب الجنن الجنون ده
• وصلت الخرطوم
• سألت ليها واحد 000 ياجناي بيت ناس العجب وين ؟
• قال ليها في كوبر
• ركبت حافلة كوبر وقالت للكمساري نزلني كوبر
• الكمساري نزلها جمب سجن كوبر
• ماشه برجلينها في الشارع في محازاة حيطة السجن كان في مساجين في الحيطه شغالين صيانه
• واحد شاغلها ( ما عندو ادب ) قال ليها سك 00 سك 00 سك , وين يا تتي
• الحاجه اتلفتت عاينت ليهو وقالت ليهو ووب علي ووب علي انت مسجون من زمن تتي !
• تقول لي حفلة البلابل
• اليوم الجمعه الامه القانونيه مجتمعه بالقلعه الحمراء في احتفال كبيييييييييييييير
• تعال ومعك آخرون
• المكان مسرح دار النادي , الطابق الارضي , شرق النادي ابو تلاته طوابق , غرب المسجد ابو (ميضنه ) لما ولعت خالتي قايله روحها في المدينه
• تعال وجيب معك آخرين
• نادي امين
• في الشارع الرئيسي ولا خوف من المرافعين
سلك كهربا
حلق صباح مرق في الحتانه
والي لقاء
سلك
