بسم الله الرحمن الرحيم
في السلك
babikir maki [b_silik@hotmail.com]
• غايتو قون راجي السواها رقدت
• في ناس لي اسي في الحوادث
• واحدين اتحسنوا
• لكن لسه الدكتور ما خرجهم
• راجنوا يخرجهم
• فرحانييييييييييييين
• تقول الدكتور جاي يخرجهم من طب عين شمس
• وواحدين لي اسي مغبيين
• قون بالف قون
• لو كانت النتيجة عشره صفر
• ماكانت بتكون حلوه كده
• ولو كانت واحد صفر من اول الدقائق
• ما كانت بتكون حلوه كده
• ولو كانوا ناس الخرطوم فيهم زول واحد بره خط طمنطاشر
• برضو ما كانت بتكون حلوه كده
• ناس السمك لي اسي راقدين تحت السرير
• والسمك ينقط
• تف000تف000تف
• ينقط في الزيت
• كانت مباراه زي المباراه
• برغم الضغط التحكيمي
• الا ان روح الاصرار كانت اكبر
• كل الصفوه برغم مرور الوقت
• كانت عيونهم تقول مريخنا عظيم رغم التحكيم
• ذلك الهتاف المريخي الاصيل والقديم
• برغم التحكيم علي مر العصور
• كان الزعيم
• بانجازاته المتفرده
• وبروح الانتصارات
• زعيما علي كل الفرق في البلد
• جاء بالمعجزات
• والجويات
• والارقام القياسيه
• وغيره
• لليوم يحلمون بتحقيق واحد من انجازات الزعيم
• فوقوا يا ناس
• اها
• واحد من الناس المغبيين الراقدين في الحوادث
• بتكلم مع واحد تاني مغبي معاهو
• الاول قال للتاني اكتر حاجه غايظاني قولة مانديلا دي
• انت عارف وكت يقولوا مانديلا
• جسمي ده كلو يترقط
• وايديني يرجفن
• وتجيني شحتافه
• وحاجه هنا ( يؤشر علي حلقومه ) تقيف لي ريقي ما اقدر ابلعوا , وماعارفها هي شنو ؟
• التاني قال ليهو حاجه بتقفل حلقك نهائي ونفسك يقوم ؟
• الاول قال ليهو بالضبط , عرفتها كيف ؟
• التاني قال ليهو انا زاتي بتجيني
• الاول قال للتاني لكن هي شنو ؟
• التاني اتلفت يمين وشمال وقال للاول
• دي الحساده يا صاحبي , غيرها هي الرقدنا الحوادث شنو ؟
• الاول قال للتاني خلاص غير الموضوع ده
• التاني قال ليهو موافق , تعال نتكلم عن حاجه تانيه , احرج موقف مر بيك شنو؟
• الاول صنقع ودنقر واتلفت ومسك حلقوموا وقعد يفرفر
• التاني قال ليهو يازول مالك خير ؟
• الاول قال ليهو انت موش قلت نغير الموضوع ؟
• التاني قال ليهو ايوه قلت
• الاول قال ليهو وترجع لي تاني للموضوع البقفل الحلقوم ليه ؟
• التاني موضوع شنو الرجعت ليهو انا ؟ انا قلت ليك احرج موقف مر بيك شنو ؟
• الاول مسك حلقوموا تاني وقعد يكورك , آآآآآآآآآآآآخ , أأأأأأأأخ , آآآآآآآآآآآآآآآآخ , احرج موقف مر بي يوم مانديلا وصل المطار
• التاني مسك حلقومو وقام يكورك
• آآآآآآآآآآآآآآآآآآآخ , اخ , أخأخأخأ , آآآآآآآآآآآآآآآآآآآآآآآآآآآآآآآآآآآخ
• وقام يبرطم وسيكافا الاولي
• الاول يعطس أتشوووووووووووووووووووووووم , وسيكافا التانيه
• التاني يعطس آآآآآآآآآآآآآآآآآآآآآآآآآآآآتشووووووووووووووووم ودبي
• الاتنين وقعوا في الارض ورجعوهم الانعاش قسم العنايه الوسيطه عنبر العبره البتخنق في الحلق الجناح الخاص مانديلا
• غايتو لو فاقوا ولقوا روحهم في عنبر مانديلا ياهم الحولوهم المشرحه
• الحساده ما بتودي سيدها لي قدام
• الحساده سيدها حدوا دور الاربعه
• واحد بتاع بحر كان قاعد جمب البحر قال تلاته حاجات هزوهوا من جوه
• دخلت الانجليز للسودان كداري والبلد كلها هايسات, وضربة الشفا , وقون راجي في آخر الدقائق
• بتاع بحر تاني كان راااااااااااقد جوه المويه , اتلفت علي الاول وقال ليهو
• قون راجي في آخر الدقائق ياتو ؟
• الصفوه هيثم ابو زيد الطالب بقانون النيلين من الابيض صاحب الرقم 0915826099 قال عاجبو اسم راجي واسم راجل واسم راجم ومنو خروف وبضيف اسم راسم
• قال راسم البسمه في شفاه الصفوه
• وراسم الغمة في قداديم الآخرين
• تغير الاتحاد العام ولم يغير عمايلو
• مشي الدكتور
• وجا دكتور
• دايرين نشعر يا دكتور بالفرق بين الدكتور والدكتور
• كان صعبه
• ادوا مجدي رئاسة الاتحاد وجميع اللجان واستريحوا
• ياهمد
• الفرق شنو بين يوم سبعاشر ويوم طمنطاشر ويوم تسعطاشر
• يعني اسي المجلس اجتمع عشان يقول ما بنلعب يوم طمنطاشر
• نلعب يوم سبعطاشر
• او يوم تسعطاشر !
• دي زي تقول لاتنين شفع متشاكلين اتصالحوا
• واحد ماداير يصالح
• تهرشوا
• يقول ليك خليهو هو يمد يدو اول
• ده كلام ياناس !
• يا اما الاتحاد يحابي الهلال في التأجيل لاسباب غير مقنعه
• وهنا لا ممتاز ولا استقرار موسم رياضي بهمنا
• او للتأجيل اسباب مقنعه
• وهنا تتساوي ايام 17 / 18/19
• يامجلس المريخ
• اذا استمر الاتحاد في استخفافه بالمريخ
• فان الجماهير ستفجر غضبه لم يشهدها الشارع السوداني
• تلك الكارثه قطعا يكون سببها المجلس بمواقفه التي لا تعجب الصفوه
• دايرين مجلس عبدالعاطي يانااااااااااااااااااااااااااس
• يحسمها نهائي
• ياروشا
• بعت ولالسه راجي راجي يعكسها !
• يوسف محمد الماسوره
سلك كهربا
معقوله ننسي !
والي لقاء
سلك
