ميدان تحرير المرأه .. بقلم: بابكر سلك

بسم الله الرحمن الرحيم
في السلك

•    حضرت حلقه تلفزيونيه عن تحرير المرأه
•    برغم اتفاقي مع المتحدثين في قليل من الامور
•    وبرغم اختلافي معهم في كثير من الامور
•    الا اني اعترف بان الموضوع كان مهم
•    ولانو ماكان في اتصال بالبرنامج
•    عاملين اضان حميل ومادايرين يسمعوا زول
•    عايز اقول فهمي في الموضوع ده
•    الاول من قيد تحرر المرأه ؟
•    وهل الكلام كان عن المرأه في السودان بالتحديد ؟
•    ياناس
•    المرأه السودانيه حره
•    بموجب الدين
•    وبموجب الاعراف
•    بل مقدسه
•    ومقدمه علي الرجل في كثير من المحافل
•    ويجب ان لا ( نلفح ) اي موضوع يثيره الناس في العالم و (ننقز ) بيهو
•    المرأه تحتاج لتحرير هناك في اوروبا
•    محل نادوا بتحريرها
•    اتحدي راجل اوروبي يقيف في المواصلات عشان تقعد واحده ست
•    اتحدي اخ اوروبي يغير علي اخته لدرجة ان يقتل او يقتل في سبيلها
•    مجرد زول شاغلها ساي في الشارع
•    انهم ينادون بتحرير المرأه لانهم قيدوها
•    بقت عندهم سواقه قطر
•    ومكانيكي
•    وتعمل في مجالات لا تتناسب مع وصفها بالقاروره التي اوصانا عليها بالرفق الرسول الكريم
•    التي تنشأ في الحليه
•    المرأه عندنا لها حرية في ان تتعلم
•    وان تعمل
•    وان تتاجر
•    وان تختار زوجها
•    وان تختار الانفصال عنه
•    بالشرع
•    وبالمنطق
•    وبالاصرار
•    اذا كان سببها (مكجناهو ) ساي تستطيع ان تطلب التطليق
•    لذا
•    لا توصفوا المرأه في مجتمعنا بالمكبله
•    ولا اظن ان دعاة التحرر يقصدون ( الانطلاقه )
•    ومن هي المرأه
•    الام الاخت الزوجه والابنه والحبوبه والعمه والخاله
•    وروني منو احلي من ديل في الدنيا
•    نحن عندما نقول الحاجه قالت
•    يبقي الكلام كمل
•    تقول لي تحرير
•    المثقفاتيه ديل اخير يبعدوا من مرأتنا دي
•    مبسووووووطه
•    ولو اختارت قطع الدراسه
•    وعدم العمل
•    وقعدت في البيت , مافي زول بغصبها علي شئ مادايراهو
•    تبرمج مع نساء الحي
•    الجبنه ما جبنه
•    والفطور مافطور
•    والفسيخ زي العسل
•    والاهتمام كلو بالغت ياخاينه , الكريم ده ماقلتي لي
•    ووشك اليومين دي راييييييق
•    ومتجدعاااااات
•    ومتصرفات بقروش راجل مجبور علي اعاشتها
•    اب او اخ او زوج او ابن او قريب سااااااي
•    الناس البقولوا المرأه السودانيه غير محرره
•    اعملوا ليكم ميدان تحرير للمرأه
•    وشوفوا لو تجيكم زوله سودانيه وااااااحده
•    المهم
•    امس خسر الزعيم في ليبيا
•    من فريق ماهين
•    لكن يتخيل لي البدري بعد الكوره
•    التلفت علي من انتقدوا تصريحه وقال
•    جالكم كلامي !
•    الزعيم لسه ياناس
•    داير شغل
•    وداير رقابه صارمه
•    وداير قرارات تتناسب مع كل حاله علي حده
•    وداير جمهور شفت
•    يفهما طايره
•    ويعرف كيف يحمي مصالح فريقه الذي يحبه
•    حكاية فلان باك
•    وفلان جناح
•    وفلان راس حربه دي انتهت
•    بقت فلان يجيد الاستلام والتمرير وتخليص الكره من الخصم وتمريرها بامتياز للزميل
•    وفوق كل ذلك صاحب لياقه عاليه
•    ما بضيع مجهود المعسكر في محل شيشه
•    ولا بضيع حق الجمهور في سهرة ونسه مع الاصدقاء
•    وبعرف قيمة الفريق الذي ينتمي له
•    ايها الناس
•    اتركوا العواطف داخل المعاطف في البيوت
•    وتعالوا لمريخكم
•    قطعا سيشرفكم ويتشرف بكم
•    ايسكوتس ايسكوووووتي
•    ميش قالوا سادومبا سأل بتاع امجاد قال ليهو مشوار المطار بي كم ؟
•    تاااااااااااااني يا تفيده !
•    اسي ام سادومبا دي في زول قدر يقول ليها تلت التلاته كم ؟
سلك كهربا
            شفت كيف عاملنا ساندرا , تقول لي تحرير !
والي لقاء
سلك
babikir maki [b_silik@hotmail.com]