بسم الله الرحمن الرحيم
في السلك
• راعي الضان في الخلا يعلم ان بله جابر يعاني من اصابه
• برغم ذلك نقرأ عن تمرد بله
• بل ويقولون ان ذلك تمهيدا لابعاد بله من تشكيلة القمه
• ويتحدثون عن عبدالحميد السعودي
• وعن الظلم الذي يجده من كتاب المريخ
• يعني عبد الحميد في السما
• لكن كتاب المريخ مكجننوا سااااااي
• كلها وغيرها كتابات لغرس فتنه في الوسط الاحمر
• نحنا ياناس ما دايرين ولا محتاجين لي زول يورينا نعمل شنو مع ناسنا
• الذين يتباكون علي السعودي
• نسألهم سؤال
• اين حموده بشير ؟
• ولماذا تم شطبه
• وكيف ودع كلتشي وقودوين ( المحظور في المطار ) نادي الصلات الطيبه والمعامله الكريمه !
• وكابوندي وامولادي وامادو وكواريزما
• اين ابو بكر الشريف !
• وهل تحفظون العشره في ناديكم للاعب قدم ثم توقف !
• هل يبقي في الكشوفات نظير ماقدمه سابقا !
• ولماذا طالبتم بمعاقبة سادومبا لمجرد انه تأخر عن الحضور !
• ولماذا انتقدتموه عندما ربط اللعب بالدفع
• اين كنتم يا مصلحين يا اجتماعيين عندما تم شطب خط دفاع كامل
• لا لشئ سوي ان وارقو رقدهم سلطه
• لماذا لم تشفع العشره عندكم لرتشارد ومرق وجوليت وغيرهم !
• ياناس هووووووووووووووي
• خلونا مع مريخنا
• ونحنا بنعرف نتعامل كيف
• المهم
• اين علاء بابكر !
• ولماذا تم شطبه من الهلال
• افتونا ياناس الصلات الطيبه
• بالمناسبه
• البلدوزر عندو حداشر هدف وحالف يعملها تلطاشر
• ياربي نيل الحصاحيصا كورتو الجايه وين ومع منو ؟
• سمعنا بالكشخه
• لكن هي شنو ما متأكد
• بكره بتعرفوها كلكم
• ناس الاستقرار
• عدالين القصص
• الليله بالليل القصه ما تميل
• ويوم اربعطاشر بالليل اخاف راسكم ينزعط
• وتقعدوا سااااااااااااااااااااي
• ولكل اول نهايه
• قالوا الليله في تونس السحاب من امس متجمع
• واحد جاي من ليبيا
• وواحد من الجزائر
• وواحد من الغرب
• اي سحابه في حوض البحر الابيض المتوسط جات تونس
• ناويات يصبن الليله
• المناخ مناخ بحر ابيض متوسط
• ممطر شتاءا
• والشتاء دخل تونس
• بدري الكلام ده
• سامع الجمهور التونسي في التمرين الختامي يهتف
• كاتخ 000 كاتخ 000 كاتخ
• ماعارفهم قاصدين شنو
• انا في الرياضيات بالفرنساوي ضعيف
• كلمتكم
• ما دسيتها
• كاتخ دي كم ماعارف
• لكن واحد تونسي زمااااااان سالني عن الدوده ام اربعه واربعين
• قال لي كيس كوسيه ؟
• قلت ليهو دوده
• بنقول عليها ام اربعه واربعين
• قال لي , وي مسيو
• وقال لي في ما معناهو انهم في تونس بسموها ام كاتخ وكاتخوين
• عرفتوا كاتخ يعني كم ؟
• انا ضعيف في الرياضيات بالفرنساوي
• سألت تونسي عن النتيجه المتوقعه
• قال لي دغو ني با
• أه زيغو ني با
• دو زيغو ني با
• خوا زيغو ني با
• كاتخ زيغو
• وضحك
• قلت ليهو مافاهم حاجه
• لكن بنفهم بالترجمه علي الشريط
• وضحكت معاهو
• مجامله
• قال صلات طيبه قال
• ياخ انتوا صلاح ادريس منعتوهوا من دخول المعسكر
• ودخل اللاب توب
• (وير ليس ) خلي بالك
• علي كم قسط يا ربي !
سلك كهربا
لو بننسي كان شجعنا فريق تاني
والي لقاء
سلك
babikir maki [b_silik@hotmail.com]
