بسم الله الرحمن الرحيم في السلك b_silik@hotmail.com *فرحة الاهله بالتعادل منطقيه *فالفرق الضعيفه لما تتعادل مع الفرق الكبيره تفرح *والفرحه بالتعادل قادت الاهله للكذب علي مدربهم *قالوا ليهو ده السوبر السوداني *يا اما كمان ماقالوا ليهو *والكضاب المدرب *والمدرب لما يكون كضاب *ببقي ماعندو شئ *اسي موش بقولوا ليك فلان ده كضاب ماعندو شئ ؟؟ *ايها الناس *اذا كان مدرب الهلال شاطر *وظهر في شوط المدربين *ارجعوا للمباراه *في شوط المدربين اضاع المريخ هدف مضمون من جابسون *رأسيه ربنا ده قدر انها ما تدخل *واضاع عنكبه هدف في خط المرمي *وانقذ الحبشي الهلال من هدف مضمون في كورة بكري المدينه *وبكري قصتو قصه *حكايتو حكاية *لما خطف الكوره وجري *طبعا زي ماقلت ليكم ناس السكري اتزنقوا *وزنقة السكري حاااااره *ما بتتمسك *فانبهلوا *وجدنا لهم العذر *زنقة السكري ما بتتحاش *لكن ما شفتوا ناس المصران *ناس المصران بالغوا *عملوها ظاااااهره *علي اليمين العينات المرقت في جرية بكري ديك *في الترا لاب ماحصلت *في اجعص مختبر ما بتتوفر *عينات اشكال والوان *بالغت يا بكري *فضحت الناس فضيحه *ايها الناس *ضربة علاء الدين زي ضربة برج التجاره *من بعيييييييييييييييييد *وزي ما الخواجات عملوا لي ضربة برج التجاره ذكري *حقوا ناس كردنه ديل يحتفلوا بذكري علولو *الرابع والعشرين من يناير *ايها الناس *كيف يكون مدرب الهلال نجح في شوط المدربين *والهلال لم يصل مرمي المريخ الا مرة واحده عن طريق كورة قالشه من نزار حامد *يعني حتي الهدف كان صدفه *المهم *زمان حموري الصغير بشيل الكورة من النص *ويجري علي المدافعين *كان جروا منو *بسكهم بالكورة لما يدخلها *الحكاية دي ذكرني ليها بكري اول امس *وقتها كانت الجماهير تهتف لحموري *الكشه ضروري يا حموري *واليوم نكرر الهتاف *الكشه ضروري يا بكوري *قلت لي لوزان قالت شنو ؟؟؟؟؟ *ناس تفرح بي تعادل لما تكضب ؟؟؟؟ *الغريبه الزول لو شرب شربوت ما بكضب *بفتوا طواااااالي *مشاكلو الليها سته سنين بفتها *معقوله شربوت وكضب ؟؟؟؟ *طالبني حليفه ؟؟؟ *المهم *نسير بخطي ثابته نحو الامام *وعلي الشفوت يقع عبء النصرة والمناصره *والتحيه نلوح بيها امام رابطة كوستي *بروفه تشجيعيه للمعارك الافريقيه *اليوم نجي كلنا من عصرا بدري *نشجع ونستمتع ونمتع *ونجر القراف عشان الجمل يخاف *بيني وبينكم *الجمل خايف من بدري لكن بكابر ساااااي *غايتو المشوار الراجي الجمل في نهر النيل طويل *مشوار حايخلي ليك السنام بي جهه *والخف بي جهه *وعوجة الرقبه ديك تستعدل *ايها الناس *نجي نشجع بقوة *نثبت للمجلس والجهاز الفني واللاعبين *انهم لو قاموا بعملهم كاملا *فاننا كجماهير ما بنقصر *وسيكون شكرنا لكم *هتافا وتشجيعا راقيا وجميلا *وجماهير المريخ خلاقه *تستطيع ان تصنع مهرجانا للاهازيج والاغاني *بس اهم شئ *هتاف بكري *الكشه ضروري يا بكوري *جنس سكري *وجنس مصران *وده البخلينا نطالب بانشاء حمامات في الاستادات *بالذات في الكور المشارك فيها بكري المدينه *بكري *الترا لاب يا عمك *ايها الناس *شندي كيف ؟؟؟ *غايتو يا البص يعمل حادث *يا ماتمشوا *لكن لحقتوا ختيتوا كراعكم دي في شندي *ذكري احراق اسماعيل باشا ستتكرر *ولو يحكمها الكاردينال *علولو جاب قونو *فضل قون سيدا *قون سيدا ده زي *جون سينا *والتحكيم الا يطير *اهل المك لن يرضوا بالحقاره وبالذات داخل ديارهم *جدعة كدوس العالم كلو بتكلم لي اسي بردة فعلها *كدوسكم ده الا تبلعوهوا *وين عاد *ايها الناس *تعازينا للاخ حسن محجوب في وفاة والدته *وتعازينا لكل المريخاب في وفاة الدكتور محمد الطيب *الرجل الحبوب المحب المحبوب *بفقده فقد المريخ كادرا طبيا وانسانيا واداريا عملاقا *اللهم ارحمه رحمه واسعه واجعل الجنة مثواه *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *الغاز ما بتخزن لينا *وكان قلنا رقد يا والينا *مافي زول بثق فينا *يعني لو سمعت طرشقه في المدينه يا والينا *ما تخاف يا والينا *ديبتكون انبوبة غاز طرشقت منينا *وطرشقت فينا *زادت حزن المدينه الحزينه سلك كهربا ننساك كيف ومافضل لينا الا نخزن النفس الطالع ونازل ده والي لقاء سلك
