بسم الله الرحمن الرحيم
في السلك
• ناس مدني ناس كوره من زماااااااااان
• عرفوها من بدري
• اتحاد مدني ناقص 13 لاعب اساسي
• عشان كده جمهور مدني مشي الفول من بدري
• الجمهور نفرين
• والاهداف تلاته
• كوره ما كانت لي بدر الدين عبدالقادر
• علاء اللفه جاب قون جميل
• اسلام قالت لي ده منو الجاب القون ده ؟
• قلت ليها ده علاء الدين
• قالت لي ياريت لو ساقوهوا مصر ولعب كورة الاسماعيلي
• الجماعه حايقابلوا كابس يونايتد الزمبابوي
• وسادومبا من زيمبابوي
• ولو سادومبا قال الحاجه بي عافيه وسافر ليها في اليومين دي تبقي ظااااااااهره
• مرض ام سادومبا بنعرفوا
• واليومين دي ماشاء الله قالوا الحاجه الصحه بمب
• كان شفتوا سادومبا في المطار كابس طار
• الطاهر محمد عثمان قال ضربة الجزاء مع العجب ما بنلتي
• طيب يا الطاهر
• بتاعت اتحاد مدني في الدقيقه 84 العملها منير الانتر برضو ما عجب ولا عجب ؟
• في الاعلام الرياضي عموما اقلام بتشوت ( بعضم الشيطان ) زي موسي الزومه
• تقصد النفع لفريقها
• ولكنها تضره
• الهيلمانه الاتعملت للترجي من الاعلام الرياضي المريخي والفولي والمحايد
• افقدت المريخ التركيز
• ده طبعا بالاضافه لابو ماسوره
• ابو ماسوره الحيرنا
• غاسروكا !
• مابتخافوا الله !
• لكن لكل داء دواء
• اكتشفنا ليك آيتين يا ابو ماسوره باذن الله تجيب اجلك
• المشكله بعد تجيب اجلك بتقابل ربك كيف !
• نحن ماعافين ليك حقنا دنيا واخري
• كل المريخاب
• الاحياء منهم والاموات
• ماعافين ليك
• لاانت ولا الجابك
• امس شفت كامبوس واقف اثناء كورة مدني
• ضحكت
• لاني اتذكرت كامبوس يوم الاسماعيلي في الاسماعيليه جابوهوا واقف برااااااااااااااااهو
• ولا زول مامعاهو
• بس في فنيله مجدوعه في دكة البدلاء
• بالمناسبه
• مبرووووووووووووووووووك
• كامبوس غير القميص المكمبس , اقصد المخطط والبدله
• دي من مصر ولا شنو ياكوتش !
• المدربين يجيبوا نقاط وانت تجيب تي شيرت !
• غايتو
• حارس اتحاد مدني حيرني
• ناس مدني ديل لو جابوا زول من شركة الهدف كان حرسها اخير من فرحان الفرحان ده
• غايتو ياناس اتحاد مدني
• لبس قونكم ده لو لقيتوا ليهو قون يلبسوا تكونوا ماقصرتوا
• كورتنا ضد النيجر
• والجماعه ديل اخوانا من زمااااااااااااااااااان
• بجوا الحصاد في القضارف من زمن عبود
• وعندهم ميزه
• لما يجوا ماشين العمره باشروا من عندنا
• بعثه الحج النيجريه كلها بتتحرك من الخرطوم
• بجواز واااااااااااااااااااحد
• الجواز عندهم زي الطياره
• بشيل اربعطاشر زول
• جواز هايس بس
• يعني ممكن البعثه كلها تجي بجوازين
• ماتستغربوا
• ابو ماسوره حيرنا
• ود اخوي عمرو اربعه سنين
• حريف في الكوره
• قال لي يا عمو جيب لي لبس مريخ
• جبته ليهو لبس كامل
• لبسو وقعد يلعب بالكوره
• موهوب
• قال لي انا داير العب في المريخ
• قلت ليهو لما تكبر , لكن داير تلعب شنو ؟
• قال لي راس حربه
• قبل ارد عليهو اتزلق بدون مبرر وانكلو اتفكه
• يا ابو ماسوره
• عذبتنا
• الجنيد !
• خاف الله
• قاصد اي زول لابس احمر !
• يعني تاني الزول لو حمر لي زول تلفخو
• لكن الحمدلله
• الله اكبر من كيد الحاسدين
• لقنا ليك الدواء
• تتذكروا الطيره المربوط فيها حجاب الجابوها في الدار ؟
• ابهات المواسير كتااااااااااااااار في البلد دي
• ياربي تقرضهم وتعجل بالنصر وبالفرج
• بالمناسبه راجعين لي موضوع جمعية صلاح سعيد
• وراجعين لموضوع كاف كمال دحيه
• شيلوا الصبر
سلك كهربا
لن ننسااااااااااااااااااااااااااااااااك
والي لقاء
سلك
babikir maki [b_silik@hotmail.com]
