سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• قراء الخرطوم الاعزاء
• نتأسف للغياب الذي كان رغما عنا
• نستأذنكم في الاطلاله من جديد
• نعود وفي النفس حزن يعتصرنا
• ولكنها عتره وتروح
• شده وتذول
• المهم
• الجماعه بتونسوا
• واحد قال المريخ مالو ؟
• واحد تاني قال ليهو المريخ لابعرف حكم زيمبابوي ولا فكي سنغالي ولا بخندق طوالي
• الواحد الاول قال مساكين ماحاتمشوا معانا دور الاربعه
• الواحد التاني قال ليهو زي ما سقناكم معانا لدور الابطال حانرجعكم معانا البيت
• نقول ليكم قوموا ارح
• اصلوا المشوار ماحقكم
• والواحد التاني قعد يغني
• انا وانت
• انت وانا ياحبيب
• نمرق سوا
• ندخل سوا
• نغرق سوا ياحبيب
• الواحد الاول قال ده غني شنو ده ؟
• الواحد التاني قال ليهو ده نشيد
• الواحد الاول قال ليهو نشيد شنو ؟
• الواحد التاني قال نشيد اسمو تغرقوا معانا ونطلع في الحتانه
• للمعلوميه
• الزعيم خسر مباراة كانو بثلاثيه واهدر فيها سداسيه
• الزعيم خسر مباراة زيسكو بثلاثيه واهدر فيها سطاشريه
• الجماعه فازوا علي زيسكو بهدف وما عملوا ولا هجمه
• هدف صدفه من ضربه ركنيه وهميه
• وصرف الحكم لزيسكو ماصرف
• وفازوا علي كانو بثنائيه الهدف الاول فيها كان ضربة جزاء كالعاده زيمبابويه وهديه ووهميه
• وصرف الحكم بالطريقه الزمبابويه ضربة جزاء نيجيريه
• وبعد ده كلو اللسان طووويل
• ليك يوم يا ابو طويله
سلك كهربا
الحريه تحتاج لسعة زمن ومكان وصدر, طوووالي الظرف ضيق
والي لقاء
سلك
