یا سـُودانِي مَا تخَلِّي الحَسُود یقول إِنك حقیقه ضَـلَلْتَ
و لیه زَاد صــمتـَك عَلي الحَاصـِـل فِي بَلَدَك إتبَــكَّمْت
شَــــایِفْ البِنَاصـِح فِیك وإِعِیدْ الكَرَّه لیـه إِنْتَ كِرِھْتَ
البِكِیْد لَكْ تَمشِـیلُو راسَـكْ واطِي مَاكَ سَعَیت وھَجَرْتَ
شــَیَاطِین إنْسَــك إتلَمُّو یِقِسْمُوا الكیكَه دَحِیْن ما شُـــفْتَ
سَــایقِنَّك ذي قَطِیع الضَان وإِت مُبَارِیھُم لامِن ضِــعتَ
غریبــه ناس الرصّــَه یاھُم دیك ما شــایفنَّك إتجَھْجَھْتَ
مِن سُقُوط أَبْ رَقْصَه بشــه .. العَدو بِحْفِر وإِنْتَ اتشـــتَّتَ
لمَّا سَــقَطَت كُنت مُتْیقِّن تمام إنَّك لي البُنـَا إتشَــــمَّرتَ
للإنتاج بِجِــد و ترتیب الصـــُفُوف في اللهَّ إتْوسَّــــمْتَ
بس إداره الثورة فَشَلَت وإنتَ یاشـعبِ حقیقــه إِتْلَوَّمتَ
أَفَنديَّه وعَسَـاكِر جُمْلَه شَغَّالِين حَفِـر وإِنتَ إِتْهَافَتَّ
واضِح إنَّك بِدَرَاهِم العَدو المُستَفِيد من خَيرَك إتلَجَّـمْتَ
بِیَد حَرَكَات الوَھَم و سَــاسَـة السَّــجَم یا شعبنا إتْشَرزَمتَ
یا شَـــعبي زِید الخَطْوَه شِـــد حیلَك شَــایفَك إِتفَحَمت
ما تَرجَي زول كایس مَصَالحوا مَا ھَمَّاھُو إنَّك إتنجَّمت
وأصبِر ومِد حَبلَ الصَّبُر مِترين وقُول بي مُرَّ الصَّبُر يا ربِّي إِتوَسَّلتَ
ویاحَمَدُوك كَمِّل جَمِيلَك ما ظَنَّيت يا زُولنَا إنتَ يِإِســتَ
حَقِيقَــة الحَل صَـعِيب بَس لَابُدْ تَكَمِّــل ما إِنتَ إِتبـَلْبـَلْتَ
معاك جیلاَ یَسُـــر البَال أبْشِر بالنَّجَاح و مَاك خِسـِرتَ
و أبشــر حَولَك السَّـانَات بنین وبنات ما ظَنّیتَك إِتْفَشّلتَ
وإن جَات فُوق رَاســنَا شَــينَه يا زُولنا إِنتَ مَاكَ فَشَـلْتَ
إســـماعیل الشـــریف ســـلیمان
alshreifi@gmail.com
///////////////////////
