التطواني السوداني

بسم الله الرحمن الرحيم
في السلك

*قبل كل شئ دعونا نشيد بمانشيت روشا امس
*مانشيت وطني عريييييييييييض
*ده السودان يا هو ده السودان
*ولاول مرة صحيفة روشا بسيرة جميله للمريخ تزدان
*صورة ضفر كانت تلهب الوجدان
*والي جوارها سيف مساوي الانسان
*هكذا يفترض ان تكون الخطوط العريضه في صحافتنا
*برغم ان روشا مرات هظارو خشن حبه
*الا اني كنت اقول واحس واعتقد ومقتنع
*روشا اخوي وفطومه اختي
*لاني اعلم بصفاء النفوس او افترضها
*ويمكن التعبير بخون مرات ومرات ومرات
*ولكن المسأله ليست بهذه المرارات في حقيقتها
*علي كل
*شكرا ضفر وشكرا مساوي وشكرا روشا علي الاحساس الطيب
*والكمونيه يا بت
*ايها الناس
*نداعب بعضنا البعض ببراءه
*وان فرضت التفلتات نفسنا في احايين كثيره
*فان حسن النوايا يجب ان يخفف وطأة التفلت علينا
*كمريخاب لا نشعر بطعم للبطولات (بالذات الجويه ) اذا لم يكن هناك اهله
*والاهله لا (يفرسهم ) الا سيرة مانديلا والجويات
*كرهناهم المطار زاتو
*ودي مناكفات المحبين
*التي يفترض فيها ان تكون بريئه وخفيفة الظل لتشعل المحبه
*وتساعد علي اشراق شمس التنافس النزيه
*والذي يقودنا جميعا لمنصات التتويج الدوليه
*المهم
*نحن في الوسط الرياضي لابنخاصم لابنعادي
*اها
*سبعه فرق صعدت معانا للمجموعات
*المريخ الهلال  ومازيمبي ووفاق سطيف وسموحه المصري والمغرب التطواني وموليدية العلمه الجزائري واتحاد العاصمه الجزائري
*المريخ السوداني ومازيمبي الكنغولي ووفاق سطيف الجزائري هم اعضاء دائمون في لوح الشرف الافريقي
*حيث استطاعوا ان يسجلوا اسمائهم باحرف من نور علي لوح الشر الافريقي بفوزهم ببطولة من بطولات الكاف
*وهو سجل دائم
*لا يمسح اطلاقا
*ويزيده التاريخ لمعانا
*اما  التطواني السوداني  وسموحه المصري والمغرب التطواني وموليديه العلمه واتحاد العاصمه الجزائري
*فرصيدهم مجتمعين صفرا افريقيا كبيرا
*فيهم من حاول كثير كهلال روشا التطواني
*وفيهم من جابو الدرب يا دوبك مثل المغرب التطواني
*يبقي الواقع يرشح للبطوله المريخ او مازيمبي او وفاق سطيف
*ويرجح كفتهم رصيدهم في الفوز ببطولات افريقيه من قبل
*اما التطوانيين وناس سمحوحه
*انا ما داير اقول تمومة عدد
*لكن يجربوا حظهم
*ايها الناس
*امس روشا ابدع
*منتهي الصراحه
*قال في آخر عموده اعتراف صريح
*قال الهلال داير تسجيلات في التكميليه تبعد المواسير
*المواسير المليان بيها مخزن الهلال
*والكاردينال ما بتلدغ من جحر مرتين
*الفجيره يا عمك
*روشا امس ما براهو
*يا ربي الحاصل شنو !!!
*المهم
*يقع في مجموعتنا تطواني ياباني تايواني ما بفرق كتير
*طالما العقرب في
*يبقي السم القدر غداهم في
*شقلبه واااااحده بتودينا دور الاربعه
*باص بالهد يودينا الفاينال
*وفي النهائي جريه من النص علي القون ومن القون وعلي المقصوره طوالي
*والكاس كاسنا ونحنا اهلو ونستاهلو
*ايها الناس
*شامي لي ريحة مطار
*ريحة المطار بنعرفها كويس
*بتعرف ريحة المطار يا محمد عبدالماجد !!!
*شميتها متين ؟؟؟
*ايها الناس
*كتير من الناس حاولوا يبخسوا انجازنا
*قالوا لينا مبروك لكن الترجي كعب
*قلنا ليهم الترجي ما كعب
*لكن باص بكري لي ضفر بالكعب
*وباص ضفر لي بكري الصعب
*ورأسيه بكري المن دهب
*وجات لي ضفر فرتق الضهب
*الترجي ماكعب
*كعب سانغا
*سانغا المنغولي
*اقصد الكنغولي
*الترجي ماكعب
*واحد شفت قندف كبير قال لي
*لو جابوا حداشر لاعب من كي ام كي
*وحداشر من الفشنكات المولاويه
*وحداشر من سانغا المنغولي
*وحداشر من التطواني السوداني
*ودخلوهم الميدان الاربعه واربعين لاعب ضد الترجي
*اسي بطيرهم
*ايها الناس
*الترجي ماكعب
*سمحين نحنا
*المهم
*ومن مظاهر الحقد
*واحد قال الترجي ما الترجي البنعرفوا
*وطبعا معذور
*لانو الترجي البعرفوهوا ابو سته وابو خمسه
*وزعلان عشان طيرنا الترجي
*ياخ ما تزعل
*ما طيرنا الترجي
*الترجي طار براهو
*المهم
*شفت حريف قال لي
*المريخ صعد والهلال صعد
*زي لما يكونو في اتنين طلاب ممتحنين
*ينجحوا الاتنين
*واحد علمي رياضيات والتاني ادبي
*ايها الناس
*العبره ما تخنقكم وتكتلكم علينا ساي
*ماطيرنا الترجي
*الترجي طار براااااااهو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*النسوان ديل بستكرتن فينا
*لي حق الغسيل يقولن عشرة دست
*حاجه نضيفه ليست لدينا
*ووكت الكسوه يقولن عشرة دست
*عريانين عديل يا ابينا
سلك كهربا
ننساك كيف والترجي طار برااااااهو
والي لقاء
سلك

b_silik@hotmail.com