باستخدامك هذا الموقع، فإنك توافق على سياسة الخصوصية وشروط الاستخدام.
موافق
الخميس, 19 نوفمبر 2026
  • اختياراتنا لك
  • اهتماماتك
  • قائمة القراءة
  • سجلاتك
  • عن سودانايل
  • اتصل بنا
سودانايل
أول صحيفة سودانية تصدر من الخرطوم عبر الانترنت
رئيس التحرير: طارق الجزولي
  • الرئيسية
  • الأخبار
  • منبر الرأي
  • الرياضة
  • أعمدة
  • الثقافية
  • بيانات
  • تقارير
  • المزيد
    • دراسات وبحوث
    • وثائق
    • نصوص اتفاقيات
    • كاريكاتير
    • حوارات
    • الثقافية
    • اجتماعيات
    • عن سودانايل
    • اتصل بنا
Font ResizerAa
سودانايلسودانايل
  • الرئيسية
  • الأخبار
  • منبر الرأي
  • بيانات
  • الرياضة
  • أعمدة
  • اجتماعيات
  • الثقافية
  • الرياضة
  • الملف الثقافي
  • بيانات
  • تقارير
  • حوارات
  • دراسات وبحوث
  • سياسة
  • فيديو
  • كاريكاتير
  • نصوص اتفاقيات
  • وثائق
البحث
  • قائمة القراءة
  • اهتماماتك
  • اختياراتنا لك
  • سجلاتك
  • عن سودانايل
  • اتصل بنا
تابعنا
© 2026 جميع حقوق الطبع محفوظة، سودانايل
منبر الرأي
زهير عثمان حمد
زهير عثمان حمد عرض كل المقالات

الجوع في السودان.. نظام طبقي جديد، وبليلة مبروكة ببركة الشيخ!

اخر تحديث: 19 نوفمبر, 2026 8:23 مساءً
شارك

زهير عثمان

الحرب دي ما بس هدّت البيوت ونهبت الدكاكين وشرّدت الناس.. دي عملت لينا إعادة ترتيب للمجتمع من أول وجديد، وقسّمتنا طبقات اجتماعية ما عندها علاقة بالشهادات ولا الألقاب ولا الأنساب، ولا حتى الحسابات البنكية. المقياس الجديد بقى بسيط شديد: إنت بتاكل كم مرة في اليوم؟ وبطنك بتفضى الساعة كم؟ عديل دا المعيار والمقاس هسي!
زمان كان الزول يتفاخر بعمارتو وعربيتو وماركة هدومو، هسي بقى التفاخر بعدد الوجبات! وظهرت عندنا طبقة أرستقراطية جديدة اسمها «ناس الوجبتين». ديل يا جماعة علية القوم، الطبقة المخملية، أصحاب الحظوة والنعمة، والغريبة عندهم طاقة شمسية! الواحد منهم يقوم الصباح يفطر، وبعد داك يتغدى، يعني عندو رفاهية وجبتين كاملات في اليوم؛ يمشي في الشارع رافع راسو، كأنو راجع من اجتماع لمجلس إدارة شركة «دال».
لكن حتى «الوجبتين» ديل عندهم نظام تقشّفي خاص؛ الفطور بقى «فطور-وغدا» يرحّلوهو لحدي الساعة اتنين الضهر، عشان يضربوا عصفورين بحجر واحد ويوفروا حق وجبة. أما العشا، فدا بقى من حكايات الزمن الجميل، زي حكاية المواصلات الرخيصة والكهرباء المستقرة، بنحكيهو للشفع قبل النوم عشان يحلموا بيهو.
تحت الطبقة دي مباشرة بتجي الطبقة الوسطى الجديدة: «ناس الوجبة الواحدة». ديل دخلوا في نظام الصيام المتقطع من غير ما يستشيروا دكتور تغذية، ولا يشتركوا في تطبيق رياضي؛ السوق براهو قرر ليهم يعملوا ريجيم إجباري، ومن غير رسوم اشتراك! أنت رحيم بيهم يا ربي، هم كتار والله.
الرغيفة البقت بسعر يخلّي الزول يعيد حساب ميزانية الشهر قبل ما يشتريها، بقت تتعامل معاملة الذهب؛ صغيرونة وغالية شديد، تمسكها في يدك وتعاين ليها شوية قبل ما تقدر تقسمها على اليوم كله. والعدس والفاصوليا، الكانوا زمان ملاحاً عادياً في سفرة البيت، اترقّوا فجأة وبقوا وجبة رئيسية، وأحياناً مشروع غذائي متكامل. أما الموية والملح، فدي بقت شوربة اقتصادية، فيها كل عناصر الصبر والتحمّل، وما ناقصها غير شهادة من منظمة الصحة العالمية عشان تكون مكمل غذائي رسمي لفقراء السودان!
وبعد ديل تجي الطبقة الكادحة، ودي ما محتاجة تعريف، لأنها بقت تمثل أغلبية الناس. ديل ناس التكايا والمطابخ الجماعية، وناس الصفوف البتبدأ من الصباح وما معروف بتنتهي متين؛ من الموظف الحكومي والأستاذ الجامعي، لصاحب الدكان والعامل اليومي، كلهم بقوا في صف واحد قدام حلة العدس والبليلة. زمان كان الراتب يكفي لحدي آخر الشهر، هسي الراتب ذاتو ما بيكفي لحق المواصلات، والموظف بقى يحسب الأيام من أول الشهر لحدي ما المرتب يخلص قبل ما يبدأ!
أها، الحرب حققت لينا نوعاً غريباً من العدالة الاجتماعية؛ ما بقت في طبقة وسطى ولا دنيا، بقينا كلنا في طبقة واحدة اسمها «ربنا يجيب الغداء إن شاء الله يكون معونة أمريكية». والفرق الوحيد إنو في زول عندو قروش يشتري رغيفة، وزول مستني التكية، وزول تالت مستني زول يتذكر إنو هو ذاتو موجود في الدنيا عشان يرحمو بأي شيء.
لكن طبعاً في طبقة تانية ما داخلة في التصنيف دا أصلاً. ديل ناس عايشين في كوكب براهم؛ مائدة عامرة، ولحوم وفواكه وعصائر، وما عندهم مشكلة في عدد الوجبات ولا سعر الرغيفة، وناسهم يطلعوا لينا في البيانات الرسمية يقولوا الوضع دا تحت السيطرة، وما في مؤشرات لمجاعة، إنتو اصبروا والجاي أحلى!
يا سلام على السيطرة! يعني الناس البقت تاكل «الأمباز» —علف البهائم— دي مؤشرات شنو؟ والبيوت البقى فيها الشفع يبيعوا كراسات المدرسة عشان يشتروا لقمة، ديل ما داخلين في الإحصاء؟ والناس البتفتش على وجبة في التكايا والمطابخ الجماعية، ديل يمكن محسوبين ضمن المستفيدين من برامج «السياحة الغذائية»! والله لو البهايم اتكلمت كانت اشتكت من منافسة البشر ليها في علفها، وقالت ليهم: «يا جماعة، نحن ذاتنا بقينا ما لاقين حق الوجبة، ما تجونا في الأمباز كمان!».
وفي وسط الحاصل دا، عندك حكاية المريدين وشيخ الطريقة؛ الجماعة ديل مشوا للشيخ وحالتهم تحنن الكافر، المصارين بتصوصو، والعيون داخلة لجوة، قالوا ليهو: «يا شيخنا، والله البليلة دي هردت مصارينا، نحن مشتاقين بس لفتة رغيف، نغيّر بيها الطعم شوية».
الشيخ عاين ليهم بنظرة الزول العارف أسرار الدنيا والآخرة، وقال ليهم: «عيب عليكم! البليلة مالها؟ دي نعمة من ربنا، بتشبع وبتملأ البطن، وتخلي الزول صاحي لحدي بكرة عشان قيام الليل.. وبعدين نحن ما عندنا قروش للرغيف، خلوها مستورة واحمدوا ربكم على البليلة!».
أها، من يومها البليلة دخلت مرحلة جديدة في تاريخ الاقتصاد السوداني؛ ما بقت مجرد تسالي في السهرات ولا أكلة خفيفة في الشتاء؛ بقت العمود الفقري للأمن الغذائي، ومشروعاً وطنياً لمكافحة الجوع العظيم. الزول يقعد يمضغ في الحبة ساعة كاملة، ما عشان مستمتع، لكن عشان يدي معدتو إحساس إنو في وجبة شغالة، وما داير يحرجها ويقول ليها: خلاص، الليلة ما في غيرك! والغريبة إنو البليلة ذاتها بقت محتاجة بركة؛ لا زيت ولا سكر ولا إضافات، مسيخة بالجد والله، بس شوية موية وحبات عدسي ودعوة من الشيخ، وربنا يبارك في الحلة ويكفي الجيعانين شر السؤال.
لكن بعيداً عن الضحك، الحاصل دا ما طرفة ولا نكتة عابرة. دا بلد اتكسرت فيه سبل العيش، واتقطعت فيه مصادر الدخل، واتحوّل فيه الحصول على وجبة إلى معركة يومية. الجوع ما بيفرق بين طفل وموظف وامرأة كبيرة ولا زول كان عندو بيت ومصدر رزق؛ الجوع بيمشي للناس كلهم، لكن المسؤولية عنو ما بتتقسم بالتساوي.
يا سادة، السودان هسي بقى بلد فيه ناس بتفتش عن الأمباز والبليلة عشان تسد الرمق، وناس بتفتش عن الكلمات المناسبة عشان تقنع العالم إنو الوضع تحت السيطرة ,ودا شعب بيقاوم الجوع بآخر ما عندو من صبر، وسلطة بتقاوم الحقيقة بالبيانات والتطمينات.
ربنا يلطف بالعباد، ويفتح أبواب الرزق، ويجي اليوم البلقى فيه السوداني وجبتو في صحنو، ما في بيان رسمي، ولا في حلة تكية، ولا في دعوة شيخ كاربة كدا. وإلى أن يأتي ذلك اليوم، ربنا يديم علينا نعمة البليلة… لكن يا جماعة، حتى البليلة دي خلّوها من غير بركة زيادة، ونحنا دايرين معاها بس رغيفة واحدة عديلة، ما زي اللقيمات الهسي دي وبس!

zuhair.osman@aol.com

Author
زهير عثمان حمد

زهير عثمان حمد

شارك هذا المقال
Email Copy Link Print

مصدرُك الموثوق للأخبار والتحليلات والآراء الدقيقة!

نقدّم تغطية دقيقة ومتوازنة، إلى جانب تحليلات معمّقة وآراء متنوعة تساعدك على فهم ما وراء الخبر. تابع آخر المستجدات والرؤى أولًا بأول.
3.5KLike
140Follow
5.5KFollow

يتصفح زوارنا الآن

منبر الرأي
السودان بين الدين والسياسة والتدخلات الإقليمية: من يملك حق تقرير مستقبل الدولة؟
منبر الرأي
نور على المحيا لحمة في تبسم النبي صلى الله عليه وسلم
الرياضة
بعثة صقور الجديان تصل كانو في طريقها لداكار
الأخبار
(600) إصابة حصيلة أمس واليوم من قمع القوات الأمنية المفرط
منبر الرأي
مذبحة بيت الضيافة: “يمه معجونك الكتل أورتشي” (12 من 21) . بقلم: د. عبد الله علي إبراهيم

مقالات ذات صلة

منبر الرأي

عندما تقرأ مثل هذا الخبر

حمد النيل فضل المولي عبد الرحمن قرشي
منبر الرأي

مع بديع الزمان النورسي .. بقلم: نور الدين مدني

نور الدين مدني
منبر الرأي

ثَلاثُ مُثلَّثاتٍ فِي حَرْبِ السُوْدَانِ: هَل تَسْتَطِيعُ نِيُويورْك أنْ تَفْتَحَ طَرِيقِ السَلَامِ؟

بروفيسور/ مكي مدني الشبلي
منبر الرأي

من الخبر الى المحكمة: كيف يتجنب الصحفي المسؤولية الجنائية والمدنية؟

حسين ابراهيم علي جادين
مساحة اعلانية
سودانايل
© 2026 جميع حقوق الطبع محفوظة، سودانايل
تصميم وتطوير JEDAR
Facebook Rss