الزامية

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

 

في السلك

 

 

 

·        الخدمه الوطنيه يسميها كثير من الناس بالالزاميه

·        يعني لزاما عليك ان تؤديها

·        يعني مابخاطرك

·        وده مسمي مغلوط يقود لفهم مغلوط عن الخدمة الوطنيه

·        اسمها خدمة وطنيه

·        يعني خدمه تقدمها لوطنك

·        وما كتير علي وطن الجدود

·        المهم

·        فعلت الحكومه قانون الخدمه الوطنيه ( هو قانون موجود منذ قديم الزمان ولكنه غير مفعل )

·        الناس كانوا يخافون منها

·        كان في اسكتش في الوكت داك

·        اسمو الالزاميه

·        الاب رسل ولدو الدكان

·        قابلوهو ناس الخدمه الوطنيه الذين يطاردون الهاربين من الخدمه

·        الولد جري جري شديد

·        وصل بيتم وقال ابوي ابوي ناس الالزاميه وراي

·        قبل ما الاب يرد دخلوا ناس الخدمه

·        سلموا علي الحاج وقالوا ليهو دايرين ولدك للخدمه الوطنيه

·        الاب اتنفخ وقال ليهم يمشي طوالي

·        الولد خاف ودخل في شخصيه بتاعت زول غير سوي جسديا وزهنيا

·        اتكلوج واتعوج ومرق لسانو

·        الضابط قال للاب ده ولدك ؟

·        الاب قال ايوه ولدي سوقوهو طوالي

·        الضابط قال ليهو غيرو لينا

·        الاب قال ليهو اغيرو بشنو

·        الضابط قال غيرو لينا انشاء الله بي عده

·        الاب قال سوقوهو

·        الضابط قال انت مصر ياحاج علي حكاية نسوقوا دي ؟

·        الاب قال مصر 000 دي خدمه للوطن

·        الضابط قال ليهو طيب ما  تمشي معانا انت

·        الاب اتكلوج واتعوج ومرق لسانو وقال قلت لي شنو ؟

·        الذكرني الاسكتش ده واحد قال لي الزومه ماشي الهلال

·        قلت ليهو الزومه ماعمل الزاميه ولا شنو ؟

·        قال لي بتكلم جد

·        قلت ليهو لو ناس الهلال قالوا للزومه دايرنك الزومه حايتكلوج ويتعوج ويطلع لسانو ويقول قلت لي شنو ؟

·        وحكيت ليهو الاسكتش الحكيناهو في اول هذا اللقاء

·        معقوله بس

·        زول يخلي الاغتراب ده ويرجع البلد

·        معقوله زول يمرق من القصور ويمشي بلدا لاقطر ولا بابور

·        معقوله بس زول يمشي من ارض الكاش لارض الهارت

·        هارتد لاند

·        قلنا ليكم البقعد مع الوالي مابقوم

·        لو بقي لغم ما بقوم

·        والزومه قعد بدري

·        اسألوا الدافي

·        ياخ قال ليك الوالي مشي عقد

·        العريس اصر يوكل الوالي

·        الوالي كويل للعريس قعد مع الماذون

·        قال ليك العريس جاب اربعه شفع والمأذون لي اسي قاعد

·        قلنا ليكم البقعد مع الوالي مابقوم

·        انشاء الله البلجيكاب يقولوا مادايرن وارقو

·        عشان من وارقو لي موبوتو للعجب والحساد يموتوا

·        السنه الجايه لو شاركنا باربعه فرق تلاته ماشين الحتانه من بدري الشمس بره

·        نحنا لما نجي من ابو ظبي السنه الجايه بنجيب ليكم معانا ميسي تتفرجوا فيهو ونرجعوا لاهلوا

·        تتفرجوا بس اوعكم تهبشوا

·        المشكله ميسي يقعد مع الوالي

·        غايتو دي كان حصلت برشلونه مابقوم

 

سلك كهربا

       مربع 2/5 امدرمان خاضع لاعادة تخطيط 000 الكراكه جااايه

والي لقاء

سلك