السودان الغضبة

 

 

محمد حسن مصطفى طارق
11 August, 2023

 

يجيك الهم،
بلد الجدود ركب فوق ضهرو أنصاص الرجال و العفن!
و ثورة مجد؛
سقاها الشهيد بأخلاقو و روحو
بدم.

وزارات قعد في كراسيها ضفاضع وطاويطا و غربانا
و غم!
زمن الحرب؛
رتب الخلا جيوشا مسَّخت
و سَّخت كاكي الأسود
طهر العرين
و اسم الفريق أركان حرب عشم الوهم!

و أكواما ضلو الطريق
قطاع طرق
فاكرين البلد فات صاحبا
لا مالا فيها بقى
لا ولدا فيها يقيف يدافع عن عرضها و يسندا!

يجيك الهم
لو فكوك بين عزة الأهل الحنان؛
كان دلوك على قبر فيه تنجدع
طريدا براك ترفث فيك التراب
الطاهر الدنستو
و تندفن
تنكتم.

عاوز المناصب و انت ما زول الأصول
لا بتعرفا؛
لا أهل ليك بنعرفهم ربوك؛
لا بلدا ليك تاخدك معاها في داهية بتعرفا.

فارقنا ملعون الجابك و زرعك فينا
شيطانا بشيرا
خلاك للثورة توقف مراكب الأحرار
و تتجدع فيها البلد
تركبا!

و أبشر يا شهيد
محمد حسن مصطفى
mhmh18@windowslive.com
////////////////////

 

 

آراء