سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
الحوثيون 9/1000
*ايها النااااااااس
*روح الاستسلام والانهزام ما بتشبهنا
*الترجي نعم فريق كبير وعريق وقوي
*ولكن نحن لا نقل عنه مكانة
*يكفي اننا الاتنين مسجلين في لوح الشرف الافريقي
*الترجي يشوف كونفدراليتو وين
*لكن نحنا نمضي في طريقنا وقشه ما تعتر لينا
*شامي لي ريحة مطار
*بقي دي ريحة بعرفوها الكبار بس
*نحنا والاهلي القاهري والترجي ومازيمبي فايف ستارز وبقية زملائنا في لوح الشرف
*الناس المزكومه بالصفر ما بتعرفها
*الصفر بمنع الزول من شم ريحة المطار
*لكن ريحة المطار زي الفيكس
*البشمهما بتفتح ليهو نخرينو
*بتشيل قفلة الصفر من نخرينو
*وبعد داك بشم عاااادي
*لذا ولذلك
*لانخاف الترجي ولكن نحترمه
*واحترامنا له في احترامنا لقدراتنا وفي ثقتنا في فريقنا
*لا نستهتر به
*ولكن لن نجعل منه ود ام بعلو
*ود ام بعلو لي ناسو
*لكن لينا نحنا ما (منجن )
*والاستهتر به برضو ما من صالحنا
*نديهو قدرو
*عشان يدينا عجاج كرعينو
*ايها الناس
*العوده لمنصات التتويج الافريقيه هي الهد\ف
*لاحظ
*العوده
*لاننا اساسا كنا فيها
*كعبين الناس الشايلين خريطة الكنز ولافين
*محمد عبدالماجد
*انتو ماشين عكس يا اخوي
*ده ما طريق منصات التتويج
*الدرب تاني تاني برجعكم للصفر
*تبدوا من الصفر
*ايها الناس
*لانريد اعتلاء منصات التتويج ونيل ذهبها فقط
*بل نريد صناعة فريق بطولات
*يتواجد دوما علي المنصات
*وعشان نصنع هذا الفريق
*يجب علينا ان نهتم بالاشبال والرديف شويه
*البحصل ده ما بعجب زول
*مزيد من الاهتمام
*مزيد من الثقه فيهم
*دايرين يجينا موسم ما نجيب منقتنا من جنينتنا
*دايرين نخلي جنينتنا تغني لينا
*لون المنقه يا الشايل المنقه ***ماعارف كيف نحنا بنشقي
*بشقوا شديد طبعا لا نشيل المنقه
*لكن حقو نزرع منقتنا برانا
*ارضنا خصبه
*ومويتنا رااااقده
*وبنقدر نجيب اجود انواع شتول المنقه
*لذا ولذلك
*الاشبال ثم الاشبال
*المهم
*مشروع الدعم الجماهيري قرب يتفعل
*والشفوت حايدهشونا
*من حبهم للنادي يستطيعون ان يدعموا النادي بالغالي
*فقط لدي ملاحظه
*غابت اسماء مؤثره جماهيريا من اللجنة الاعلاميه
*فاسماعيل حسن وحسن حمد الاسد
*تأثيرهما علي الجماهير كبير
*وحب الشفوت لهم يفوق الوصف
*ولعل بعض الاسماء قد سقطت سهوا
*ارجو ان نجدهما في مقدمة الركب ضمن اللجنه الاعلاميه للمشروع
*المهم
*غرزه كل يوم يثبت انه مدرب في قامة المريخ
*مدرب منصات تتويج وفريق منصات تتويج
*حديد لاقي حديد
*وبالصبر علي هذا البروف
*سنعود حتما لمنصات التتويج
*المهم
*علمتني امي
*وسألتني
*يا جناي السماحه نعمه من الله علي الزول السمح ولا نعمه من الله علي البشوف السماحه ؟؟؟
*قلت ليها سؤالك خطير يا امي
*قالت لي
*ايا كانت الاجابه بعد مرات الشنه سترة يا ولدي بتستر من العين وحاجات كتييييييرة
*قلت ليها فعلا يا امي
*قد ينعم البعض بالبلوي وان عظمت ***وقد يبتلي الله بعض القوم بالنعم
*السماحه مرات فيها جنس بلاوي !!!اسكت بس
*سماحة السنكيت بتجيب الضبح للتور
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الانتخابات قربت تجينا
*ولي اسي يا والينا
*لافي مرشح اشتغل بينا
*ولا في مقاطع استفرد بينا
*ولا في برنامج راق لينا
*خايفين البنديهو الصوت بالسوط يدينا
سلك كهربا
ننساك كيف وكل الرموز مافيها رمز القفه او المخلايه
والي لقاء
سلك
b_silik@hotmail.com
