الشعب.. يريد .. شباك الهلال
بسم الله الرحمن الرحيم
في السلك
• وهتف الشعب الاحمر
• الشعب الشفت
• هتف عقب تمرين الامس
• رددوا بالصوت العالي
• بصوت واحد
• الشعب ...يريد...شباك الهلال
• الكلام واضح
• والواضح مافاضح
• الكلام للاعبين
• زي ماهتف الجمهور الاحمر الشفت
• يجب ان يلعب اللاعب الاحمر الشفت
• الشفيت
• الكلام ليك
• زولك وانت عارفو
• خابرو كويس
• فرصة لاحمد الباشا كي يثبت انه فعلا كان في حاجه للابتعاد كي يعيد حساباته
• الناس ديل ماعندهم شئ
• لانو لو عندهم شئ ما بفتشوا لاسباب تشرك مساوي الموقوف
• ولو كان الفاضل ابو شنب طرد سادومبا في كورة حي العرب السنه الفاتت
• كانوا برضو لعبوا سادومبا في كورتنا الكانت بعد كورة حي العرب طوالي
• كانوا قالوا القانون تناول فقط حالات الطرد داخل العاصمة ولم يتطرق للولايات
• لانو القانون لو قاصد الولايات كان نص عليها
• ومبررات كتيييره كان يمكن ان يبرروا بها عملتهم
• قبل كده لعبوا عاكف عطا المطرود قبل يومين من مباراة المريخ
• وقالوا القانون معاهم
• عشان ديك كانت دوره
• ماكانت دوري
• مع العلم بان الدوره لو في الحله وتم طرد لاعب بقيف عشان انطرد
• برغم ان القانون ماصرح بعبارة دوره في الحله
• ياناس
• الجماعه ديل قالوا الروب
• يجب ان لاتأخذنا بهم رأفه
• يتغلبوا لما يعرفوا حاجه
• نجي في كل مره حانين عليهم ونعاين ليهم بي قعر عيننا
• المره دي حنيه نهي باجا بالكل
• لكن المعاينه بي قعر العين تبقي بعد الكوره
• بي حقنا
• وشفتنه شفتنه حتي النصر
• لايهمنا بمن يلعبوا
• كل الذي يهمنا تحقق هتاف الشعب
• الشعب الاحمر
• الشعب..يريد..شباك الهلال
• لاعذر لاي لاعب في المريخ
• قروش قابضين
• تمارين متمرنين
• معسكرات من بلد لي بلد مسافرين
• ولي حكوماتها مغيرين
• زي مادايرين
• انها لحظة رد الجميل لمجلس اعطي
• ولجمهور شفت ساند وعاضض
• وهتف
• الشعب..يريد...شباك الهلال
• الكوره في استادنا
• والاذاعه حقتنا
• نشغل القرآن الكريم من الصباح
• علي كيفنا
• والماعاجبو يمشي اي خرابه يسمع فيها مايعجبه من شعوزات
• اتوقع ان يكون عنواني غدا
• ساكواها ...سكاها ...سواها ....والمعز مالقاها
• قولوا يارب
• البدري
• من بدري بدري
• كتيبة المريخ
• قومي بدري وتعالي بدري ونفذي كلام البدري شوفي كان تنقدري
• كل فئات الشعب المريخي كانت حاضره
• وستحضر بعد المباراه انشاء الله للاحتفال
• جاء الرجال
• والنساء (ذكرا كان ام انثي ) زي ماقال القذافي
• والصبيه
• والاطفال
• قابلت الطفل المريخي الشفت احمد موسي في التمرين
• تعرفت عليه
• وعرفت نه يسكن غرب الاستاد
• قال لي المريخ غالب اتنين
• واحد بجيبو الشغيل
• والتاني بجي لكن بجيبو منو ماعارف
• يسويها الله يا ابو حميد برغم انك نقصتها اتنين
• ولكن اتمني ان يصدق حدثك يا رائع
• شخصيا مني دراجه هديه لاحمد موسي اذا تحقق توقعه
• ابشر يا ابو حميد
• وامشي طلع الرخصه من اسي
• اها
• اليوم يومنا
• يجب ان يتحقق نصرنا
• ونصر برجوله يشبهنا
• مادايرين نغلب بفنيات وبس
• بل
• بل ساي !
• بل ثم بل وبل
• بل بشفتنه وغيره تؤكد علو كعبنا
• نعصرهم
• زنقه شديده
• زنقه زنقه وثوره ثوره والي الامام الي الامام
سلك كهربا
مابتتنسي ابدا
والي لقاء
سلك
babikir maki [b_silik@hotmail.com]