العَبره بتخنِق .. كلمات: عصام الصادق العوض
عصام الصادق العوض
29 April, 2023
29 April, 2023
*العَبره بتخنِق لمه تشوف*
*اولاد بلدك*
*واحد بِكتُل فوق التاني*
*وإسلب روحو وإبقه أناني*
*عشان بس يحكُم يبقه* *القاضي*
*والجّلاد*
*وترجع قِصة اولاد ادم*
*مافي غُراب يجيك تِتعلّم*
*كيف تِتعلّم وأته بتكتُل* *أحلام*
*بلدك*
*وتدفِن أخوك وهو حي* *بتألم*
*أخوك البكره بتلقاو سندك*
*لمه عدوك يغدِر بَلَدك*
*العبره بتخنِق*
*العبره بتخنِق*
*كيف مابتخنِق وانته بتكتُل*
*اولاد بَلَدك دمَك ولحَمَك*
*ناس قاعدين مِن بره تاوق*
*ما واطين الجمره دي*
*زيّك*
*ينفُخو كير اللهب النايم*
*ويحرقو حِلم أجيالنا القايم*
*يعلمو فيك كيفِن تصبِح زول* *دجال*
*مره تكبر ومره تهلل*
*في أخوك الواقع ودمو* *بينزل*
*ولسه بتهتِف*
*هجم النمر هجم النمر هجم* *النمر*
*لمه قسمته جنوبنا الغالي*
*وطلع النمر الغادر إنته*
*وما اتعلمنه مِن الحاصِل*
*لمه نشوف دارفور الماشه* *في نفس السِكه*
*العبره بتخنِق*
*العبره بتخنِق*
*واحمد غايب في الرّكايب*
*مخنوق عَبره*
*مشقوق مغسه*
*لأنو بيعرِف إنو بلدنا*
*الخير الفيها كتير*
*بجمعنه*
*وعارِف بُكره بيرجع أجمل*
*ننسه الدانه وضرب المدفع*
*نزرع ونحصِد في البجمعنه*
*ريد ومحنه وحب لي بلدنا*
*الله يجازي القاعِد يفرِّق*
*فوق البلد القِبلي يبرِّق*
*ناسه لَباسُن توب العِزه*
*مما قامو خيرُن يدفِق*
alsadigasam1@gmail.com
/////////////////////////
*اولاد بلدك*
*واحد بِكتُل فوق التاني*
*وإسلب روحو وإبقه أناني*
*عشان بس يحكُم يبقه* *القاضي*
*والجّلاد*
*وترجع قِصة اولاد ادم*
*مافي غُراب يجيك تِتعلّم*
*كيف تِتعلّم وأته بتكتُل* *أحلام*
*بلدك*
*وتدفِن أخوك وهو حي* *بتألم*
*أخوك البكره بتلقاو سندك*
*لمه عدوك يغدِر بَلَدك*
*العبره بتخنِق*
*العبره بتخنِق*
*كيف مابتخنِق وانته بتكتُل*
*اولاد بَلَدك دمَك ولحَمَك*
*ناس قاعدين مِن بره تاوق*
*ما واطين الجمره دي*
*زيّك*
*ينفُخو كير اللهب النايم*
*ويحرقو حِلم أجيالنا القايم*
*يعلمو فيك كيفِن تصبِح زول* *دجال*
*مره تكبر ومره تهلل*
*في أخوك الواقع ودمو* *بينزل*
*ولسه بتهتِف*
*هجم النمر هجم النمر هجم* *النمر*
*لمه قسمته جنوبنا الغالي*
*وطلع النمر الغادر إنته*
*وما اتعلمنه مِن الحاصِل*
*لمه نشوف دارفور الماشه* *في نفس السِكه*
*العبره بتخنِق*
*العبره بتخنِق*
*واحمد غايب في الرّكايب*
*مخنوق عَبره*
*مشقوق مغسه*
*لأنو بيعرِف إنو بلدنا*
*الخير الفيها كتير*
*بجمعنه*
*وعارِف بُكره بيرجع أجمل*
*ننسه الدانه وضرب المدفع*
*نزرع ونحصِد في البجمعنه*
*ريد ومحنه وحب لي بلدنا*
*الله يجازي القاعِد يفرِّق*
*فوق البلد القِبلي يبرِّق*
*ناسه لَباسُن توب العِزه*
*مما قامو خيرُن يدفِق*
alsadigasam1@gmail.com
/////////////////////////