سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• زمااااااااااااااان الانجليز جابو الكومر
• الكومر خدم في البلد دي خدمه طوووويله
• بعد داك باعوهو ناس النقل للمواطنين
• المواطنين شغلوا الكومر في نقل التراب وترحيل الاسكراب
• ومرات كان بشتغل سحاب
• وطبعا الكومر كبر وقدم لكن لازال متمسك بالبقاء
• وصل مرحلة يدور بالمنفله
• ومرات دفره من ناس الحله
• ومرات كان حرن يخلوهو سنه
• لما يرجعوا ليهو يدور نقره
• قلبت مفتاح
• وفي كوار كان دورت ما بتعشق بالساهل
• وكان عشقت ما بتمش لانها بتكون مامقتنعه انها عشقت
• عشان تقتنع وتمش بدبلوا ليها الكلتش
• اها
• الكومر العشقنا ليهو ما اقتنع
• لسع بكابر
• عشان كده مافي حل غير ندبل الكلتش
• وكومرنا يدردق
• عشان يقتنع
• يوم الاثنين العشا اقاشي
• مثلث الاقاشي قدم دعوه للجميع
• والشطه حمراء
• الاتحاد الافريقي قال السنه دي حكام الامم المتحده من كل بلد حكم من قولة تيت
• يعني الجماعه من تمبوا نايص بدونا عجاج كرعينهم
• وبعد يطيروا ياربي الزول بمدغ شنو تاني !
• حضرنا اعادة الكلتشه انا واسلام
• جات لقطه للسيد سكرتير الاتحاد العام المحايد
• اللقطه كانت مع شوتة وارقو الضربت في الحديده
• الزول قبل غرب
• اسلام قالت لي الزول الزعل من شوتة وارقو ده هلالابي
• قلت ليها عرفتي كيف
• قالت لي مع الشوته صره وشو وقبل عكس زي الزول الدايرين يدوهو حقنه وخايف منها
• قلت ليها ده عمك مجدي , لكن ماصاري وشو عشان شوتة وارقو
• قالت لي صاريهو ليه ؟
• قلت ليها صاريهو عشان التقرير راح منو
• قالت لي تقرير شنو ؟
• قلت ليها تقرير الحكم البثبت انذار ابو تميمه
• ضحكت وقالت لي التقرير راح براهو ولا روحوهو ؟
• قلت ليها في الحالتين انا الضايع
• قالوا الزعيم تبرع لجوبا بستين كشافه
• خالتي قالت لي اوعه يكونن من حقاة الصلاه ؟
• قلت ليها ابدا , صلي صلاتك
• قالت لي واحدات تانيات ؟
• قلت ليها طبعا
• قالت لي طيب يدوا جوبا تلاتين كشافه ويدوا ناس زريبتي ضلمت ديل تلاتين كشافه
• قلت ليها حانقول ليهم اقسموا مع الاخوان
• قالوا كامبوس الهلال يشد الرحال راجع للريال
• ريال سعودي ياربي ولا ريال زمااااااان الفيهو شلنين ؟
• اكرم خلاص حفظ رقصة كدياككو
• امس ولدنا موبوتو شفناهو في ابو ظبي جاري جمبو منير الانتر
• بالمناسبه شعار مازيمبي تمساح بالع كوره
• تمساااااااااااااااااااااااااح كبييييييييييييييييير
• في حاجه تانيه بالعها التمساح مع الكوره لكن ماواضحه
• ماعرفتها جقر من الزريبه ولا بعشوم من ميدان بعشوم
• قال لي صحفنا كلها قالت التحكيم هزمنا في مباراة كلتشي
• قلت ليهو وماقالت الشرطه السودانيه ماحمتكم ؟
• وماقالوا اسي قاعدين في مطعم للمأكولات الشعبيه شرق الزريبه
• حصلوووووونا
• كلموا الارباب
• قلت ليهو ابراهيم حجازي لي اسي ما اتكلم عن الهدف الهزم مصر
• الكلام كلو نحنا في مطعم والجزائريين اتلونا يا بيه
• وانتوا طلعتوا هلال حجازي ساااااااي
• لي اسي ماقلتوا كلتشي جاب القون كيف
• عشان كده لازم ندبل ليكم الكلتشي
• عشان تدردقوا
• طبعا سمعتوا باللورد كرومر
• بعد ندبل ليكم الكلتشي وتقتنعوا حانسميكم اللورد كومر
• واهو برضو اسم انجليزي زي اسم الخواجه كلارك الكان رئيسكم زماااان
• زمن الاستعمار
• قال حركه وطنيه قال
• المحيرني الزول بمدغ في شنو
• الشاف الغزال مع القدال ما كضب
سلك كهربا
الحتانه لو اتملت ود البخيت في
والي لقاء
سلك
