بشرى أحمد علي
اي نشاط ثقافي – رياضي – إجتماعي بدون تصريح مسبق ح يجغموك ويكرفسوك وح تبيض بيضتك في بورتسودان …
وذلك يمن يهمهم الأمر :-
ناس الحفلات ومحلات الباسطة والمديدة
وناس المطاعم وناس الفول والطعمية والأقشي
وناس ابو طاقية البجمعو قروش الحرب في الإستراحات (قاصدين ناس التشاليح وسوق الغنم ومحلات التياب السودانية و نسوان البازارات)
سفراء التكاية (ود الصول- سوهندا – ميمي عصام )
ال penholder قاعد يتابع مواقع التواصل الإجتماعي وشاف ” الخبث ” لو عاملين فيها مفتحين وفاتح بابو للبلاغات ..
وأحذروا غضبة الحليم …
سنتين مافي زول سألكم بتعملو في شنو على اساس أنها كلها شهور والحرب بتقيف وترجعو لبلدكم وتكملو ليلة الدخلة هناك …
وطالما قررتو تحاربو 100 سنة وشغالين تقولو ” بل بس ” عليكم الإلتزام بتوجيهات البلد المضيف…
إنتو لا علماء ذرة ولا إلكترونيات …ما عندكم اي merit عشان تكون عندكم إمتيازات خاصة
كبيركم بكون عندو علبة ” تمباك ” مخبأة تحت الكاشير ، فاتح محل طعمية تحت التستر وببيع التمباك بالدس
والجاب ليكم الهوا ..الشغلة زادت عن حدها
عندك كلام عاوز تقولو اركب تاركو وأمشي بورتسودان فضفض وقول العاوزو
بس الناس ديل ما عاوزين كواريك وكلام فاضي في بلدهم
ومن حقهم …ولا شنو ؟؟
