سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• والله فعلا التاريخ بيعيد نفسه
• زمااان لما كنا صغار
• حلوه لما كنا صغار دي موش !
• امال يعني ولدونا طوال كده زي قطر حلفا ؟
• المهم
• في الوكت داك كان في فيلم عربي بطولة عادل امام
• ما متذكر اسمو
• كنت صغير ما بتذكر
• لكن بتذكر الراجل كانت ركبو سايبه
• وحسب قصة الفيلم كان لاعب كوره مشهور
• المهم الوقفه كانت غالباهو
• الجمهور شايلو
• عادل امام يقول انا ركبي حديد ( بضم الراء )
• والجمهور يقول والاهلي حديد
• وحاتكم اليوم داك غير الاهلي ماكان في حديد
• اها
• اهلي الخرطوم ذكرني الفيلم
• الجماعه يجعجعوا ساااااي
• انا ركبي حديد
• ونحن نقول والاهلي حديد
• النس بتسأل الحاصل شنو ؟
• والحاصل واضح
• مافي زول اهتم بالتحكيم
• فظهرت الحقيقه
• الدنيا كلها لعبت
• والنتيجه
• انا ركبي حديد
• غايتو يا مازدا ماصاح منك
• العملتو ده تنفيذ لمخطط بتاع رئيس المنتدي الرسل المعلومات للاسماعيلي
• وغرض المخطط هو احباط الروح المعنويه للاسياد
• طلباتكم يا اولاد ماما
• قال اسياد قال
• طيب ما تعملوا يوميه للاسياد
• ورب 000 ارب 000 اربا اربا ارب
• وانزلوا
• اصلكم نازلين نازلين
• ارقصوا وغنوا
• انا ركبي حديد
• ما بنقول ليكم والاهلي حديد ما تخافوا
• عبدالله ميرغني الهلالابي بعد الكوره انتهت رسل لي رساله يقول فيها
• الهلال يخسر بثنائيه من الاهلي ويرعب الامل والاسماعيلي
• فعلا نفس المنطق
• زمااااااان كتبوا مانشيت كبيييييييير
• الهلال يمطر شباك العرب بهدف
• يمطر وهدف
• وانا ركبي حديد
• اليومين دي طبعا الانتخابات شغاله
• والشعب طبعا متابع
• شعب فطن
• كترت النكات حول الانتخابات
• كل واحد يطلع نكته تخدم قضيته
• لكن في الاخر النكات طالت كل الاحزاب
• مافيش يمه ارحميني
• قال واحد عميان مشي المركز ليمارس حقه الديمقراطي في التصويت
• دخل المركز وفتشوا ليهو اسمه لقوهوا
• قال ليهم دخلوني غرفة الاقتراع
• دخلوهوا الغرفه
• قال ليهم ادوني الورقه الفيها الرموز
• ادوهو الورقه مليااااااانه
• الفيل والزرافه والبحر والارنب وام بعلو والحديقه والفراشه
• المهم مسك الورقه وقال ليهم ختوا لي يدي في الشجره
• الجماعه كلهم تحت تحت الله اكبر 0000 الله اكبر 000 الله واكبر
• واحد بيع ماعارف الحاصل سمع التكبير كبر بصوت عااالي الله اكبببببببببببر
• المهم
• ختوا يد عمك في الشجره
• قال ليهم متأكدين دي الشجره ؟
• قالوا ليهو متأكدين
• قال ليهم الله يسألكم دي الشجره ؟
• قالوا ليهو وحياة كتاب الدين دي الشجره
• عصرها شدييييييييد بيدينو الاتنين وقال ليهم بعد كده اشختوا اي محل
• نكت كتيره
• قالوها الناس
• ماقلتها انا
• هوووووي ياناس الشجره
• نكات كتيره
• قال ليك ابنة سياسي قديييييييييييم ورئيس حزب من زماااااااااان مشت الشماليه لندوه سياسيه
• الجماعه اتلملموا
• والبنيه قامت عليهم
• ماشاء الله زي ابوها
• نضامه جنس نضمي
• لا خلت ينبغي ولا خلت هلم جرا
• جرجرت ليك الناس ديك اظن ساعتين ونص
• بعد داك واحد عمك عجوز وقف حيلو وسألها
• يابتي جيتينا بي شنو ؟
• قالت ليهو بعربيتي
• قال ليها ماشاء الله , وجيتينا في كم ؟
• قالت ليهو في اربعه ساعات
• قال ليها ماشاء الله , والله زمن حكومة ابوك المشوار ده يابتي كنا بنجيهو في اربعه ايام
• قلت ليكم النكات كتيره
• وطبعا في احزاب جعجعه سااااااااااااي
• بس ناس انا ركبي حديد
• قالوا الاسماعيلي عندو مرض ام سادومبا
• دي طريقه دي
• فريق شلن التمرين ماعندو ينافس كيف بس ؟
• غايتو شبهينا واتلاقينا
• انا لو محل الاتحاد الافريقي بعد الكوره بتاعت الاسماعيلي التانيه اقول للفريقين الكونفدراليه هوا
• بسرعه
• ماداير اشوف وشكم في الابطال دي يا وش الفلس
• دايرين تحرجونا مع بلاتر ولا شنو ؟
• قوموا برا ركبي حديد برا ازعاج معاكم
• احر التعازي للاستاذ رمضان في وفاة والده وللاخ العزيز سيف النصر في وفاة والدته
• نسأل الله لهما الرحمه والمغفره
سلك كهربا
لن ننسااااااااااااااااااااااااااااااااااااااااك
دي نمره 37
والي لقاء
سلك
babikir maki [b_silik@hotmail.com]
