اها يعنى نعمل ليكم مندهشين ولا شنو؟

فى لاعب بتاع رفع اثقال اسمه اناتولى دايما بيتنكر فى شكل عامل نظافة وبيمشى الجيم يعمل وهمات وانه درويش وما فاهم وفى الاخر يرفع اعلى الاثقال ولعيبة كمال الاجسام البيكونو موجودين طوالى يندهشوا ويصابوا بالاستغراب وعدم التصديق
اللذيذه انه عنده الاف الفديوهات فى اليوتيوب وبقية الوسائط واحتمال الدنيا كلها عارفاه الا لعيبة كمال الاجسام البيندهشو الاف المرات فى الاف الفديوهات وماعارفين الزول ابو مقشاشة..
المهم..
عملوا انقلاب عشان يصادروا السلطة .. حاولوا بعملوا حكومة عشان الناس تنسى الانقلاب ما نفع مشو عملوا حرب عشان الناس تنسى الانقلاب ما نفع
عملوا مجلس سيادة جديد عشان الناس تنسى ما نفع قعدوا بدون حكومة لفترة طويلة ما نفع رشحوا واحد اسمه هنود ابيا كدوف رئيس وزراء ما نفع
دوروا تسجيلات اردول وصحبه داك مااا نفع
شالو ناس الجاكومى ما نفع جابو الاعيسر ما نفع رجعو بت عبدالجبار المبارك ما نفع.. جابو كامل ادريس وعملوا شكلة مع ناس جبريل ورجعو ناس جبريل وجابو وزير الزرايب وحلة العدس ووزير الكمبلت ووزير الداندرمة ووزير السمبوسة وداك اعتذر ودا قبل وهناى داك وهنايه دي وجيبو فلان ورشحو علان وكللل مرة ناس الهندى وعبدالماجد عبدالحميد وضياء الدين بلال ومزمل ابو القاسم وبت الياس وبت مجذوب وعطاف وباقى الكورجه كللللهم عاملين مندهشين ومذبهلين ومتعجبين من الانتقال الديمقراطى والسلطة الماعندها علاقة بالانقلاب ولا بالمؤتمر الوطنى..
وكل مره على كرتى والبرهان وبقية الوهم شايلين الجرادل والخيشة وشابكننا
رايكم شنو فى حركة التراي دى..؟
رايكم شنو فى البايسبس دا؟…
اها يعنى نعمل ليكم مندهشين ولا شنو؟

حرب_عبثية

حرب_البلهاء