سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• ابو ماسوره
• حيرنا
• يطق زول مننا بالماسوره يلجنو
• ولما نشوت في القون كورتنا تضرب في الماسوره وتمرق
• الراجل مشي ابعد من كده
• بعد ودر ايدو
• طق الجنيد في ايدو
• ايدو البدق بيها الطبله
• والاغرب من كده ابو ماسوره مشي علي الجمهور
• تتخيلوا عمك عبد المنعم عبادي صفوه كبييييييير ساكن الثوره الحاره الاولي كبري النص
• اول حاجه بعملها بعد يطلع من البيت الصباح بمشي المكتبه في الناصيه ويشتري الزعيم
• تتخيلوا عمكم منعم ماشي علي الكشك ابو ماسوره لفخو ليك بركشه جابتوا الدايمه
• الشارع فاضي قشه مافيهو
• الركشه جات من وين ؟
• لا عمك العبادي عارف
• ولا السايق الركشه عارف
• ربك رب الخير هو العاااااارف
• تتجازي يا ابو ماسوره
• المهم
• عبد المعين صاحب دكان الكشب الصفوه
• قابلني صدفه وقال لي الكاف عاقبنا بي شنو ؟
• قلت ليهو غرمونا
• قال لي كم ؟
• قلت ليهو خمسه الف دولار
• ضحك
• قلت ليهو بتضحك مالك ؟
• قال اتخيلت جمال الوالي لما قالوا ليهو الغرامه خمسه الف جنيه
• تاني ضحك
• وواصل
• اتخيلت الوالي هبش جيوب الجلابيه الاتنين بي بره وقال ليهم والله ماعندي فكه
• ضحكنا الاتنين
• اها
• قالوا الشرميطي جاي المريخ
• بختك ياشرميطي
• لكن اعمل حسابك من ابو ماسوره
• واحد قال لي في ناس بدفعوا قروش للاعبي الخصوم عشان يصيبوا لاعبي المريخ
• قلت ليهو مهما وصل الحسد ما بصل للدرجه دي
• بعدين الحاسدين اليومين دي مفلسين
• يدفعوا من وين
• لكن ممكن لاعبي الانديه الاخري يلعبوا بعنف ضد لاعبي المريخ
• وده لي واحد من سببين
• الاول الظهور بمظهر قوي امام المريخ عشان التسجيلات وكده
• التاني حسااااااااااااااده ساااي
• عشان بشوفوا النعمه في لاعبي المريخ وبحسدوهم عليها
• من شر حاسد اذا حسد
• كاربوني
• اكتر حاجه عاجباني انو الصفوه اقتنعوا بكاربوني
• حتي الذين كانوا ضده عادوا واعترفوا به
• زماااااان قلنا ليكم ما تضيعوا الراجل مننا
• بالمناسبه
• سمعت تحت تحت ياقريش قالوا ابو ماسوره المره دي ماشي علي الاداريين
• يا تعالجوا الموضوع ده بسرعه
• يا تتعالجوا في لندن
• سؤال
• كيف وصل دواء ابو ماسوره الي داخل استاد المريخ يا دوحيه ؟
• وهل يجوز لاي شخص ان يدخل لملعب المريخ يادوحيه ؟
• واين ذهب البنقاله يادوحيه ؟
• ولماذا يادوحيه ؟
• وهل يحتمل ان يك احد البنقاله هو من ساعد ابو ماسوره يادوحيه دون علم دوحيه يا دوحيه ؟
• بالمناسبه الاسئله دي ما ليها علاقه بموضوعنا بتاع كاف كمال دحيه يا دحيه
• غايتو ابو ماسوره في قصده للاداريين كان مشي علي الوالي مابقوم تاني
• وبقلب
• بلحق لب
• والجماعه تاني العلاج مع الفلس ده الا عند البصيره ام حمد
• ولب يا لب
• ولب
• نبارك للرائع احمد محمد احمد الرزاز الصغير
• ونبارك للرائع بدرالدين الفاتح الزواج
• واعمل حسابك يا ابو حميد وشد حيلك بدر ده ما يلحقك ويفوتك
• اجتماعات تأسيس جمعية صلاح سعيد تتواصل
• جمعية الاصلاح
• شهر المعز قررررررررررب
• اقصد شهر سته قرررررررررب
• ملحوظه
• سمعنا تحت تحت قالوا كامبوس مبسوط من الت شيرت الجديد
• لكن شاعر بضيق شويه في الايادي
• حتي دي قدر ظروفك !
• الدعيع يوم الاسماعيلي في مصر كان لابس شعار يتماشي مع شعار الاهلي مدني
• يكون ياربي ماشي شهر سته ؟
• قبل كده قال لو ماقبض بمشي
• طيب لومشي الفضل منو ؟
• المعز والدعيع ؟
• لا0000 دي كتيره
• خلوا كامبوس يعمل ليكم خطه جديده مافيها حارس مرمي
• ولا يعلم ليكم هليفه يلعب قون
• عشان الاتنين يرتاحوا من هليفه 000 هاالييييييييييييييفه
• قالوا كثيرين ممن عملوا في الاستاد لم يتقاضوا اجرهم
• ماصدقناهم
• لكن حانبحت
• ولو عرفنا شئ بنوريكم
• بالمناسبه الشرميطي ده بتاع الرأسيات المرقنبو قرنبو
سلك كهربا
لن ننسااااااااااااااااااااااك
والي لقاء
سلك
babikir maki [b_silik@hotmail.com]
