سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
· سيكافا كل يوم تقطع لسان حاسد جديد
· كلما سيكافا تزيد بريق يظهر حاسد شديد
· شهد كل الناس بدهشة الافتتاح وعظمة التنظيم
· كل البعثات فاتحه خشومها من فرط الاعجاب
· الا الذين في قلوبهم مرض مازالوا يبخسون سيكافا
· يبخسونها بالسنتهم وتحرق قلوبهم بروعتها
· علي اقل تقدير افضل الاعداد في سيكافا ولا الاعداد ضد المجهود الحربي والشرطه الامنيه والشرطه المصريه والشرطه الفلسطينيه وكشافة رفح ؟
· الاستاذ مصطفي احمد الخليفه قال لي تنظيم سيكافا هو سند لاي طلب يقدمه السودان لاستضافة وتنظيم اي بطوله ولو علي المدي البعيد
· لان التنظيم علي حد قوله يعود للخبرات لا للاموال
· انتهي حديث مصطفي
· قلت ليهو يا مصطفي بفهمك ده انت مريخابي ماعارف روحك
· كل البعثات الصحفيه اشادت وتشيد كل يوم بالتنظيم الفخيم والبهرجه والكرم
· الا من ابي
· ابيتوا ابيتوا
· رضاكم ما بغير في الوضع شئ
· حفل الافتتاح كان رائع
· الكشافات تولع خالتي تصلي
· الكشافات تطفي ( الميضنه ) تولع خالتي تلبي
· الشاشه تشتغل صاحبي يغبي
· الفنون الشبيه ترقص
· اقتنع كل الزوار بان البلد بلد فنون وارث وانها ليست ارهابيه ولا مغلقه ولا تورا بورا
· افتتاح سيكافا اقنع الجميع بان السودان مفرفش وبرقص وبغني ومازي ما قالوا عنوا الخواجات بلد ارهابي ومربي دقنو وما بقتنع شعبو بالفنون
· سيكافا ارست رساله سياسيه للاخوه الافارقه
· انتوا يا افارقه شفتوا حاجه ! برنامج الختام فيهو العجب العجاب
· وبكره تشوفوا كتير
· بكره الهمر جايه
· رادان 000 رادان 000 ماقدرنا ننسي كروجر
· شكيتك علي الله يا حسن محجوب
· رادان 000 رادان 00 يا تنسينا كروجر يا تذكرنا رودر
· اختار يا كوتش
· شباب منتدي جماهير المريخ لوحه من اجمل لوحات سيكافا
· صفوه صفوه حتي النصر
· قال ليك تقسيمه داخليه ادهشت المصريين
· مصر كلها جات تتفرج في التقسيمه الداخليه
· واحد من الفراعنه قال ليك فتح الهرم بتاعو وجري يحصل التمرين
· ومصر كلها تهتف الله الوطن الهلال
· وفي مصريين معارضه يا ابراهيم عبد الرحيم بهتفوا الله الوطن الشريط
· الشريط المدسوس
· المدرب الجديد في مصر اكتشف انو خليفه احسن لاعب في لخويا
· وانا في السودان اكتشفت انو المدرب الجديد اكعب مدرب في مصر اليومين دي
· المصريين خلوا كورة مصر ومشوا تمرين الجماعه
· ونس 00 هي الونسه بقروش
· قال لي شارع خليفه كيف ؟
· قلت ليهو قول شارع التعاون
· شارع ود الحله
· لكن خليفه ماعندو شارع
· قول حوش الخليفه
· خط ( طمنطاشر ) من الليله اسمو حوش الخليفه
· نعمل فيهو مولد وما بتملي
· مدد
· الناس البتفرجوا في سيكافا بالدس ما يخجلوا
· تاني ما تدسوا
· ده زمن الدعوه الجهريه
· تعالوا ماتخجلوا
· القروش ما مشكله
· تعالوا سااااي
سلك كهربا
امس المويه جات بلغنا سلطات المويه
والي لقاء
سلك
