بسم الله الرحمن الرحيم
في السلك
• ماشاء الله
• الشعب اليومين دي كلو اتعسكر
• تقيف وسط المحطه الوسطي
• تقول يا عسكري
• السوق كلو يجيك جاري
• تمشي موقف جاكسون تقول ياعسكري
• الموقف كلو يقول ليك تمام سعادتك
• جاكسون ذاتو معاهم
• الشعب كلو اتعسكر
• واقف طابور
• صفوف صفوف
• ويدي التحيه
• تعظيم سلام
• لكاكي
• وانجاز كاكي
• ورقم كاكي الجديد
• تعظيم سلام
• للجديان
• ولي قدام
• كاكي وصل لندن
• ضمن الظهور في الاولمبياد
• عقبال صغار الجديان
• برغم صعوبة الهدف بعد تعادلهم الاخير
• لكن لامسستحيل
• برغم الانجاز القومي
• الا ان البعض لم يك قوميا
• كنت في سوق امدرمان
• زأر الملعق( وش الخير )
• وقال
• قوووووووووووووووووووووووووووووون
• قلق .....قلق
• السوق كلو صفق وهلل وكبر
• في اجمل منظر
• ثم تعالت نعرات غير قوميه
• صوت من بعيد
• احبك يابرنس
• وواصل والله لو مادخل البرنس ماكنا جبنا قون
• وواصل
• اداها لي قلق قال ليهو جيب قون
• الراجل ده كترها
• نط واحد تاني وقال ليهو
• لو قلق رجعها ليهو كان زولك دخلها قون ؟؟؟؟
• ياناس
• ياهوووووووووووووووووووووو
• البلبس شعار الفريق القومي بخلع شعارات اخري
• لكن مقولة الفريق كلو من الهلال دي بتقلل جمهور الفريق القومي
• والخيار والفقوس في الفريق القومي بقلل من مكانتو في نفوس الناس
• ويفقد قدسيته
• ويصبح كانو فريق قومي اجنبي
• خلونا مع الفرحه الاولي
• السوق كلو يكبر ويهلل ويصفق
• سودانا
• المهم
• انا معجب بانتماء الحضري لشعبه ولوطنه
• ومؤيد لحديث الحضري القال فيهو وجود خلاف بين نادي ومدرب لا يبرر تجريح وطن بالكامل
• وازيدك من الشعر بيت ياحضري
• وجود خلاف بين نادي ومدرب لا يبرر اساءة المدرب لوطن كامل
• عايشين في السودان ازاي !!!!
• بزمتك ده سؤال ياحضري ولا استفزاز لي وطن وشعب ؟؟؟؟؟
• اذا كنت تحب شعبك لهذه الدرجه
• اذن انت تعرف كيف يحب الناس شعوبهم
• واذا كنت تحب وطنك لهذه الدرجه
• فانك بالتأكيد تعلم تماما قدر الاوطان في نفوس منسوبيها
• نحن ياحضري شعب يردد مع كل خفقة قلب قول الشاعر
• بلادي وان جارت عليا عزيزة ***** واهلي وان ضنوا عليا كرام
• تقول لي عايشين ازاي ودايرنا نسكت ؟؟؟؟
• ماناله البدري ياحضري لم يك نتاج خلاف مع النادي
• ولكن كان نتاج استفزازات لانصدق ان يقبلها سوداني
• الي الآن انت محبوب بيننا
• تمسك بهذه المحبه
• المهم
• سمعنا ان الحكومه سترفع الدعم عن المواد البتروليه والسكر
• ياربي حاترفع الدعم عن الهلال متين ؟؟؟؟
• ولا الملح حايكون غاطس في الملح ؟؟؟؟؟؟؟
• الملح ده بجيب الضغط
• والضغط بجيب الغيبوبات
• والغيبوبات بتجيب الاسعاف
• والاسعاف بودي الانعاش
• والانعاش
• بدخل في نقاش
• ندفن اسي ولا ننتظر الجماعه ؟؟؟؟
• الله لا دخلكم الانعاش
سلك كهربا
ننساك كيف وماهجم الاتحاد السكندري قال 800 الف دولار شويه وحرمان ما بدخلن عليا
والي لقاء
سلك
babikir maki [b_silik@hotmail.com]
