سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
*قبل كل شئ نشيد بالاذاعه الرياضيه
*لانها احقت الحق وقدمت اعتذراها للمريخ
*اعتذار من الدكتور يوسف السماني شخصيا
*اعتذار عن التحيز السافر للمعلق الذي علق علي مباراتنا في كوستي
*والذي صور لنا مريخنا وكأنه يقف مكتفا اياديه يتفرج علي سيطرة مريخ كوستي علي الملعب
*ايها الناس
*نعود لمباراة كوستي
*تأخرت عن موعدها
*لا لشئ سوي جلوس الناس علي الخط جوار المرمي الشمالي
*وعلمنا ان ضمن الجالسون كانوا لاعبو الرابطه
*يعني عارفين كلو شئ
*ماصغار ولا جاهلين
*ولكنها الحرب
*معروف هلالية اهل الرابطه كوستي
*وده شئ بخصهم
*لكن ان يعمل البعض من اجل خدمة الآخرين علي حسابنا
*ده موضوع مابمشي معانا خالص
*وحقو ناسنا من الليله يفتحوا عينهم علي مباراة الرابطه في كوستي
*يعتبروها عدو عديل
*وكوستي مليااااانه مريخاب
*وربك وكل النيل الابيض
*بالاضافه للشفوت البسافروا من هنا
*المخطط ما بمشي علينا
*ونقاتل المحرش والبحرشو والبكاتل
*وجات تمت الناقصه قصة المعلق الذي صور لنا مريخنا وكأنه فريق من الروابط
*الكلام ده ما جهل منو
*زول بمسك مكرفون اذاعه ليعلق علي مباراه
*ما بكون زول ساي
*والا تبقي الاذاعه المسكتو مكرفونها اذاعه ساي
*ايها الناس
*الاهله يتحدثون عن تحيز وديدي للمريخ
*طبعا ده هجوم قبل ما نهاجم نحنا
*وديدي الذي انذر بكري المدينه منذ بداية المباراه ليحجمه ويقلل من مجهوده
*وفي حاله لا تستحق حسبما ذكر من شاهد المباراه
*بالطبع لا يتحيز للمريخ
*ووديدي الذي ينقض هدف عنكبه الذي اخرجه المدافع من داخل الشباك
*ما كان متحيز لينا
*بل تحيزه كان معروف اتجاهه
*ووديدي اخطائه التحكيميه التي لايظلم من خلالها فريق
*نحنا عارفنها صدفة سااااي قاعده تصب وين
*ايها الشفوت
*الوعي ثم الوعي
*ودعوة روشا ليوسف ابو حميد ليتقدم بشكوي ضد بكري المدينه اوضح دليل
*علي ان الامر حرب
*وامور تدبر وتحاك
*وعراقيل توضع امام الزعيم
*لان آل مكسيم مواسير
*والقطر الشالك انت
*يتكسر حته حته
*وتسلم لي انت
*لو كنت الحقيقه يا انت
*ايها الناس
*الشفوت يملكون كل الاسلحه التي يستخدمها الاعداء
*سنقاتل كل عدو بسلاحهه
*ولن تأخذنا رأفة بالرابطه كوستي
*-التي يتواري خلفها هلالاب كوستي بدون خجله
*المهم
*نشكر الاذاعه الرياضيه علي شجاعتها
*وبالمناسبه اعتذار دكتور يوسف السماني
*فيهو اهدار لمخطط الاعداء
*نحن نعرف كيف نحمي مريخنا
*هنا وهناك
*اي زمان اي مكان
*بمناسبه بكري المدينه
*تاني شفت جريتو
*انا سجلت الكورة
*ياخ الزول ده جري جريه عجيبه خلاص
*امس اكتشفت ليكم مساوي
*مساوي وقع اتشتت زي ام شبتو
*بالله تقول عندو اربعه ايدين واربعطاشر كراع
*وكلهن اتكومن وجلن بكوري
*ياخ دي جريه تجري الدموع
*كل يوم حا اشغلها
*عشان كلو يوم اكتشف شئ جديد
*ايها الناس
*فوتوا الفرصه علي المندسين
*المندسين الذين لا هم لهم سوي الهتاف في وجه لاعبينا
*طبعا عاملين فيها مريخاب
*وديل اخطر بكتير من الاعداء الظاهرين
*البسئ ما مننا
*وعشان كده حقو يتأدب
*او نأدبو نحنا
*الصبر علي لاعب
*هو مفتاح التفوق والنجاح والتطور
*الناس صبرت علي خليفه ومساوي واسامه التعايشه
*الناس صدقت حكاية وليد شبل
*ووليد اكمل زمن انو شبل عندنا سنة الفين وحداشر
*ومشي هلال كادوقلي
*ودي سنة الفين وخمسطاشر
*يبقي شبل كيف بس ؟؟؟
*ولكنها محاولات اعلاميه لتثبيت اقدامه
*يبقي نحنا اشبالنا الجد جد
*ناس جمال سالم وبخيت خميس وابراهومه وحسن سفاري
*هم الادر بالمسانده والصبر
*وليد ما شبل
*راجل كبييييييييييييير وعارف كلو شئ
*الشبل زي عيسي صباح الخير
*عمرو سبعطاشر سنه حاور افريقيا كلها
*وعيسي جاري والباك جاري ورا
*المهم
*امس صدرت صحيفة اول النهار
*قمة في روعتها
*واختنا مشاعر الشاطره بالتأكيد تكون الروائع حيث تكون
*الرائع معاوية الجاك رئيسا للقسم الرياضي فيها
*تبقي رياضة اول النهار اضافه مريخيه ومنبرا لا يستهان به
*بالتوفيق اخي معاويه واختي مشاعر وبقية العقد الفريد
*وربنا يجعلها اضافة للصحافه الوطنيه المميزه المهمومه بالمواطن
*ايها الناس
*نعزي انفسنا في رحيل مشجع المريخ حلو النفس حميد الصفات بدر الدين حلاتو
*حلاتو كان عاشقا مريخيا مدمنا للزعيم
*انتقل فجأه من بين ايدينا
*نسأل الله له الرحمه والمغفره
*ونعزي الاهله في رحيل مشجع الهلال سمح النيه والنفس البلوله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*سبب خراب كبري المنشيه جقر قالوا لينا
*جقر يا والينا !!!!
*سايبين الجقر طايح فينا
*ويهدم كمان كبارينا علينا ؟؟؟؟؟؟
*لكن بيني وبينك البلد اتملت جقور يا والينا
*وحد عندو سكري من اهالينا
*رجلو منمله من عمايل السكري فينا
*تخيل الجقر اكل اصبعو يا والينا ؟؟؟
*بعملها الجقر مدام مافي زول شائل فينا
*قلت لي جقر يا والينا ؟؟؟
*الضب متين حايرمي القاعه الجديده فينا ؟؟؟؟
*تعرف يا والينا
*حكاية الكبري دي ذكرتني النكته الاتقالت لينا
*صدقني بجي يوم المهندس يؤشر علي الفضاء ويوقول لينا
*شايفين الكبري داااااااااك يا اهالينا
*نقول ليهو ماشايفين كبري يا اخينا
*يدخل يدو في جيبو ويقول لينا
*كلو هنا
*بتحصل يا والينا
سلك كهربا
ننساك كيف وام سيسي كان رمت المدرسه فينا زي رمية مباني الرباط يبقي ووووووب علينا
والي لقاء
سلك
b_silik@hotmail.com
