دنيا الروضه .. بقلم: بابكر سلك

بسم الله الرحمن الرحيم

في السلك

*دنيا الروضه دنيا جميله

*فيها اماني وفيها اميره

*ده نشيد من اناشيد الروضه

*لاحظتوا

*فيها اماني وفيها اميره

*يعني مافيها الامورة البتغني براها

*معاها اماني ومعاها اميره

*والروضه طبعا هي مرحلة التعليم قبل المدرسي

*الزمن ده في رجال مابحبوا الناس تعرف عمرهم الحقيقي

*يقوموا يصغروا روحهم شويتين

*الواحد يقول ليك زمان في الروضه قالوا لينا وقالوا لينا

*القصد ما المعلومه القالوها ليهو

*القصد انك تعرف انو قرا الروضه

*وقرا الروضه معاناها صغير

*وفي الحقيقه هو بكون قرا الكتاب

*ايام الجلابيه بالشراب

*فالقي عليك خبر في الروضه ادونا

*وهو ماقاصد الادوهم ليهو في الروضه

*فقد يلقي الخبر لاغراض اخري منها صغر السن

*المهم

*اسي التعليم قبل المدرسي بقي اجباري

*لازم اي زول يدخل الروضه اول

*في فلهمة بتاعت زيرو كبير وزيرو صغير

*وفي قشره بتاعت كي جي ون  وكي جي تو

*في الاخر الموضوع روضه

*ماعيب تدخل الروضه وتتدرج

*لكن العيب يجيبوك من الثانوي

*يقولوا الولد دي لقيناهوا حايم في الثانوي

*يجيبوهوا الروضه ماسكنوا من ايدو

*ايدو البتوجعوا

*ويبكي

*يتنهف وتهفهف وفيييييييييييييط

*في قميص الروضه

*ويسلموهوا للابله

*تجضموا ليك

*وتقول ليهو المرقك من الروضه شنو ؟؟؟

*اهلك ديل رسوم الروضه ما بدفعوها

*كمان تجي تتعبنا ؟؟؟

*الاخوه الاهله

*مبروك الروضه

*زيرو كبير

*فلقتونا تصنيفنا

*المجموعات

*مكانتنا

*وقلنا ليكم حكاية تمهيدي دي مسألة قرعه

*قلتوا ابدا

*وستين يمين القصة قصة مستوي

*ايها الناس

*حلالالالالات شفع الروضه بالبدله

*اها

*نسألكم

*القصه لسه قصة مستوي ولا الحكاية حكاية قرعه ؟؟؟

*قبل تجاوبوا

*امشوا الفيفا اشتكوا الكاف

*قولوا حياتو جره القرعه دي في فداسي ما في مصر

*وقولوا حصل تزوير ودانا في داهيه

*ودانا التمهيدي

*رجلك حاره يا كردنه

*اول قرعه في عهدك وديتهم روضة حاجه سكينه ؟؟؟؟

*ولسه

*ياما تشوفوا

*ناس التمهيدي ديل

*لابعرفوا دقت محل الحقنه

*ولا بعرفوا مطعم في الحلاق جمب سوق نمرة اتنين

*لكن المشوار طويل

*انتوا ياروشا ما تدخلوا في الموضوع طوالي

*مهدوا

*امهد ليكم ولا بتمهدوا براكم ؟؟؟

*اه يا بتوع الاتوبيس

*واتمهدي

*المهم

*شافع في الروضه

*امو وخالتو مشو يجيبنو من الروضه عشان الترحيل ما يرجعو البيت

*ماشين ناس حبوبتو

*لما شافهم جوه الروضه قال ليهم

*دابوكم معانا اللوده ؟؟؟

*يعني جابوكم معانا الروضه ؟؟؟

*مادلتو كبيلين

*يعني ماقلتوا كبار

*لينا سؤال

*دابوكم  معانا اللوده ؟؟؟؟

*ما دلتوا كبيلين !!!!!!

*المهم

*جيت ماشي جمب استاد المورده

*لقيت سور في الارض واطلال استاد

*اتذكرت الكاردينال

*الزول ده ثبتوهوا يا روشا

*كان كسر الاتكسر ما بتصلح

*وستزحف المنطقه الصناعيه نحو الانقاض

*وستصان اللواري علي الاطلال

*امسكوهوا يا روشا

*الحيطه كان وقعت تاني ما بتقوم

*المهم

*سمعنا عن اشاعة خلاف غرزه وبرهان

*وناس الاشاعه عشان ما نححكها معاهم

*قالوا عبدالصمد حل ليهم المشكله

*اي اتنين ممكن يتشاكلوا

*الا غرزه وبرهان

*فالقاسم المشترك بينهما اديس

*والبحب اديس مابعادي زول

*ايها الناس

*افتقدنا زول جميل

*وجميل جدا

*جميل من جوه شديد

*جميل من دواخله

*يشع نور جماله علي وجهه الصبوح

*افتقدنا صوتا عرفناه وعشقناه واحترمناه

*افتقدنا رمزا اعلاميا واجتماعيا كبيرا

*افتقدنا الفاتح الصباغ

*احر التعازي لنا قبل اهله

*فنحن نستحق العزاء

*والف رحمه تنزل عليه

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*ورقة فئة ميه  قالوا طلعت لينا

*وووووووووووب علينا

*يعني تاني الخمسين بندول ما بتجيب لينا

*اقول ليك يا والينا

*تاني شيلوا صفر وزيدو الورقه الجديده صفر يمكن تختصر ليكم وتختصر لينا

سلك كهربا

ننساك كيف وماهيتك ممكن تكون خمسه ورقات ونص وتعال وبص

والي لقاء

سلك

b_silik@hotmail.com

/////////////7