سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الصاعقه مكسب لاتحاد الخرطوم بالذات ايام الخريف القادمه
• الذين يقولون ان علاقة الصاعقه بالمريخ قد انقطعت دون رجعه واهمون
• يمكن للانسان ان يتحصل علي جنسيه غير
• ولكن لا يمكنه ان يغير الولاء والانتماء
• الصاعقه ينتمي للكيان الاحمر
• بل هو رمز من رموز الكيان
• واختلاف الرأي فينا يجعل المريخ اقوي
• المهم
• قالوا كامبوس سافر تركيا بحثا عن معسكرات للهلال في تركيا والبرازيل
• وقالوا سافر دون علم ودون اذن المجلس الادريسي
• قاموا الادارسه بتاعين المجلس زعلوا
• وجابوا طارق من عطبره ولا وين ماعارف
• غايتو حكاية المعسكر مع المعطيات القالوها ما بنصدقها
• ما بتدخل صلعتنا دي
• الا يقوم لينا قنبور في نص الصلعه دي حتي نصدق
• يعني حانشوف موقف جاكسون في تركيا ؟
• علي النيل كمان قال ليك
• قال لي ما بتغلبونا
• قلت ليهو لييييييه !
• قال لي طارق قااااااااااااااعد
• قلت ليهو قاعد من قعدت دحدوح ديييييييييك ؟
• لي اسي قاعد ؟
• قوموهوا ياناس
• بالمناسبه
• قعدت دحدوح دي عندها قصه
• في كوره لينا ضد الجماعه
• دحدوح يشيل ويحاور في الوزير
• حاور ليك الوزير ده لما قلنا دحدوح ده بحاور في الوزير ده قايل روحوا نائب رلماني ولا شنو !
• المهم حاورو لمن قعد في واطات استاد الخرطوم الحا ياكلها الدود دي
• نمره سته كبييييييييييره
• ظااااااااااااااااااهره
• شايفنو طاااااااااارق
• نص جمهور الجماعه يقول ده منو ؟
• النص التاني يقول ده السر000 ده السر
• السر !
• بالسا !
• بالمناسبه الكوره ديك انتهت اتنين جابهم دحدوح
• دوري يا دنيا واتدوري
• ودحدوح بشبه لي وارقووووووووووووو
• سفرة كامبوس دي ما داخله راسي
• غايتو لو فيها ابو ماسوره تركي ان الله سيبطله
• رساله من مريخابي يا روشا
• صاحب الرقم 0912851354
• قال
• سا000سا 000 برضو ممكن تكون سوكرتا
• دايرين
• ونطالب
• وبشده
• فحص للمنشطات في الكوره
• اجراء روتيني سااااااااااااي
• علوق الشده
• تعالوا لينا بالابيض
• مكفنين جاهزين
• ادفن يا عابدين
• وبييييييع يا روشا
• قالوا الهلال يرفع اللياقه
• ( بالعفريته ) !
• قالوا الهلال يركز علي التكتيك
• ( من تركيا ) !
• قالوا الهلال يركز علي المهاره
• ( هيا فين يا حسره )
• يوم عشره
• التاريخ يعيد نفسو
• نصكم يقول ده منو ؟
• النص التاني يقول ده كامبوس 00 ده كامبوس
• مشكله
• كان لعب المعز يقولوا عشان ولدنا وعلي طريقة كلتشي
• وكان لعب الدعيع يقولوا عشان الوقفه طاااالت
• خلو القون فاضي
• كلو واحد
• صاحب الرقم 0923050584
• رسل نكته
• قال في واحد من الجماعه مزعلو فلس فريقو الشديد ده
• كل ما يشوف بيت سمح يتضايق
• كل مايشوف عربيه مكندشه يتضايق
• حساده ساااااااااااااااااي
• يوم مشي البحر
• قيل
• لما رجع السخانه ملهلبه
• الشمس في نص الراس
• دخل بيتم
• عاين للزير مسااااااااااااافه
• وقال ليهو احمر كده ليك حق ترطب
• احمر كده
• ديمبا قالوا فك الجبص
• انشاء الله حا يفك (البيرق ) يوم عشره
• عشره دي نمرة وارقوووو
• نمره عشره يوم عشره يومو
• يجيب قونين
• وعشان ما تزعلوا واحد ضربة جزاء مع راجي
• وواحد باص من العجب
• يوم عشره تأبين مايكل جاكسون
• توجد مواصلات بعد العرض
• موقف جاكسون
• المحيرني ما سفر كامبوس لي تركيا
• المحيرني القطع التكت منو ؟
• نعزي النجم قلق وانفسنا في الفقد الجلل ونتضرع للمولي ان يتقبلها مع الصدقين والشهداء
سلك كهربا
معقوله ننساااااااك والليله يوم تلاته !
والي لقاء
سلك
