سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• اكتب بعد مباراة الامل مباشرة
• مبروك امل الحديد والنار
• نصر للسودان بطعم المريخ
• شكرا مازدا ابن المريخ والسودان البار
• فارس الحوبه
• بالرغم من تأهل الامل الا ان مازدا مازال مصرا علي بلابل الدوح
• مزيدا من التقدم يا عطبره
• تحياتي لي ناس المورده بعطبره
• الربه عندكم
• اعزمونا يا اخوانا
• علي ضفاف نهر عطبره
• للصباح بنقعد معاكم
• نحتفل بنصر الامل
• كلو ما تغلبوا زول بنجيكم فللي
• اكتب وانا استعد للتوجه الي المقبره
• في دفن
• اللهم لا ترنا مكروها في عزيز لدينا
• ده شنو يا نفطي !
• علي اليمين في غزاله لي اسي بتبحت
• النفطي رفع اليمين ونزلها
• رفع الشمال ونزلها
• الغزاله قامت تنطط
• براحه يا نفطي
• الغزال ده صغار
• اسلام بتتفرج في الكوره
• شافت سفاري
• قالت لي يا بابا الكنبه دي فيها مدافعين ؟
• قلت ليها فيها
• قالت لي سكتنا ؟
• ياناس
• عندي كلام داير اقولو من زمااااان
• اي لقاء حول مستوي الكوره في البلد دي يكون الضيوف ناس معينين
• مدربين معينين ستين سنه يرغوا
• ما يخجلوا يتكملوا في وارقو
• مفروض يلعب هابط
• ومفروض يبقي راس حربه صريح
• ومفروض يرف موسي الزومه
• منظراتيه يبطبطوا وينظروا زي مادايرين
• اداريين يقولوا كلام الطير في الباقير
• قدامي لاعبين معينين يقولوا في كلام في زمنهم ماكانوا بيعملوا نصو
• يا اخوانا
• مره واحده استضيفوا الجمهور واخدوا رايه
• الجمهور ده خبرتوا بدت من كان اسمها التيوه
• اقعدوا في الارض دي واسمعوا الجمهور بقول شنو عشان الكوره تتطور
• ده شنو يانفطي !
• النفطي لعاااااااب
• مامحتاج يثبت لاي زول انو لعاب
• لكن الانانيه لا تخدم يا ابن تونس الخضراء
• لو نقطتها براك ما بتجيب نصر
• اللعب الجماعي
• شغلك تصنع لعب
• امتعنا مره مره ولكن ليس علي حساب الجماعيه
• كل ما احرز المهاجمون اهداف كلما كانت صناعة اللعب جيده
• العب باص يا اناني
• عشان نحبك اكتر
• الباشا كان ينقصه التركيز
• مصعب ( كهربا زايده ) ومهاره عاليه
• لو انخفضت الكهربا عند ( حاج موت ) بكتل ليهو زول
• الكلام ليك يا موسي المنطط عينيك
• اللهم انشاء الله ماتكون وريتنا مكروها في عزيز لدينا
• كلتشي بمكنة ايداهووووووووو الله اداهو
• المريخ زعيم
• والزعيم زعيم
• مني السيد محمد الامين العام لرابطة نساء العسكريين
• قالت لي ماشاهدته من وفاء الصفوه ادارة ولا عبين وجماهير لايداهو ايقنت منه ان هذا المجتمع المريخي عظيم ووفي ولا بد من الانتماء له
• فانتمت وارتمت في احضان الزعيم
• مرحبا بك في بوتقة بنات سيده فرح اخوات سعديه
• لاسانا والسعودي عافي منكم دنيا واخري
• وكروجر لو في ماكان بحتاج لمحور ثالث معكما
• نجم الدين يذكرني بابراهيم عطا
• الله يجيب البذكرنا كمال عبدالغني
• ياربي الجماعه عملوا شنو ؟
• عجب 000 طرب
• ده شنو يا النفطي !
• ياربي المكروه ما يكون حصل
• طالع من الكوره جواري واحد من الجماعه
• سايق طفلوا معاهو
• الطفل قال ليهو بابا 000 بابا 00 اشتري لي كوره
• التلفت علي ولدو وقال 000 كدي النلقي طريقه لي كورة بكره دي وبعدين نشتري ليك
سلك كهربا
لن ننسااااااااااااااااااااااااك
والي لقاء
سلك
babikir maki [b_silik@hotmail.com]
