سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الاخوه الاهله يتحدثون بثقه عن تخطي مازيمبي
• بل ذهب بعضهم لابعد من ذلك وتحدثوا عن الكأس الافريقيه
• والكأس الافريقيه من وجهة نظرهم لاتبعد عن هلالهم اكثر من خطوتين
• منتهي الغرور
• والغرور مقبرة المغرورين
• حتي الغرور المستند لاسباب غير منطقيه بيودي في داهيه قبل المغبره
• كشف الهلال راعي الضان في الخلا يعلم انه لا يجتمع فيه الا لاعبين فقط اصحاب مهاره
• هما مهند وايفوسا ( المنتدب )
• وراعي الضان في الخلا يعلم كيف تخطي الهلال لتمبو ناقص في دور ال32
• وراعي الضان في الخلا عاااارف قصة ضربة جزاء اول اغسطس
• وراعي الضان في الخلا يعلم بان الضربه المعاده ليييه اعادوها
• وراعي الضان في الخلا شاف ضربة المرمي الانقلبت فجأه لركنيه جاء منها الهدف الوحيد والصدفه
• وراعي الضان في الخلا يعلم بالكثير والمثير
• اذن لاداعي للغرور
• طالما اصبحت الفرصه مواتيه علي الاهله اغتنامها ويسكتوا ساااي
• علي الاقل بعد خروج الزعيم البلد مافيها تمساح
• سنفرح لكم لسببين الاول ان النصر نصر للوطن والثاني انكم بعد واحد وعشرين سنه حققتم ما حققناهو
• تحتاج المرحله لتواضع وعمل جاد ( بره ) الملعب وجوه الملعب
• تحتاج المرحله لتقييم حقيقي للفرقه والعمل علي سد ثغراتها الكثيره
• الحظ لايخدم دائما
• والحكام لايقعون في الاخطاء في كل المراحل ولا يتهاونون ولا يلعبون
• لان حكام المراحل القادمه يريدون ان يظهروا في نهائيات كأس العالم
• يبقي الحصول علي الكأس تمنو غااااالي جدا جدا
• لا داعي للغرور
• كأس 1987 كان علي بعد هدف من الهلال فاذا بالثعلب ينقلب علي وكر الثعالب
• في النهائي التاني كان الكأس علي بعد دقائق من الهلال فاذا بالمغاربه يقلبون الطاوله
• لاداعي للغرور ومنير امبده في اي لحظه قد يترك الهلال ويذهب ايطاليا قبل النهائي
• الهلال اليوم هو فريق الحكومه المدلل
• السيد الرئيس يدعم بالمليارات
• الساده الوزراء ماقصروا
• حتي المسؤلين الصغار ( غمتوا ) البقدروا عليه
• لذلك يحق للحكومه ان تسألكم عند الفشل
• وديتوا قروشنا وين ؟
• فريق يدعو لنفرات الدعم المادي
• لماذا الغرور
• الاذاعه الرياضيه تعمل ( بيدينها ورجلينها ) دعما معنويا وماديا للهلال
• موقف وطني للاذاعه الرياضيه
• اظنها خصصت شهر كامل من ساعات بثها دعما للمريخ عندما وصل نهائي الكونفدراليه
• ولا الوكت داك الرياضيه كانت لسه ما قامت ؟
• روقوا المنقه ياناس
• النيل نزل شديد
• وجنازات البحر بتظهر بسرعه
• ونحنا قاعدييين في الحتانه
• اي طروره مطفحه بنشوفها
• يا سلام علي الزعيم
• وياسلام علي الصفوه
• عالم تاني
• تخيل عمك كبير في السن
• عندو ولد في كندا وواحد في امريكا وواحد في السعوديه وواحد في الامارات
• ليهم سنين ما رجعوا البلد
• بتعذروا بكترة الشغل
• اول ما يتصلوا بيهم بالتلفون ويقولوا ليهم الحاج عيان
• كلهم برجعوا باول طيارات جايات السودان
• كذلك الصفوه
• الزعيم ابونا كلنا
• اول ما يقولوا الحاج عيان نرمي الوانا والقدامنا ونجي نركع تحت سريرو لما يقوم حيلو من جديد
• وفي ناس لو قالوا ليهم كبيركم عيان يقولوا هو نحنا عندنا كبااااااااار
• هلالابي قال لي البرنس امتدح اعلام الهلال
• قلت ليهو قال طلب الفول مصلح ولا شنو ؟
• وصيه ياوالي في الذمه
• وارقو يقعد بامر الصفوه
• بجي منو
• صدقني
• المدرب الجديد ممتاز
• خلوهوا يشتغل
• واول زول يبعد عن المدرب الجمهور
• وبعده نوالي
• وبعده اي عمه ( بكسر العين ) بتتدخل في التشكيله تدينا عجاج كرعينا
• راعي الضان في الخلا عارف الفريق خلا
• اخفاقات فريق الكره في المريخ لاتعني فشل المجلس في كل الجوانب ياناس يا هووو
• قريبا موعدنا مع نشيد الغراب
• الغراب القال غاق
• وفوووووو
• طار
• الوصول لدور الاربعه خطوه تقرب للكأس نعم
• ولكن راعي الضان في الخلا يعلم بان احدكم قد يعمل عمل اهل الجنه حتي يتبقي بينه وبينها ذراع فيعمل عمل اهل النااااار
• ولو عمل عمل اهل النار معناها طاااار
• ابو تميمه طولنا ما سمعنا بيهو
• ياربي لسه لابس التميمه
• حبيبي يارسول الله
• الناس الفرحانه 000 راجنكم في الحتانه
سلك كهربا
خليهم يقولوا زي ما الناس يقولوا 000 حلاة الرد عليهم لما الناس يطيروا
والي لقاء
سلك
