شباب بلا مخدرات

بسم الله الرحمن الرحيم
في السلك

•    لا للمخدرات
•    شباب بلا مخدرات
•    وغيرها من الشعارات
•    نرفعها جميعا طول السنه
•    ونركز عليها سنويا في مثل هذا اليوم
•    المخدرات قاتله
•    ومدمره
•    وتقود متعاطيها ليخسر كل شئ حتي نفسه
•    ولما يكون المتعاطي من الشباب
•    تزداد الخساره
•    لان الوطن يخسر شابا كان يمكن ان يسهم في نهضة وطنيه
•    المخدرات اشكال وانواع
•    نحن في السودان نعرف منها البنقو
•    ودخلت الينا انواع اخري
•    من خارج البلاد
•    زي مادخلت الينا موضات من بره
•    وزي ما دخلت الينا اكلات من بره
•    وزي ما دخلت علينا سلوكيات من بره
•    والمخدرات في القانون هي مواد  تمنع زراعتها وتسويقها واستعمالهاوالاحتفاظ بها
•    ولا يستثني القانون منها الا التي تزرع او تستخدم لاغراض شرعيه وضروريه ومن قبل جهات محدده
•    ايها الناس
•    المخدرات هي العدو الاول للشباب
•    ولكن في الاونه الاخيره ظهرت انواع من المخدرات اكثر تأثيرا علي الشباب
•    ويستحيل علاجها
•    ان كانت الانواع المعروفه من المخدرات يمكن علاجها عن طريق برنامج علاجي محدد يهدف الي تخليص جسد المتعاطي منها تدريجيا
•    الا ان هذا النوع الجديد لايمكن علاجه
•    واذا اصاب الشاب يبقي منو العوض وعليهو العوض
•    انواع جديده كثيره
•    منها تصريحات مسؤل بايجاد فرص عمل لتلاته وتلاتين  مليون خريج
•    رفع المعاناه عن كاهل الجماهير
•    الجماهير ديل خلي بالك اهل الشباب واسرهم
•    المساواه امام تولي الوظائف العامه
•    لا محسوبيه حزبيه او قبليه او جهويه تفرق بين شباب الوطن الواحد في حقوقهم الاساسيه من ملبس ومسكن وتوظيف
•    ايها الناس
•    لو طال الزمن ولم توجد التلاته وتلاتين فرصة عمل دي
•    موش بتبقي العباره مخدره ؟
•    اذا طال نضال الناس مع المعاناه التي تزداد كل يوم
•    اليس في تلك العباره مخدر ؟
•    اذا كانت الوظيفه للناس الحريفه دون غيرهم
•    الا يكون شعار المساواه مخدرا ؟
•    اذا كانت وظائف معينه لا تعطي الا لولاء حزبي او لانتماء قبلي او لابناء جهة بعينها
•    الا يكون في ذلك تخديرا لباقي الشباب الغير منتمي للحزب او القبيله او الجهه
•    ايها الناس
•    نحلم بمجتمع يرفل شبابه بعيدا عن المخدرات
•    ولكن لا نستثني مخدرا من تلك المخدرات
•    كلها
•    من البنقو
•    والي التخدير بالعبارات الرنانه
•    يارب
•    المهم
•    امس غلبنا كينيا
•    بهدفين جميلين
•    والاجمل من كده ان الجماهير التي تشجع السودان كانت تحمل علمين
•    بدل علمي انت رجائي
•    كانا علمان
•    ورجاء ورجاء
•    طيب وكت اصلو الموضوع كده
•    من الاول مالكم ؟؟؟
•    الزول لو رقد علي ايدو بتخدر
•    فمابالكم من شباب ترقد عليه كل هموم الحياه
•    كيفن ما بتخدر ؟
•    ايها الناس
•    الحضري لاعب محترف
•    يربطه عقد
•    اذا اراد الرحيل يبقي بموجب بنود ذلك العقد
•    واذا اراد البقاء يبقي برضو بموجب بنود ذلك العقد
•    واعتقد ان تصريحاته للقنوات المصريه مفروض تكون بموجب ذلك العقد وفي حدوده
•    واذا لم تعجبه بنود العقد
•    يمشي اهلو
•    ويقعد هناك
•    لما تنتهي فترتو معانا يشوف ليهو فريق
•    ده طبعا اذا سامحناهو كعادتنا
•    ايها الناس
•    الاهلي الربي الحضري لم يتنازل له عن مليم واحد
•    نحنا لن نتنازل
•    عرفة من متين ؟؟؟
•    الزول ده يعرف حاجه واحده
•    انه لايجوز له ان يطلق التصريحات علي علاتها
•    واذا فعل تجب محاسبته
•    ملينا من الطيبه
•    والعفو
•    والتنازل
•    ايها الناس
•    لا للمخدرات بكل انواعها
•    هو نحنا كده ماناقشين الحاصل
•    كمان تجيب ليها غبيه ؟؟؟
•    مزمل علي عمر والرشيد ابو القاسم
•    هذا هو مجتمع الرياضه المتسامح المتعافي
•    المتعافي
•    دوما
•    ايها الناس
•    معا نحو مجتمع معافي
•    ومتعافي
سلك كهربا
ننساك كيف والشباب  نصو مخدر
والي لقاء
سلك
babikir maki [b_silik@hotmail.com]