صقر قريش 5/1000: عبدالله نضال .. بقلم: بابكر سلك

بسم الله الرحمن الرحيم

في السلك

*ايها الناس

*النضال من اشرف الصفات التي يتشرف بها الانسان

*والمناضل يكون مؤمنا بقضيه محدده تهن عليه روحه في الزود عن قضيته

*في هذا الزمان قلت تلك الصفه

*وقل عدد من يتصفون بها

*بل وتأرجحت نسبتها في نفوس من يتصفون بها

*فمنا من يناضل بيده

*ومنا من يناضل بلسانه

*ومنا من يناضل بقلبه وذلك اضعف النضال

*النوع ده اليومين دي بالملايين

*كتار خلاص

*ولكن صديقي عبدالله كمال

*الصحفي الشاب الغيور

*من المناضلين الذين يناضلون بايديهم ولكن خلف الكواليس

*هذا الشاب يدافع عن المريخ ويجمع المعلومات باخلاص شديد

*انا معجب به

*ولذا اسميته عبدالله نضال

*وسأعود في الوقت المناسب لاحدثكم عن نضال عبدالله كمال

*المهم

*امهاتنا هاماتنا المشرئبه المتطلعه دوما للعلالي

*نستفيد من تجاربهم كثيرا

*ونتعلم منهن الكثير

*تعليم بدون مقابل

*وبمحبه كمان

*امي علمتني الكثير

*حكم وفلسفة ومبادئ

*بالتأكيد جميعنا استفاد من الامهات

*ولكي تعم الفائده

*نفتح المجال لاي زول يكلمنا عن شئ تعلمه من امه

*ويكون ذلك تحت مسمي

*امي علمتني

*اليوم ابداها ليكم

*امي علمتني

*لما الكلب ينبح فيك هو يا ولدي ما تنبح فيهو هو ,,,قول ليهو جر عشان يتذكر انو كلب وانك بشر

*سلم لسانك يا امي

*المهم

*انا عندما اقول الاخوه الاهله الشرفاء

*اقصد ذلك تماما

*لان الاهله الذين نعرفهم

*هم انصار الفريق الند لينا

*يبادلوننا الاحترام باحترام

*ونبادلهم الاحترام بالاحترام

*وننافسهم بشرف في الميدان

*ونحتفل بالانتصار عليهم

*ونداعبهم ويداعبونا

*هكذا  نربينا علي ايدي الحجاج بالمريخ

*و هذا ما استفدنا من محمد علي زروق مصطفي ابشر ورعيلهم

*ومن بعدهم الطيب عبدالله والحكيم طه والارباب صلاح بن ادريس الذي يناكفنا كثيرا ولكن باحترام وادب

*ولان الهلال الشريف

*اتسع انتمائه فشمل اناس لا يقدرون قدر فريقهم

*واصبحوا يجيبوا الكلام لفريقهم

*قلت لا بد من فصل الاهله الشرفاء عن الرجرجه والدهماء

*لذا اخاطبهم بعبارة الاخوه الاهله الشرفاء

*لانهم يخاطبوننا بعبارة الاخوه المريخاب الشرفاء

*ودام الشرف والاحترام بين الناس

*وقاتل الله القرف والمقرفين

* فالاهله الذين باركوا لنا بافتخار سيكافا الاولي ومانديلا

*هم الاهله الشرفاء الذين احب ان اناديهم

*المهم

*مفروض ندخل في موضوع  قضية صقر قريش

*لكن (الفولدر ) ابي يفتح

*الجهاز معلق

*بكرة بشتغل

*المهم

*تمارين الزعيم تمضي علي قدم وساق

*نحتاج لزيادة جرعات الاهتمام النفسي والاداري

*والتجارب الاعداديه القويه ضروريه

*ورفع الروح المعنويه وروح الاصرار هو القضيه

*والوقفه الجماهيريه في الاعداد بتنفع في مباراة العبور بانجولا

*الغريبه كنت بسأل نفسي

*في جماعه كده

*لو لعبنا مع فريق تشادي

*يشجعوا التشادي

*لو لعبنا مع فريق يوغندي

*يشجعوا اليوغندي

*لو لعبنا مع فريق كيني

*يشجعوا الكيني

*ولو لعبنا مع فريق تنزاني

*يشجعوا التنزاني

*ولو لعبنا ضد الملكيه جوبا

*يشجعوا الفريق الجنوب سوداني

*حيرونا

*لكن بعد اكتشفنا جنسياتهم السبعه عرفنا السبب

*واتجنسي

*ايها الناس

*ان تنصروا الله ينصركم

*اها

*نجي لي شمارات والي الخرتوم

*والينا

*بصان الوالي مالها يا اخينا

*محل ما مشينا

*لقيناهم خرد مكومه لينا

*انتوا جبتوهم سكندهاند ولا شنو يا والينا

*لما شفنا البوهيه واللمبات الرتينه

*قلنا زينه في زينه

*جد لينا

*والينا حل مشكلة النقل لينا

*ولما بيها مشينا وجينا

*لقيناها خرد وماسورة يا والينا

سلك كهربا

ننساك كيف والبصات واقفه علي الرصيف والناس واقفه في شروني وقعت فيهم شجره

والي لقاء

سلك

b_silik@hotmail.com