بسم الله الرحمن الرحيم
في السلك
*ناس كتار كانوا قايلين نحنا بنتكلم عن صقر قريش بتاع مسرحية المهرج
*ده براهو وداك براهو
*صقر قريش بتاع مسرحية المهرج ده زول مالي هدومو
*غيور علي القوميه والعقيده
*منتقدا للحال الذي وصل اليه شباب الامه من تردي
*حتي اتذكر لما سالوهوا من التأشيره
*سأل
*وما هي التأشيره ؟؟؟
*قالوا ليهو اذن دخول الانسان للدوله
*فاستنكر سائلا
*ومنذ متي يحتاج العربي لاذن ليدخل الي دولة عربيه
*قالوا ليهو انت يا حاج قايلها فوضي زي زمنكم ؟؟؟
*الواحد فيكم يركب الحصان ويبرطع
*برطعك برطعك برطعك
* من جزيرة العرب لحدي العراق وقشه ما تعتر ليهو !!!!
*زمنكم فوضي ياحاج
*نحنا اتنظمنا
*عندنا قوانين
*وعندنا لوائح
*وعندنا منظمات دوليه
*وعندنا وعندنا وعندنا
*انه عبدالرحمن الداخل
*ذلك الرجل القوي
*فصقر قريش المسرحيه
*لاباع كنيسه ولا ضبح كديسه
*وفي المسرحيه مشاهد فيها نقد سياسي رائعه جدا
*اذكر منها انه عندما اقتاد الحرس صقر قريش الي الحراسه
*كان يحدثه عن جيلنا
*وكان يقول ليهو عندنا مواصلات وعندنا حكومه وعندنا جيش
*وعندنا حريه وعندنا ديمقراطيه وعندنا حريه
*وفي هذه اللحظه فتح له باب الحراسه
*ومع قولة حريه وقيامه بفتح باب الحراسه
*قال ليهو ادخل يا حاج
*ده صقر قريش الحقيقي
*الرجل الذي استدعته مسرحية المهرج
*لينقذ ما يمكن انقاذه من بقايا العرب
*فاستعان صقر قريش وقتها باحد الفرسان
*دحام
*ذلك الرجل الطويل القوي الفارس المؤمن
*لم يستعن بعجوبه الخربت سوبا
*ولم يستنجد بالحكامات
*جاء دحام وبصوته الجهوري زأر
*انها لها يا صقر قريش
*قاموا الجماعه في المسرحيه دخلوهوا غرفة الاشباح
*والناس كانو سامعين صوت الكمبرسون
*فخرج دحام غريبا في كل شئ حتي مشيته
*استغرب صقر قريش
*فصاح
*دحاااااااااام
*وما كان من دحام الا ان يرد
*هووووووووووي
*كمبرسون ياعمك
*يغير الف دحام في نفخه واحده
*وكأن مصطفي احمد الخليفه ومن قبله الماغوط
*قد ارادا ان يقولا هذه هي الاساليب التي نقتل بها الرجوله في ابنائنا
*المهم
*صقر قريش بتاعنا القاصدو انا
*ماصقر قريش بتاع المسرحيه
*بالطبع ليس عبدالرحمن الداخل
*فالداخل لا يعرف ماهي التاشيره
*وليس له جواز سفر
*اما صقر قريش هذه المساحه
*فيكفي انه يتمتع بسبعه جنسيات
*واذكر من لوحات تلك المسرحية الرائعه
*الاحتفاليه التياقاموها لصقر قريش عند استدعائه في المسرحيه
*كان الفنان هو الفنان عبدالمنعم عثمان
*والذي تغني لصقر قريش بالآتي
*ياصقرنا يا صقرنا وياصقرنا
*انت تزرع في نخيلك ونحنا نعصر في تمرنا
*ياصقرنا يا صقرنا يا صقرنا
*والاشارة من الاغنيه في المسرحيع=ه واضحه
*انت يا عبدالرحمن الداخل تزرع في النخيل
*ويقصد به المجد العربي الحلال
*ونحنا نعصر في تمرنا
*اي نعيش علي الخمارات مستثمرين كنا او زبائن
*فنصنع منها بحرا ودارا
*والعياذ بالله
*المهم
*يبقي وضح انو صقر قريشنا هو البايع الكنيسه وضابح الكديسه كيري
*وسوف نعرج للمزرعه التي قامت حولها العوه
*صقر قريش الزمن ده لا يشبه صقر قريش الزمن الجميل
*المهم
* لاحت شمس التأهل
*وحقو ما تشيلنا نومه تسرق عنا صبح الانتصار الجميل
*نصحصح شويه
*نرفع المعنويات
*نوحد القلوب
*نقوي العزيمه
*نحارب الهزيمه
*ونعلن رفع راية منازلة الترجي
*بعض الاشكالات التي يصنعها الناس
*القصد منها تشتيت التركيز
*وافساح المجال لدخول اليأس للنفوس
*ولكن لن ندع تلك الاشكالات تتسلل بين ايدينا لتفنينا
*سنرفع راية النصر ونحميها
*زيادة جرعات الاعداد والاستعداد يا غرزه
*رفع الروح المعنويه والضبط والربط يا حسن يوسف
*الاصرار ونضع هدفنا الانتصار يا اولادنا
*لنعود من جديد للمدرجات مرددين رائعه عمر محمود خالد
*بالاعداد والعمل الجاد *****للافراح نكتب ميلاد
*التشجيع الداوي ودايم *****لازم يهز ارض الاستاد
*والجمهور الواعي وفاهم ***** هو الدافع وهو الزاد
*يلا جميع نملا الاستاد *****للابطال نهديها تحيه وللاجيال نبني الامجاد
*بالتأكيد الامجاد التي يقصدها دكتور عمر
*ليست الامجاد الواقفه جمب جاد وممنوع تدخل المطار
*فامجاد دكتور عمر المقصوده
*هي الامجاد التي دخلت وستدخل المطار
*ايها الناس
*كردنه قال بدفع خمسه وعشرين في الميه من تكلفة ما اسماه الجوهره الزرقاء
*وبقعد خمسه وعشرين سنه
*اسي غير الكلام
*قال بدفع ميه في الميه
*ياربي برضو قاعد مية سنه ؟؟؟
*طيب لو هو قعد مية سنه
*الهلال بي قعاد كردنه بقعد عشرة شهور ؟؟؟؟؟
*لكن ما يضحكني
*انو الموضوع قالوا عند شركه صينيه
*يعني ما اصلي
*يعني ممكن الكشافات تولع ببببق
*وتحرق طوالي
*ممكن الباب ما يفتح
*شغل صيني
*تقليد
*ومعروف انو الصينيين احسن من يقلد
*ما ببتكروا
*لكن بقلدوا ليك الشئ الخالق الناطق
*شكلا بس
*مضمونا بكون اي كلام
*خليهم يا كردنه يقلدوا ليك القلعه الحمراء
*بعد داك يقع بالناس يقع في ناس
*قول قضاء وقدر
*ايها الناس
*الصينيون ممكن يصنعوا ليك لمبه مثلا
*نفس اللمبه بي دولار
*ونفسها بي نص دولار
*ونفسها الدسته بي دولار
*ونفسها المية بي دولار
*حسب قروشك
*باقي ليكم كردنه ده اتفق معاهم علي ياتو لمبه ؟؟؟
*صديقي عماد الطيب
*راجع العقد بوصفك محامي
*وشوف ياتو نوع في اللمبات مكتوب في العقد
*المهم
*داير اقول ليكم شئ
*لكن لمبه
*المره الجايه
*ايها الناس
*علمتني امي
*وقالت لي البمد يدو للرجال بكسر عينو قدامهم
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*بصاتكم الجديده دحين ما طويله شديييييد ؟؟؟
*دي غايتو الا تشتغل الخرطوم بورتسودان يا والينا
*تصل بورتسودان تستعدل علي الخرطوم جمب الميناء
*لكن في الخرطوم الزحمه دي الا تستعدل في الابيض عشان ترجع بورتسودان
*قصوها مدام جبتوها ووكت ما بترجعوها
سلك كهربا
ننساك كيف وممكن نغير شوارع البلد كلها لي بص بدل نغير البص
والي لقاء
سلك
b_silik@hotmail.com