بسم الله الرحمن الرحيم
في السلك
babikir maki [b_silik@hotmail.com]
• العريس فرحاااان
• رغم انو العرس مادافع فيهو ولا مليم
• عملوهوا ليهو الجماعه
• اصحاب العريس
• والعريس اسم الشهره حقو الياقات السوداء
• يعني لو قلت اصحاب العريس وقلت اصحاب الياقات السوداء واحد
• المهم
• قبل العرس بيومين القيدومات بدت
• وجن بنات اهلوا ختن ليهو الحنه الماخمج
• بالمحلبيه والسرتيه
• وايقاع الدلوكه
• والغناء الدكاكيني
• والالحان الجديده
• بعد الربه طلعوا الحنه
• ومسحوها ليهو بالنشادر
• صبحت زي الليل يوم مازيمبي والنور قاطع عااااااااام
• حنة السرور
• اريتها حنة الوليدات لي حدهم
• لكن العريس نقرط
• وقال الحنه دي ماشالت كويس
• وبنات خالاتو مابعرفن يحنن
• لانو صاحبو العرس قبالو بشهر بنات خالتو حننوا حنه زي الليل
• بنات خالات العريس زعلن وقالن ليهو رسل جيب بنات خالات صاحبك يحننوك ويجرتقوك
• خالتي قالت عيب الشوم يا بنات , ولد يحننوا الغريبات ؟ ليه مقطوع من شدره ولا بذاكر في ضو القمره ؟ ليه يعني قبيلتو غريبه ولا بنوم في الزريبه ؟ هووووي ياناس الزول المابقتنع بالحنه بطبقووووها ليهو عشان يآمن
• عشان كده يا صفوه نحن لازم نطبق الحنه للزول المامقتنع
• من نفس الظرف
• الحنه النيجيريه الجيده
• قالوا الجماعه ختفوا التايلندي
• قلت ليهم الزول ده خطير , شدة ما قصير كوره ارضيه يلعبها بالرأس
• غايتو ده الا تمسكلوا بيهو لكن المشكله ما بشيل شريحتين
• غايتو التايلندي ده اسلام قالت لي شفت لي كداره قدروا في بيبي كير
• السنه دي طبعا الترجي حمام ميت
• يوم الاثنين الداير يقابل كلتشي يلاقيهو الساعه تمانيه وتلت مساء عند تقاطع شارع ديمبا مع شارع الانتر غرب شارع خليفه
• والداير يقابل وارقو يلاقيهو في نفس التقاطع الساعه عشره الا تلت مساء
• المرجو عدم اصطحاب الاطفال
• الدافي زي بوليس الحركه تلقاهو في كل الشوارع
• المريخ في ابو ظبي يا محمد عبدالماجد
• المذيع قال في مباراة مازيمبي انو موبوتو رفض الكثير من العروض وقبل عرض المريخ السوداني
• المريخ السوداني
• يعني جابوا سيرتنا في كأس العالم للانديه
• في ابو ظبي يا محمد عبدالماجد
• انتوا الحمد لله ما جابوا سيرتكم
• لانو لو جابوا سيرتكم المذيع كان قال ده مازيمبي الغلب الهلال خمسه في الزريبه
• والخامس من الثوره
• الثوره المهديه ؟
• وكان المذيع قال ومافي فريق سوداني اتغلب خمسه في استادو من زمن السودان كان اسمو ما السودان
• وكان المذيع اضاف انو مافي فريق في افريقيا من زمن كونتا كينتي اتغلب خمسه في استادو
• يعني الحمدلله ماجابوا سيرتكم في ابو ظبي
• تجي ولا نجي يا محمد عبدالماجد ؟
• وانتوا موش قلتوا يا محمد عبدالماجد انو الهلال ماشي يعسكر في ايطاليا
• وموش قلتوا منير امبده ناس الانتر جاريين وراهو
• وموش قلتوا علي الطلاق اسجل عنتر
• وموش قلتوا قلق مسؤليتي الشخصيه
• وموش قلتوا حانعمل استادنا عالمي
• وموش قلتوا ماشين اليابان
• وموش قلتوا ماشين ابو ظبي
• وموش قلتوا شلتوا الممتاز بدون استعانه باصدقاء
• وموش قلتوا جمال الوالي زاتو هلالابي
• هو البقولوهو الناس شويه يا ود عبدالماجد ؟
• انتوا موش قلتوا التقرير راح 000 ضاع 00 ببح 0000 شالوا هوووو
• انتوا موش قلتوا قودوين جاي
• خمسين مره قلتوها والناس سكنت المطار
• الخرفان الوديتوها عشان تضبحوها في المطار لما قودوين يخت رجلو في ارض السودان كان فيهن حمل برضع
• قعد لما بقي خروف سداس وقودوين مارجع
• انتوا القلتوهو شويه ؟
• انتوا موش قلتوا كواريزما بلعب في نيجيريا محترف في فريق هواه
• انتوا موش قلتوا جايبين طرف شمال عالمي وجبتوا ود الحله كابوندي
• انتوا موش قلتوا ما لعبتوا كورة رد الاعتبار في الجزائر عشان ناسكم مصابين
• تيم كامل مصاب
• عنبر العظام يا كافي البلا ؟
• القلتوهو كلو خلوهو يا ود عبد الماجد
• بس قولوا لينا الزول كان بمدغ في شنو ؟
سلك كهربا
آخر يوم لقرعة الحتانه يوم الاتنين
والي لقاء
سلك
