سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• التسجيلات قربت تنتهي
• كل زول عرف البيهو والعليهو
• الا الجماعه
• وقفين يتفرجوا
• راجين هريدي
• سامعين بالقنبله
• ويكوركوا
• طخوا ياهريدي
• وهريدي لا عارف يطخ ولاعارف يجري ولاعارف يعمل شنو
• غايتو هريدي لو داير يتخارج يلحنها
• علي السلم الخماسي
• ما الخماسي السوداني
• الخماسي الكنغولي
• ويبدأ
• اطخ الطخ الطخ
• السح الدحي المبو
• لو المريخ عاوز زول احنا نروح لابوووووو
• بس ابوهو يطلع داقس ومايقول قبضوووووو
• لانو لو كان معانا حاجه كان ادينا الماسكين الجرنان وبيكتبوووو
• وهيييييييييييييييييييييييييييييييي
• انتوا صحي ناس الجريده حقوقهم ما اخدوها ؟
• طيب تسجلوا كيف ؟
• اديكم فكره صعدوا طارق محمد عبدالله وهيثم محمد السيد بدون حافز تصعيد
• وكندشوا اعاره للهرم قسم خالد واللورد ياسر عائس
• قسم يكتب في صحيفة حاجه كولن كولن باشاكا في نيجيريا
• وياسر يكتب في صحيفة قوووووووووووووووووووووووول البوليفيه
• اخجلوا ياناس
• والله ياقسم المابعرف قيمتك بجهلك فعلا
• لكن ليكم في هلالكم العزاء والانتماء
• ولو ماعرفوا قيمتكم
• اذهبوا فانتم الطلقاء
• انفجرت ولا لسه !
• قنبله زي الحبن قافله لي اسي وواجعه اسيادها
• اقول ليكم حاجه
• امسحوها بالمر الحجازي والشاي الاسود وصمغ الهشاب
• يمكن تفتح
• الحبن حاااار
• لكن اهلنا بقولوا الزول البجيهو الحبن جاياهو قروش كتاااار
• تلاته سنين درة شندي ومفاجأة التسجيلات والقنبله
• وماشفنا شئ
• تلاته سنين الحبن يجيكم والقروش تجينا نحن
• القانون اتغير
• تاني لو جارك جاهو حبن ابشر جاياك قروش
• ناس شريط كاسيت ماقادرين يسجلوهو
• وبعد يحتجوا في تسجيلات الناس
• وقالوا كمان استقاله جماعيه
• ياربي استقاله للفشل في التسجيلات ولا لسبب تاني !
• متمسكين باسامه التهاون وخليفه اعتمادا علي قرار فني ولا علي واقع فلسي ؟
• وكت ماقدرتوا علي التجنيس اعملوا التحنيس يمكن ينفع
• المليار في المريخ زي علبة السجار
• وعلبة السجار عند الآخرين ياحليل حجار
• الاخوه اعضاء مجلس ادارة الزعيم
• من كان له فضل ظهر فاليعد به علي من لاظهر له
• يعني لو الجماعه عندهم زول وماقادرين يجنسوهو ادفعوا ليهم رسوم الجنسيه
• ودمغة دعم الشرطه
• ودمغة الجريح
• ورسوم الاورنيك
• وحق المواصلات
• وحق كباية الكركدي البارده من الراجل القاعد جوار الجوازات
• ودعم الطلاب
• ينوبكم ثواب
• الاخوه اعضاء مجلس ادارة الزعيم
• في خانة الارتكاز لدينا لاسانا والشغيل والسعودي والباشا مولف
• راجعوا فكرة شطب الشغيل قليلا
• اديكم سبب تشاكلوا بيهو الاتحاد العام
• قولوا ليييه العجب يتعافي بعد ماقلنا خلاص انتهي !
• كاساروكا بلبس نمره تسعه واربعين
• يعني لو خته الرحمن في قلبوا بجرك خمسين
• بعد موسم الهجره الي الشمال
• جانا موسم الهجره الي الجمال
• من كل دول العالم
• واحدين طالبين حق اللجوء السياسي
• واحد قال لي المعز بجي المريخ ؟
• قلت ليهو احتمال
• قال لي وحايجنسوهو ؟
• ضحكت
• قال لي ماتضحك شداد مابرضي
• قلت ليهو خليناهو خليهم يخللووووووا
• كلتشي في امريكا بالحريره والضريره وخاتي الفركه في كتفو وتقول لي جنسية كلتشي ماطلعت
• يعني يسف حتي تعرفوهو جنسيتو طلعت !
• غايتو كدارة كاساروكا نمره 49 دي الموسم القادم لجنة الانضباط حاتستدعيها
• واحد قال لي صحي كاساروكا جنسيتو ابت تطلع ؟
• قلت ليهو صاح
• قال لي لييه !
• قلت ليهو ماعندنا جنسيات مقاس 49 الا قطع
• قطع ناشف
سلك كهربا
قالوا احتمال تنفجر
والي لقاء
سلك
