سودانايل أول صحيفة سودانية رقمية تصدر من الخرطوم
أخبار أخرى
بسم الله الرحمن الرحيم
في السلك
الحوثيون 5/1000
*في عجلات مشهوره شديد
*فرضت نفسها علي المجتمع
*والتاريخ يحفظ لها الكثير المثير
*ومن القصص والروايات لها مكتبات طويله عريضه
*وهي ذات مساحه واااااااسعه
*وشاسعه في مجتمعنا السوداني
*وفي مثل بقول ركوب العجله ما بتنسي
*دليل علي انها ليست من الاشياء التي يمكنك الاقلاع عنها
*عجلات كتييييره
*عجلات في حياتنا
*وزي ما الاستاذ عمر الجزلي وثق لي اسماء في حياتنا
*دايرين نوثق لعجلات في حياتنا
*عجله الزمن
*ودي بنجيها بعد شويه
*عجلة القياده
*ودي كان قعد عليها اشتر
*بكب ليك الناس طوالي تحت الانقاض
*في العجله الندامه
*ودي الله بيننا وبينا
*وعجلة الايجار
*عجلة الايجار زي تلفون (الكول بوكس )
*ماعندك ما بتسوق
*عندك تمشي معاك قدر ايجارك
*تأجر ساعه تمشي ساعه
*تأجر نص ساعه تمشي نص ساعه
*زمااااان
*لما كنا صغار
*كنا بنأجر العجلات من عبدالدائم سكنيت
*اخوانو عبدالقادر سنكيت
*وعبدالله سنكيت
*وقدر ما نسيت او تناسيت ماممكن تنسي سنكيت
*المهم كنا بنأجرها بالزمن
*ونتأخر في رجيعها
*اول ما نجي
*عشان ما يلفها معانا
*بنقيف بعييييييييد
*ونكورك ليهو
*عبد الدائم
*لما يتلفت علينا
*نجدع ليهو العجله ونجري
*اصلها عجلة الايجار بعد تقضي غرضها بتتجدع
*عشان كده كلو يوم باجرها زول
*للبدفع ياعمك
*وعجلة الايجار اثرت في بعض الناس
*في ناس عجلات ايجار
*شغلهم كده
*المهم
*كلنا اجرنا عجلات في صبانا
*ويخيل لي اشهر الناس الاجروا عجلات الايجار من مشاهير المجتمع
* الارباب
*ثم البرير
*ثم كردنه
*والعجله تنقاد اليهم طائعه مختاره طالما دافعين حق الايجار
*ياربي البأجر العجله الدور الجاي منو ؟؟؟؟؟
*اما عجلة الزمن فتدور وتدور ولكنها لاتتجاوز الوقائع
*بل تحفظها وتحتفظ بها
*عجلات كتار في حياتنا
*اشهرها عجلة الايجار
*المهم
*اتمرنا امس في انجولا
*الروح المعنويه في السماء
*والاصرار ديدن الاولاد
*غرزه شاطر
*يعرف كيف يعود بالتأهل
*ليفتح صفحة الترجي
*الدعوات الصالحات ينتظرها المريخ من الشفوت
*ودعوات الشفوت مجابه طالما كانوا مؤمنين وبارين بامهاتهم وينعمون برضاهن
*والعاق ما يرفع ايدو لي ربو
*ينتظر عذاب الدنيا والآخره ويبقي قدرو
*في الايس كريم يلقي العضم
*انه الشقاء
*شقاء العقوق
*والعياذ بالله
*ايها الناس
*علمتني امي حديث الرسول الكريم عليه افضل الصلاة والتسليم
*قالت لي النبي قال
*امك ثم امك ثم امك
*حبيبي يا رسول الله
*المهم
*قال ليك كترابه زي الكترابه جات السعوديه امس
*ومشت علي اليمن
*الحوثيون الا يجروا
*الكترابه شديده
*وكترابة ميدان عقرب برضو قايمه
*فيهو صيانه
*اليومين دي الموضه صيانه ملاعب الليق
*وفرق الليق معروفه بي سيماها
*سيماها الصفر الدولي
-*فمبارحة الصفر تعني الترقي من الليق
*والقعاد في الصفر بثبتك في الليق
*والليق الليق يا (عمك)
*المهم
*فطومه اختي
*قالوا لي الموضوع طلع كذبة ابريل
*لكن ما تعتمدي علي القصه دي
*تبقي عليك قصة محمود (الكذاب)
*هجم النمر هجم النمر
*لمن يهجم جد جد في مايو
*ولا في كذبة مايو برضك ؟؟؟؟
*ايها الناس
*الاهله الشرافاء اخواننا
*وطالما ناديهم مكسر وهم مكسرين فيهو
*شخصيا متبرع ليهم بجزء من بيتنا
*في العرضه شمال
*فيهو غرفتين خلف خلاف وحوش كبييييييييييير يجي ستمية متر
*بشيلهم براحه
*ومافرقت كتير
*اصلو النادي البكسروا فيهو ما ازيد من غرفتين خلف خلاف
*مستنيكم يا استاذ ماجد
*الشجره كان وقعت بتقع في اختها
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قدر ما نفتح التلفزيون اللينا
*نلقي حرب يا والينا
*نغير القناة برضك ضرب يا والينا
*نغير تاني انفجار كبير حولينا
*نجيب الرابعه يا والينا
*تبادل نيران بين اللينا والعلينا
*نغير اتجاه الطبق يا والينا
*ضبيح شديد يجينا
*ريسين مجدعات والجثث حولينا
*في ادلب براميل تنفجر في اهالينا
*وفي ريفي حلب حريق شفع يافعينا
*وفي كينيا تبادل نيران كثيف كمل الفينا
*وفي ليبيا لسه اطراف النزاع مدورينا
*في مصر الجيش قرض الناس وكمل في اطراف سينا
*في العراق ماتوا اجمعينا
*وفي اليمن اهو منتظرين وقاعدينا
*تونس الخضراء بقت حمراء غيروا تلوينها
*في الجزائر المليون شهيد بعدهم مليار جاهزينا
*كرهنا الديجيتال والال آند بي والشاره الحزينه
*ديجيتلكم برضو بجيب كده يا والينا ؟؟؟؟
سلك كهربا
ننساك كيف ولو طرشق لستك نقول ..امك ,,,جونا
والي لقاء
سلك
b_silik@hotmail.com
