سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• بداية طيبه بعد احزان عميقه
• هديه اولي لذكري الفقيد
• حاتكتر الهدايا
• معا الي كأس افريقيا
• والسوبر
• والعالميه للانديه
• العالميه للانديه قايلنها وكالة سفر ولا شنو !
• المهم
• قاعد اتونس مع خالتي
• قلت ليها جمهور الهلال جاب بطولة جويه رسميه من الكاف
• قالت لي عقبال الهلال
• الهلال الفريق
• الفريق العريق
• متين يقدر يجيب بطوله دوليه رسميه من حقات الكاف
• لا سمايه
• ولا ختان اولاد الشريف
• قلت ليها الله بدي الجنه
• والله الم العمليه طير الكلام من راسي
• وكان ما اخاف الكضب اقول طير باقي الشعر من راسي
• الم شديد
• اسي العمود ده بكتب فيهو باللفت
• هو اي زول بلعب باللفت !
• كدي دردقوها ليهو كان ماقعد ساااااااي اضحكوا فيني
• هلالابي لذيذ
• قال لي انت قلت امولادي سفروق ؟
• قلت ليهو نعم
• قال لي سفروق بعمل شنو ؟
• قلت ليهو تفكو يمشي ويجيك راجع كان ماعملت حسابك بعوقك
• قال لي كان كدي السفروق رئيسنا ده , يمشي ويجي علي كيفو
• قلت ليهو انت القلت
• انا مصر جدا
• تطور الكوره في البلد دي في صافرات الحكام
• اذا وظفوها لحماية المواهب وتحقيق شعار اللعب النظيف
• حماية الموهبه مسؤلية الجميع
• اينما كانت تلك الموهبه
• ليس المهم ان تكون بفريقي القمه
• الفرق الاخري بها مواهب كثيره
• وصغيرة السن
• حمايتها كحماية السلام والتنميه
• مهمه جدا
• الرائع بدرالدين الفاتح سمي كاس جمهور الهلال بكأس النظافه
• لكن يابدر النظافه دي بتتبع اداريا للنفايات ولا وحده براهاهاهاها
• بالمناسبه
• بطولة كاكي الحققها اول امس دوليه وجويه ورسميه
• ما بتاعت سمايه
• سمعنا بصور الراحل ايداهو بعد التشريح تتجول في الموبايلات
• ياربي تم التشريح ( كيري )
• وهل يمكن تسريب التشريح او تقرير التشريح !
• دي مشرحة شنو دي !
• معقوله تصل بنا الفوضي لهذه الدرجه ياناس !
• نعلم ان المتوفي الذي مجهول الهويه يتم تصويره للاعلان عنه حتي يتعرف عليه اهله خلال فتره معينه ليتسلموا الجثمان ليحسنوا مواراته ووداعه
• ولكن هل كان ايداهو مجهولا يا ايها الناس !
• عديم الاهل !
• يصور داخل المشرحه في كل الاوضاع واهله يقفون علي جدار نفس المشرحه بالالوف !
• وهل تصوير اداهو ميتا يساعد علي التوصل الي الحقيقه !
• الناس لم تك متشككه في موته من عدم موته
• الشك كان في سبب الموت
• هل دلت صوره وهو علي النقاله علي سبب الوفاه !
• لاحوله ولاقوة الا بالله
• بالمناسبه
• المرافعين وين
• اخبارها مقطوعه
• انشاء الله المانع خير
• الخبر وصل بالموبايل
• الصور حايمه في الموبايل
• التسجيل يتم بالموبايل
• الله يقطع الموبايل
• واحد حاقد جدا
• قال لي كورة المريخ والنيل انتهت كم ؟
• قلت ليهو تلالالالالالالالالاته للمريخ
• قال لي كده ناس النيل ختوا في الكشف
• قلت ليهو عقبال ما تختوا انتوا في الكشف (دبل )
سلك كهربا
لن ننسااااااااااااااااااااااااااااااااك
والي لقاء
سلك
