سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• قال لي الدنيا كلها قايمه وقاعده قالوا المريخ فاوض لاعب الميرغني
• وقالوا الكلام ده غلط كبير من المريخ
• ونفس الناس لما الارباب صرح باتفاقه مع اتنين من اللاعبين وفيهم واحد قومي قالوا خيرا فعل الارباب
• يعني عليهم حلال وعلينا حرام !
• قلت ليهو يا ابو شيبه علينا برضو حلال
• يعني علاء الدين يوسف ده فاوضوهو في لاهاي !
• كان لاعبنا ولاعب الفريق القومي
• وكان ضمن بعثة الفريق القومي لدي اثيوبيا
• يعني مفاوضات نهي انتقادات منكم
• خلونا من الفارغه
• مصر
• جنس عصر
• انجولا كيف !
• الجزائر برضو هناك
• نكلم ليكم الامن السوداني يمشي يحميكم !
• المدينه الرياضيه يا والي
• وبعدها نشوفك رئيس لجنه اعادة تأهيل استاد المورده واستاد الخرطوم واستاد التحرير واستاد الحصاحيصا واستاد رفاعه واستاد الزريبه القريبه
• الزعيم يبني والناس تستمتع
• كامبوس ماسوووره
• بس سانتوس بنيو لوك
• الزول ده وكت عرس بتو مارجعوا بعد ده شلخوهو وادوهو الكسره
• ود الحله ياربي في الكنغو لسه بتفرج في موبوتو !
• قالوا كشافاتنا سحروها
• قلت ليهم (تبري )
• انتوا قايلنها بتطفي
• ده موديل حديث بنوم ويصحي بالمواعيد
• وين شمعتي الضوايا !
• ناس كتار اخرجوا اليوم رائعا
• كل من كان بالاستاد
• الا المصريون
• كانوا محنطين كاجدادهم
• وقالوا حنطناهم نحن
• الجماعه بعد كورة المورده اقتنعوا انو البطوله لها اسباب الا الجداره
• قال لي شربتوا المصريين
• قلت ليهو المصريون شربوا روحهم
• قال لي كيف ؟
• قلت ليهو الشوط الاول شايتين من الجنوب للشمال والشوط التاني شايتين من الشمال للجنوب
• شوف النحسهم شنو ؟
• عمل كبير وجميل قامت به لجنة الدار
• لكنه لم يجد حظه الكافي اعلاميا
• لانه تزامن مع الاستعدادات لموقعه( يا لهوي أتلونا )
• المتلفتون من الاعلام المصري جروا واطي
• ونحنا لابنسامح من تفلت لا للشعب المصري من طرف بنعادي
• لكن بنقول للكذابين اقعدوا غادي
• ومرحب بكل مصري صادق الاحساس يأتينا فارد الايادي
• قالوا في 350 مصري ما رجعوش مصر
• تعالوا فتشوهم في سوق الديم بكونوا شغالين سراميك وجبص
• السد العالي لم يقطع علاقتنا بمصر ولا علاقة مصر بنا
• يبقي الاعلام المنفلت لن يستطع ان يفعل ماعجز عنه السد العالي
• ولن يستطع ان يقطع حبل ود امتد ملايين السنين
• افتل يا فرجاني وانا افتل ويبقي الحبل الرابط بينا حبل تيل
• هاله صدقي تاني مسلسل فيهو انت الا تحضريهو براك
• تاني المدينه الرياضيه ياوالي
• قالوا تاني في 100 مصري ما لاقينهم
• قلت ليهم فتشوا الحتانه
• قولوا في الحتانه وااااحد 000 وااااحد
• لو قلتوا خمسه ما بجوكم المصريين
• بجوكم السكنوا الحتانه مربع خمسه حي موبوتو
• المربع الخامس ده بعيد خلاس
سلك كهربا
الناس في جنوب افريقيا ونحن براااانا في الحتانه
والي لقاء
سلك
