فيلم جاسوس .. بقلم: بابكر سلك

بسم الله الرحمن الرحيم

في السلك

•    اليومين دي المتابع لاعلام العدو المشترك بلاحظ حاجه
•    كل الآله الاعلاميه بتاعت العدو المشترك تتحدث عن ان النفطي يرسل معلومات عن الهلال لي ناسو
•    وكل الهاله الآعلاميه ( المعموله في الفارغه ) تركز علي المعلومات النفطيه
•    وفي ناس زادوا الموضوع مويه شويه
•    تحدثوا عن مخابرات مرابط
•    تقول مرابط في الكوماندوز الامريكي
•    ساطوا الموضوع زي مادايرين
•    كأنوا ناس تونس مابعرفوا فريق الجماعه ديل
•    ولا عمرهم سمعوا بيهو
•    وكأنو  الجماعه ديل ليهم من الخطط والتكتيكات الكثير
•    ويقوم النفطي بافشالها لي ناس الصفاقسي
•    قلت ليكم الجماعه ديل كتروا المحلبيه شويه
•    قال ليك النفطي قال ليهم حوش البلديه شمال استاد الجماعه
•    طيب اسي ناس تونس بستفيدوا شنو من المعلومه دي ؟
•    هم عارفين من قبل انو بتاع المحليه جمب حوش البلديه
•    دي مادايره جاسوسيه نفطيه  
•    ولا معلومات مرابط بالثغور الفارسيه
•    لكن بيني وبينكم
•    شنو العارفو النفطي وماعارفينوا ناس تونس
•    اصغر طفل في تونس عارف الجماعه ديل رقمهم خمسه وخمسين خمسه وستين تلاته وخمسين
•    الطفل البرضع في تونس عارف الخمسه يوم ترباس شرب
•    والسته العصريه
•    والخمسات التانيات
•    وخمسة مازيمبي كانت منقوله علي الجزيره
•    والتوانسه كانوا بتفرجوا
•    يعني النفطي ده يوريهم شنو اكتر من الهم عارفينوا ؟
•    ياخ قال ليك طفل تونسي برضع
•    شاف كورة الجماعه في التلفزيون
•    قعد يكورك ساكت , ساكت
•    انا ضعيف في الرياضيات بالفرنساوي  
•    ماعارف ساكت دي يعني كم
•    لكن الشافع كان فاتح اصابعينو الخمسه
•    لكن قاصد كم ماعرفتو
•    لانو كان فاتح اصابعينو الخمسه بالفرنساوي
•    المهم
•    اعلام العدو المشترك ايقن ان سلاح الاعلام اقوي من سلاح الاقدام
•    لكن هل يقتنع بذلك الاخوه العرب  في شمال القاره الافريقيه !
•    نعيش ونشوف
•    المهم
•    قال ليك في كورة افريقيه جابوا ليها حكام هجين
•    قال ليك حكم الوسط ورجل الخط البي هناك من موريشيوص
•    ورجل الخط البي جاي من كينيا
•    اها
•    حكام موريشيوص طبعا ناس عشره
•    وبخدموا الزول البزورهم قبل الكوره
•    وما بحبوا الناس البجوا الكوره طوالي قبل ما يزوروا موريشيوص
•    اها قال ليك الكوره كانت بين فريقين واحد فيهم زار موريشيوص قبل الكوره
•    والتاني مازار موريشيوص قبل الكوره
•    اها
•    قال ليك الفريق المازار موريشيوص قبل الكوره جاب قون
•    قون صحييييييييييييييييييييييييح
•    الحكم طبعا من موريشيوص
•    زول عشره وعلاقات
•    لا صفر قون
•    ولا صفر ما قون
•    قال في سرو اتخارج كييييييييييييييييييف !
•    عمل حركه في شكل ورده
•    جري علي رجل الخط البي جاي
•    المن كينيا
•    قبل يصل رجل الخط
•    رجل الخط جدع الرايه وجري
•    قال للحكم اوعك تصلني
•    داير تعدها عدها
•    ماداير تعدها ماتعدها
•    بس ما تدخلني في الحته دي
•    رجل خط عاقل
•    المباريات بقت متلفزه
•    منقوله علي الهواء
•    ومافي شئ بندسه
•    والعالم اصبح قريه صغيره
•    وكلام الناس كتر
•    بالمناسبه
•    ليه كلام اعلام العدو المشترك مركز علي النفطي والمرابط كتوانسه جواسيس؟
•    ليه ما قالوا بن ضيف الله ؟
•    اظنكم عرفتوا السبب
•    السبب وااااااااااااااااااضح
•    وضوح ضربات جزاء نيل الحصاحيصا
•    الراحت سااااااااااااااااااااااااااااااي
•    لكن العدو المشترك ده مشترك في عداوتو منو ومنو ؟
•    حقو واحد من المشتركين يبيع للتاني
•    او يبيع روشا
•    حلاة حبيب 2011 بالاحمر والبلد بالاصفر
•    بيع ياروشا
•    بالمناسبه
•    الاستاذ رمضان قالوا في لندن
•    موش ملاحظين قبل اي كوره مهمه الاستاذ بمشي لندن
•    ويوم الكوره بنشروا في الصحيفه مصر المؤمنه
•    ياربي لندن دي شخها منو ؟
•    يكون من اولاد مستر كلارك ولا شنو ؟
•    كدي يا ابو بكر عابدين فتش لينا شجرة عائلة الريس كلارك
•    يمكن يكون فيهم ولي في لندن
•    ما تستبعد
•    ربك يهدي من يشاء
•    لندن باللا ؟
•    قلت لي اسلام رمضان في لندن
•    قالت لي  اليوم طويل هناك , لكن باذن باذن قرب , كان ماعندو آبري رسلوهوا ليهو بالاكس
•    قلت ليها يابتي تبقي علي الاستاذ غربه وآبري احمر !  
•    قالت لي ناس التاج ديل بلعبوهم ليه !
•    قلت ليها عشان لو في اي سيك ميك يقولوا بالصف التاني
•    يوسف محمد الماسوره
•    ملحوظه
•    اقوي الافلام الجاسوسيه علي السينما التونسيه
•    ماتفوتكم الفرصه
•    دش ناااااااااااااااااااااااااااااااااااااااااااو
•    تيشنج 000 تيشنج 000 تيشج

سلك كهربا
               ننساك كيف والبلد اتملت جواسيس
والي لقاء
سلك
babikir maki [b_silik@hotmail.com]