سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• امس شفنا كورتنا ضد سانت جورج
• الشاشه مقسمه الي تلاته اجزاء
• الجزء الاول فيهو راس كبييييييييييييير
• مغطي دفاعنا وحارسنا وجزء من اديس ابابا
• راس كبير
• غايتو الراس ده لو كلو مليان مخ يبقي صاحبو عبقري
• عالم عديل كده
• الجزء التاني شامبيون
• الكوره تطلع من الراس القبيل تدخل في قارورة شامبيون
• وفنايلنا خضراء
• الكوره زاتها راسها لفه
• لحقت فييرا يوم داااااااك
• يوم العصير
• الجزء التالت من الشاشه كاب ابيض كبييييييييير
• سيد الكاب الابيض كمان لابس نضاره
• ماقاعد في الواطه
• بعد قون السعودي ظهر نميري شلبي خلف المرمي شايل كمرتو ولابس بالطو
• البالطو عندك يا شلبي
• شده لاخوك لو جاتنا سفره
• ماتقول لي البالطو اقصر منك
• بتمو مويه
• بختك ياشلبي
• قول كمرتي جويه
• اليومين دي في موضة اسمها جويه
• اي شئ يقول ليك جويه
• حتي لو ادوك ليها هديه قول جويه
• جويه بالجا ؟
• يامزمل انا بشجع المواهب
• داير احتفل بكأس فهيمه
• اخير فهيمه جابت كاسها بعد جهد كبير ومستوي فني عالي امام منافسين لايقلون عنها في المستوي
• مافيهم زول دخل المنافسه اختبارات سااااي
• الله يجازيك يا انتاكا
• اها
• قلت لخالتي الجماعه قالوا جابوا كاس جوي وفرحانين شدييييد
• قالت لي شده وتزول
• تاني الراس الكبير ظهر
• غايتو سيد الراس ده لو مشي الحلاق الحلاق يشتغل تلاته يوم
• بدل المكنه يجيب تركتر
• ياخ راس مغطي اديس ما ظاهر منها الا با بتاعت اببا
• الزول ده لو ادوهو عصير فييرا داير ليهو برميل عشان الراس الكبير ده يلف
• اسلام حضرت معاي الكوره
• قالت لي الفنيله الخضراء دي شنو ؟
• قلت ليها تقولي شنو ؟
• الحال ماعجبها
• قالت لي ده شنو ؟ الحكايه دي ماظابته , الحكايه دي من شنو ؟
• قلت ليها من الخضراء , الحمراء بتاعتنا اخير, بتعرفنا وبنعرفها
• فنيله خضراء ! معقوله
• شاهدت الشوط الاول
• لم اتشجع لحضور التاني
• لسه
• الكلام داير شغل كتييير يا كوتش
• النفطي يجب ان يلتحم بقوه
• وارقو لم يتخل عن سلبية المراوغه الغير مجديه
• سلبيه كلتشيه
• شكل محدد للفرقه لم يظهر
• بتاع شامبيون ده الكوره كلها يشرب تقول لاعب معاهم
• النفطي حقو يعرف اننا ما بنحب اللعب الكعب ولا اللعب بالكعب
• والله زول شامبين ده بتشقه
• لي اسي بشرب
• ياسلام علي الزمن الجميل
• الفريق الاثيوبي فيهو لاعب وسط بالاصفر والاحمر و( التفه ) جمال ابو عنجه بس
• اسلام قالت لي اسي الفريق الاثيوبي ده فرقوا شنو من حمام بن ياس ؟
• قلت ليها ديل مفلسين وديك مغندلين وكرماء وجنهم يدوا الناس هدايا
• طبعا في ناس انطباعيين يحبوا لاعب اصلوا مابشوفوا غلط منو
• يكرهوا لاعب لو غلب بن ياس يقولوا ليك ده خليفه ساااي
• واحد من الجماعه ديل مابحب حافظ
• وطوالي بقول لي الكلام ده
• انا بقول ليهو اصبر عليهو
• وهو ما داير يصبر
• وحافظ ماداير يسترني مع الزول ده
• اها 000 في كورة اثيوبيا قاعد معانا الزول داك
• قام حافظ استبسل وانقذ هدف محقق
• الزول قال لي يا سلالالالالالام , الحارس ده منو
• عاينت ليهو جوه عينو 000 وقلت ليهو ده حافظ
• قال لي والله موش لو قبض كوره 00 لو قبض بن لادن كعب
• الشوط التاني بدأ
• وبتاع الشامبيون مازال بشرب
• الزول ده ما بروي ؟
• كان دايرين كلامي
• الخضراء دي خلوها في اديس
• وتعالوا للحمراء وشراره
• الخضراء قربت تطش بينا
• ربك رب الخير ستر
• ايداهو لعب للنفطي باص قووون
• بتاع شامبيون جا ناطي ضاري النفطي وحرمنا من هدف مؤكد
سلك كهربا
فليعلم الجميييييييع 0000 لن نتحمل اي حتانه في هذا الموسم
والي لقاء
سلك
babikir maki [b_silik@hotmail.com]
