كمونية في ميدان عقرب .. بقلم: بابكر سلك
16 فبراير, 2015
منشورات غير مصنفة
20 زيارة
بسم الله الرحمن الرحيم
في السلك
b_silik@hotmail.com
*لن نتخطي عزام بالامنيات
*بل بالعمل الجاد
*اي زول يقوم بي واجبو كاملا
*من المجلس مرورا بالجهاز الفني والاداري
*اللاعبون لازم يعرفوا قصورهم
*لان قصورهم مع المريخ لايشبه قصورهم التي بناها لهم المريخ
*والجماهير
*معركة العبور بطها الجمهور
*نقوم بي واجبنا كاملا
*نحن في خضم الحرب
*لاينفع التباكي علي اللبن المسكوب
*ولا ينفع الندم
*ولا ينفعنا ان نسب اسلحتنا ونتخلي عنها
*مهما كانت هي اسلحتنا
*يجب ان نكسب المعركه
*بالسلاح المتح
*وبالعزيمه
*وبالتخطيط السليم
*ايها الناس
*المجلس عليه دور كبير جدا
*الحرب استراتيجيات
*ويجب علي المجلس ان يسخر جميع الامكانيات والاستراتيجيات للزعيم
*حكاية نتأهل علي حساب عزام
*قصة لايمكن ان نتناقش فيها
*مهما كانت التضحيات
*مهما كانت الامكانيات
*لابد وان نتأهل
*وعندها
*نجي نتحاسب ونفتوا ونحتوا
*لكن الآن
*لاوقت للتباكي ولا لليأس ولا للحساب
*واعادة النظر في اشراك ضفر دايره وقفه يا محسن
*لانريد ان نصدق ما يتناقله الناس
*ولكن ثقتنا في محسن وغارزيتو
*ثقه لاتحدها حدود
*اللهم الا اذا قرروا هم ان يفقدوا هذه الثقه
*ايها الناس
*خسرنا بهدفين خارجيا كثيرا
*وامام فرق اقوي من عزام
*وعدنا وتأهلنا من الخرطوم
*فاطيما قبل كده غلبنا تلاته في بلدو
*ولكن في بلدنا هرب من الشوط الاول
*الغزاله التشادي هزمنا اتنين في بلدو
*اخد خمسه في القلعه
*وكانون وغيره
*يبقي التعويض وارد
*والتأهل مضمون
*ولكن ليس بالاماني
*فالامنيات لاتتحقق لوحدها
*يجب ان نحول الامنيات لاهداف
*ومن ثم نعمل لتحقيقها وتحققها
*فتتحقق اهدافنا باهداف في شباك خصومنا وفي قلوب اعداء نجاحاتنا
*تقرير المصير في يد الجماهير
*نتحد من اجل مريخ لا من اجل اشخاص
*فعلي الذين يعرقلون المسيرة من اجل اشخاص ان يبتعدوا عنا
*وعلي الذين يدعمون المسيره من اجل اشخاص برضو يبتعدوا عنا
*من يريد المريخ حبابو
*ودي ايامو
*ومن يريد المناصب او الاشخاص
*ماحبابو
*ودي بالذات ما ايامو
*المهم
*من حق اخوتنا الاهله ان يداعبوننا
*ومن حقهم حتي ان يفرحوا لهزيمتنا
*ولكن ليس من حقهم ان يفتكروا انهم كويسين
*وانهم هزموا سبع البرمبه
*ومن حقهم علينا ان نناصحهم
*كمونية زنزبار ليس فريق
*وزي ده في ميدان عقرب في كتاااااار
*وحتي الهلال زاتو كعب
*وبرضو زيو في ميدان عقرب في كتاااار
*ولكن حظ الكيشه هو الدفع القرعه عشان ترميهم مع كمونية زنزبار
*وقد\ يكون الاتحاد الافريقي وضع الفرق بالمستويات
*خت كمونيةالدول كلها في عفشة قروب واحد
*وبي كده يضمن كمونيه تقابل كمونيه
*لكن لو القرعه دي وضعت كمونية زنزبار ضد المريخ او الاهلي القاهري او الترجي التونسي او اي فريق من الفرق المسجله في لوح الشرف الافريقي
*كان الكورةالاولي بتنتهي اربعين صفر
*والتانيه تسعه وتلتين صفر
*ولو وضعت القرعه الهلال مع واحد من اعضاء لوح الشرف الافريقي
*كان الرماد كال حماد هنا وهناك
*لكنه حظ الكيشه
*مباراة تسعين دقيقه
*فريقين ما يسوقوا فيها هجمه منظمه واحده!
*القون الاول طفيشه ودخلها المدافع
*القون التاني لحق السوق
*والكمونيه واقفه تتفرج
*متوي فعلا
*خلاصة القول ان كمونية زنزبار في زيها في ميدان عقرب كتير
*وفي ليق امدرمان
*وفي ملعب العلمين الزيهم بلعبوا يوم الجمعه بالسراويل
*حظ غريب
*ايها الناس
*نقاتل من اجل التأهل
*وياحلاوة التأهل لما يجي بي صعوبه
*ببقي طعمو غير
*بجي بعرق الجماهير
*وبشطارة الاداره
*ايها الناس
*ماحدث بتنزانيا يشبه ماحدث يوم الصفاقسي
*والسكوت عن المسكوت عنه لما يكتر ببقي جبن وخوف
*اعلنها لكم
*نفس السلاح استخدمناهوا من امس
*والتبقي تبقي
*مافي شئ صعب
*والبادئ اظلم
*ايها الناس
*اكررها لكم
*الجمهور هو سلاحنا للعبور
*وبعدها
*نتحاسب ونتناقش
*الآن
*كلنا خلف الزعيم
*نقدم له فوق لي طاقتنا
*نبعد عن المشاكل والاشكالات
*اي زول في مجالو يقدم
*والسبح بدت تطلق ايقاعاتها المميزه
*اي زول ممكن يساهم من موقعو
*لنكسب الموقعه
*لنكسب الحرب
*لنثبت لليأس ان لامكان له بيننا
*ونحنا ناس الحاره
*شقووووووووووووووووووت
*صفا
*ايييييييييييييييييييييييينتباه
*للامام علي العدو مقدم مارش
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*معقوله !!!!
*طيب ليه !!!!
*مهما كان السبب
*الشفافيه موش مطلوبه ؟؟؟
*طيب في شان شنو وعشان شنو ولييييييييييييييييه ؟؟؟
سلك كهربا
ننساك كيف ومامعروف ليه
والي لقاء
سلك
سودانايل أول صحيفة سودانية رقمية تصدر من الخرطوم
