سودانايل أول صحيفة سودانية رقمية تصدر من الخرطوم
أخبار أخرى
عشان نقصر المشوار
ونغير الأحوال
ونزيل الظلم
لازم نمشي
في درب النضال
بجد
لآخر حد
عشان نملأ
الدنيا أمن
وأمان
ونشعل مصابيح الحياة
فوق كل شارع
ومصنع
وبيت
ونحرر قصر الشعب
من كل ظالم
وقاتل
وسارق
وخائن
يبقى وطن حر
أفق أخضر
واعد
بالخير
لا جوع
لا جهل
لا فقر
لا ظلم
لا جبروت
لا دجل
لا خيانة
لا نفاق
لا فشل
لا حروب
لا دماء
لا دموع
وطن شامخ
مثل النيل
والنخيل
والأبنوس
تأتيه العصافير
في الصيف والخريف
على جناح الشوق
تلقاه ثابت كالجبال
يقاوم عصف الرياح
وجفاف المواسم
لا هان ولا إستكان
ولا نسى سره المدفون
في عمق الماضي
الذي لبى نداءه
الثائرون
في ديسمبر الميمون
شعارات
وهتافات
شقت جوف الليل
سبرت عمق الأشياء
صارت وهجاً
ومطراً
روى عطش الأرض
وإيقظ ذاكرة الطين
المروية
بدماء الشهداء
وعرق الغلابة
لازم نتحد
ما ننخدع
بشعارات الكذب
والوهم والسراب
ما في
قاتل
وسارق
وفاسد
باع ضميره
بوسخ الدنيا
بحقق عدالة ✌️
2022/12/26
الطيب الزين
Eltayeb_Hamdan@hotmail.com
