سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الفين وعشره دي معانا زي تلاتين عشره
• سمعنا بي سنه كبيسه
• لكن سنه زي دي ماشفنا ابدا
• سنه (مخستكه )
• دخلت علينا بالساحق والماحق
• برغم اننا ماقصرنا من اعداد العدة في شئ
• حاجات بسيطه بس الماعملناها
• مثلا
• مامشينا الخرطوم نيالا (حي الرياض ) تلس وبالعكس
• لكن برضو نقول قد ينعم البعض بالبلوي وان عظمت
• ونحنا بلاوينا في سنة تلاتين عشره دي كتيييره
• وبرضو نرجع نسميها سنة الزكاه
• اخرجنا الزكاه من كل العروض
• زكاة المحترفين كان ايداهو ( اريت لو كان غيرو )
• استغفر الله
• ولكن رحيله كان مثل قرابين النيل التي تقدم للنيل في ذلك الوقت
• يختارون اجمل الحسناوات قربانا للنيل
• ويخلوا الشينات البقطعن الخميره من العيش
• فكان ايداهو الزكاه
• وزكاة النقاط اخرجناها للفقراء والمساكين والمحتاجين
• فكانت الهزيمه من فريق
• مجلس ادارتو مختلف
• فنايلو كل واحده من بلد
• مدربو ما مستقر
• حالتو بالبلا
• واخرجنا زكاة الانجازات الدوليه
• فخرجنا من بطولة الابطال علي يد الترجي
• باخطاء مشابهه للتي تحدث مرارا
• ومن نفس البشر
• واخرجنا زكاة اللاعبين
• فكانت اصابات تدعو للشفقه
• طمبل , كلتشي , وتبعهم غاسا وقبلهم العجب وغيرهم
• واخرجنا زكاة المال
• كلها شالها النفطي
• ومشي يعرس
• يانفطي مبروك عليك
• تاني ماتجينا
• باقي القروش خليناها ليك شوبش
• ختها في الحنه باسم المريخ
• وبيت مال وابو روف يانفطي
• زماااان قلنا ليكم
• النفطي لعاب
• ولكنه يلعب للاستعراض فقط
• ولنفسه
• ولا يخدم الكره
• بنفسه
• يبقي لعاب ما لينا
• لعاب لنفسه
• الطبيب يقول مامصاب
• والنفطي يقول مصاب
• وفي الاخر اتضح موضوع العرس
• النفطي يا دكتور يا امريكي عندو مرض حامد
• طبعا انتوا في امريكا ماعندكم مرض زي ده
• المافي شنو والمعدوم شنو !
• في ناس قالوا المجلس يستقيل
• طيب
• المجلس قصر في شنو ؟
• ياناس
• البقولوا المجلس يستقيل حقو يدوهم المجلس
• يديروا النادي هم براااهم
• انا خايف مضاد حيوي سااااااااي ما يقدروا يوفروهوا
• ياناس اتقوا الله ربكم
• ولاتتناولوا المريخ لشئ في نفس يعقوب
• نعم انهزمنا
• والصحيح هزمنا انفسنا
• لاننا نبقي علي لاعب مثل الباشا في الكشوفات
• هذا اللاعب لايشبه المريخ
• مع احترامنا له
• نفس الاخطاء
• ونفس عدم المسؤليه
• ونفس البرود في الاداء
• كأن الامر لايعنيه
• نحترمه
• ونحترم ميول اسرته
• ونحترم مريخنا
• ونودعه في رعاية المولي
• ومايقال عن الباشا يقال عن سفاري
• كاريكا ماجاب قون في (البلي استيشن ) ولا في الاتاري ياسفاري
• نحترم لك العشره
• ولكن مصلحة الزعيم اولي يا سفاري
• محمد كمال
• جلس احتياطيا لاي حارس مرمي تم تسجيله بعده
• ويتم شطب الحارس لعدم الكفاءه
• يبقي الاحتياطي اولي بالشطب
• ولو كان مصطفي بتاع السنيه مامصاب كان ود كمال قعد احتياطي
• ايا كانت اسباب الهدفين محمد كمال شريك فيهما
• تمر الكره من تحت يده مر السحاب دون عجل
• هدف جزيرة الفيل
• الا يشبه هدف الهلال التاني ياسفاري ويا محمد كمال ويا الباشا ؟
• من يهزم من فنيله وامبده والتهاون وسامي لا اظن ان الشطب يحزنه
• وارقو
• زي سكين الزول الشايله لليوم الاسود
• الم يحن اليوم الاسود يا مستر استيفن !
• نلقاك متين يا فرده !
• من لايشبهنا لايلزمنا
• ونحن صفاتنا واضحه
• الغيره
• القلب الحار
• الاصرار
• العزيمه
• سامعني يا باشا !
• شايف الاباب في حبيب البلد لابس خاتم احمر
• يكون ( ميد ان نيالا ولا تلس ياربي )
• واحمر بالذات ليييييييه !
• قال لي الدعيع لاعب بعين واحده ومابشوف
• قلت ليهو ماضروري يشوف
• طالما الفكي شايف
• عوجه مافي
• الغلابه فرحوا فرح هستيري
• لانهم مامصدقين
• وفرح الغلابه دي كتبتها في النخبه بداية الالفينات
• غلبونا ولكن شلنا الكاس
• وفرحوا فرح هستيري
• وهتفوا الدوري مسيخ يا مريخ
• التاريخ يعيد نفسو
• سألت خالتي
• قلت ليها
• معقوله كريمات قدر ظروفك تفتح الوش
• وكريمات مستورده من شركات عالميه بالشئ الفلاني وماركات تسود الوش !
• قالت لي الصبر سمح
• الكريمات الضاربه والصباعات دي تفتح الوش سرييييييييع لكن اثارها السالبه بعد داك بتظهر وما بتتعالج
• بتفسخ
• الوش ببقي مخجل
• الواحده بعد داك كان قطعت وشها ما بتتضاري
• ياناس
• صلاح سعيد لو كان حي كان كتب شنو ؟
• كان قال اشطبوا فلان وفلان ونسيبو
• واعيروا فلان وفلتكان
• وعلان لو مابتعالج اسي اتخلصوا منو
• يامجلس المريخ
• الجمهور صبر كتير جدا علي لاعبين بعينهم
• وخالتي قالت فيهم بري منهم
• استجيبوا لنداء الجماهير
• والتكميليه علي الابواب
• الصفوه
• زعلان منكم
• اعلم ان الاستفزاز الذي مارسه لاعبي الوصيف الضعيف هو الذي قاد القله لحصب الملعب
• ولكن ايا كانت الاسباب ده ما تصرف بشبهنا
• يامجلس الاداره
• حكاية التدخل في القرار الفني دي ما تمر سااااااااي
• شداد ما قبل بيها من وزير
• نحن ما بنقبل بيها من اي زول
• يجب التحقيق في ذلك
• واحد صفوه
• زعلان جدا
• قال لي التدخل في القرار الفني ده حاصل
• قلت ليهو دليلك شنو ؟
• قال لي في زول آخر مره قعد في الكنبه يوم كورة كاس السودان والهلال غلبنا نتيجة تدخلو
• وتاني ماشفناهو في الكنبه الا يوم الكوره الاخيره دي
• سرحت مساااااااااااااااااافه
• وقلت ياربي ده منو ؟
• فليعلم لاعبي المريخ
• ان الجمهور لن يسامحهم اطلاقا علي الهزيمه من الضعفاء
• الهلال يفوز علي العرب ليس حدث
• حي العرب (مع احترامي له ) يفوز علي الهلال هو الحدث
• هلال هنا يفوز علي الهلال كادوقلي ليس حدث
• هلال كادوقلي( مع احترامي له ) يفوز علي هلال هنا , هو الحدث
• مريخ السودان يفوز علي هلال هنا ليس حدث
• ولكن ان يفوز هلال هنا علي المريخ فهو الحدث
• ولكل حدث حديث
• ياروشا
• المتضرر الوحيد من فوز الهلال هو حبيب البلد
• الاهله بمشوا للصحف الاربابيه
• موش الارباب انتصر
• اتشعوزت
• يبقي البوره ياروشا
• عشان كده
• بييييييييييييييييييييييع
• وشايف فيها لون احمر من اسي
• انشاء الله تكون آخر زكاه للفقراء والمساكين
سلك كهربا
هو في زول قادر ينسينا ليك !
والي لقاء
سلك
babikir maki [b_silik@hotmail.com]
