اندهش لاستهداف حميدتى ودعمه السريع لسد مروى وضرب المحولات وقطع الكهرباء عن المواطنيين البسطاء فى شمال السودان فانت ياحميدتى بهذا السلوك الغبى العدوانى الكريه ضربت المواطن السودانى المسالم فى الشمال وقطعت عنه الكهرباء والمياه ولم تستهدف وتضر الكيزان فانت لو كنت تستهدف الكيزان لقضيت عليهم فالكيزان معروفين وعماراتهم الفارهه وأملاكهم معروفه وهى من اضخم العمارات فى العاصمه وبورتسودان وبنوكهم وشركاتهم معروفه وتعمل الآن حتى فى الفاشر نفسها مع دعمك السريع وهم موجودين كافراد وأماكنهم معروفه فلماذا لا تستهدفهم كافراد وتستهدف بنوكهم واموالهم وشركاتهم ؟ ليدفعوا ثمن ماقاموا به من قتل ودمار للسودان وسيصفق لك الشعب السودانى طويلاً ويهتف لك
ولكن انت ياحميدتى من بداية هذه الحرب تستهدف البنيه التحتيه للشعب السودانى فى الشمال وحولت الحرب لحرب تفوح منها رائحة العنصريه الكريهه ولا تفوح منها رائحه سياسيه فهدمت العاصمه وضربت سد مروى وكبرى بحرى أمدرمان ومطار دنقلا ومطار مروى ومسيرات تضرب عطبره ومطارها وشندى وتلفزيون السودان ومطار الخرطوم وتقتل المواطنين البسطاء المساكين ولا تستهدف البرهان والعطا وكباشى ولا قيادات المؤتمر الوطنى او الشعبى ولا منازلهم ولا عماراتهم الفارهه ولا عمارات الكيزان المنيفه فى الرياض او بنوكهم وشركاتهم ومؤسساتهم فى الخرطوم او بورتسودان او عطبره وهى واضحه وضوح الشمس ومعروفه ولم تستهدف ناس عمر البشير وامين حسن عمر وكرتى كافراد ولو استهدفت هؤلاء الذين نهبوا اموالنا ودمروا بلادنا وحصدتهم وخلصتنا منهم وضربت مؤسساتهم وبنوكهم وشركاتهم واملاكهم ومزارعهم ومنازلهم وسحقتهم لصفق لك الشعب السودانى كثيرا ياحميدتى ولكنك ياحميدتى ودعمه السريع انتم تهدمون فى السودان وبنيته التحتيه كالكبارى والمصانع وأظنكم فى اتفاق تحت التربيزه مع الكيزان !! وتقصدون الشمال خصوصاً وليس الاخوان المسلمين وتنظيمهم وبنوكهم واملاكهم وتقتلون فى الابريا ولا تحصدون قيادات اخوان الشيطان الذين رحلوا الان لبورتسودان بعرباتهم الفارهه وباموالهم سالمين غانمين ولا تقصدون قيادات الجيش من الفاسدين الذين اصبحوا اذيال للتنظيم الشيطانى وعبيداً لهم كالبرهان وكباشى والعطا اما اهلنا البسطاء المساكين فى الشمال فيعانون من اعمالكم العنصريه القذره القبيحه ياحميدتى وقد هدمتم العاصمه ياحميدتى وهدمت البنيه التحتيه لوطننا الجريح وضربت مطار عطبره ومطار مروى وسد مروى ومطار دنقلا ودمرت مطار الخرطوم تماماً وقطعت عن اهلنا فى الشمال الكهرباء والمياه ولم نهدم تنظيم اخوان الشيطان ولم تمس قياداته بسوء فهم كلهم سالمين وغانمين كمان واملاكهم وأسرهم سالمه يتجولون بحريه ومازالوا يحصدون فى اموال الذهب واليورانيوم وينهبون فى اموال بلادنا واظنك فى تنسيق معهم ياحميدتى .
محمد الحسن محمد عثمان
omdurman13@msn.c
