سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• جزء كان مهمتوا الحاق الدافي بكشف مايرنو
• الجزء التاني من كورتنا في زامبيا انتهت قاموا يبطبطوا
• الدافي موقوف
• الدافي ماموقوف
• الدافي عندو كرتين
• الدافي عندو كرت واحد
• واحدين قالوا عندو اربعه كروت
• واحد في السعوديه
• وواحد في المغرب
• واتنين مع المريخ
• الهم كلو بس الدافي يوم ضربة برج التجاره مايلعب
• والدافي نحنا سميناهو ابن لادن
• لانو قرر يضرب برج التجاره
• اي نوع من انواع التجاره
• تشتري بسكويت عشان تبيعوا دي تجاره
• بتنضرب بتنضرب
• تشتري حكم موزمبيقي تجاره
• بتنضرب بتنضرب
• تشتري حكم كاميروني تجاره
• تشتري كداره تجاره
• تشتري شطاره تجاره
• بتنضرب بتنضرب
• المهم في جماعه تانيين غير الجماعه الاولانيين والجماعه التانيين
• ديل صبحية كورة زامبيا قاموا يبطبطوا
• الدافي نجد ليهو فييرا
• واحدين قالوا فييرا مع اول محاوره بنطرد
• قالوا نجند ليهو كل لاعبي الارتكاز
• قالوا ليهم والبرتكز ليكم مع ايداهو منو ؟
• قالوا مافي حل مع الدافي ده غير نجند ليهو مايرنو
• لكن جنود مايرنو في رمضان ده في اجازه
• قالوا نخرخر وننسحب
• ما احلي الدافي في الجو الخريفي ده
• اتنين مرضانين وست
• واحد قال للتاني الوضع كيف ؟
• التاني قال ليهو مربوطتكم ومربوطة كانو بسقطوا الاتنين
• الاول قال ليهو يعني بعد ده كلو ما بنصعد ؟
• التاني قال ليهو الخوف من السيك في استادنا اقصد قبولنا
• السيك راجيك راجيك
• ومريخنا مصان بالقرآن
• لن نكشف الاوراق الآن لكن الحصل انكشف
• قال فير بلي قال
• كروجر كان مفسد عمل ناس مايرنو
• الخواجه ده اظنو من بروسيا ريتنزات باخ
• يوم ضربة برج التجاره شعارنا نكون او نكون
• طيب زيسكو يعمل تسعه نقاط
• ونحنا نعمل تمانيه نقاط
• والمربوطتين يسقطن
• تاني ما تزوغوا
• سموا صاح
• زول يسمي مربوطه باتو واحد ونحنا عندنا تسعه آتو !
• دقس
• ونحت ليك الآتو
• نبدأ باللآس
• نخت الآس
• نقول آتو 000 وارقو
• يرموا الدو
• آتو 000 كلتشي
• يرمو التريس
• آتو 000 ايداهو
• يقعدوا ساي
• ويفتحوا بوهيه تانيه
• يرموا آس
• نجلدوا
• الآتو راقد
• يرموا الشايب ينجلد
• يفتحوا بوهية تانيه
• تنجلد
• نحنا فاقدين بوهيتين يا داقسين
• يرموا الدامه
• تنجلد
• يرموا الورق ويقوموا جاريين
• ونغني
• مادايرين 000 مادايرين
سلك كهربا
المطره تقول مدوراها المحليه , من ستات الشاي يولعن مناقدن المغرب تجي تطفي ليهن النار وتطفشن 0
والي لقاء
سلك
