مطار الجنينه

بسم الله الرحمن الرحيم
في السلك

*قلت ليكم شامي لي ريحة مطار
*كورة امس الشفناها دي اكدت ريحة المطار
*المجموعه البهناك دي احتمال لي دور الاربعه مايصعد منها زول
*اصلو الكاس بنحصر بين المريخ والاتحاد والشلف
*ولان كعب المريخ هو الاعلي
*نرجح كفتنا ونشوف مطارنا بي وين
*المجموعه البهناك دي  كلها جوليام ساي
*اسي عليكم الله الكورة العادت من الحارس ووداها جوليام السماء دي
*لو لقاها كردنه ماكان دخلها ؟؟؟
*المهم
*الي الآن نحنا بطل المجموعتين
*لكن في شئ غريب
*برغم كل شئ
*الثقه الهلاليه كانت كبيره
*بل كمان الاذاعه الهلاليه اقصد الرياضيه
*مروجه لي برنامج مع كردنه يوم الاتنين (اليوم )
*وكورة مازيمبي يوم الاحد
*معقوله !!!!
*قلت ليكم في شئ غريب
*لكن كاتومبي قال البادئ اظلم
*يظهر انهم قرروا ان يلقوا مافي ايديهم كلهم
*والله لايصلح عمل المفسدين
*المهم
*شامي لي ريحة مطار
*والصديق الاستاذ محمود ود احمد
*قال لي الجماعه قالوا لاعبينهم هم من اوصلونا لهذه القمه
*قلت ليهو قصدك جننتنا
*قال لي ايوه
*قلت ليهو عادي كلما تينع ثمارها نقطفها
*واسي فيها قطوف دنت شديد
*بحب جنينتنا شديد
*والكاس بجيبوهوا بكري وعمر بخيت
*وبودونا المطار
*قال لي نسميهو مطار الجنينه
*هههههههههههه
*يبقي عندنا اتنين مطار جنينه
*الجنينه الحله والجنينه الفرق
*الجنينه الدارفوريه والجنينه الصفريه
*واتجنني
*المهم
*شامي لي ريحة مطار
*ايها الناس
*ممكن تخندق وتتعادل مع اعتي الفرق
*لكن كيف يكون الحال لو طلعت من الخندقه الانت فيها دي ؟؟؟؟
*لذا انصح ابو الهل بالخندقه جوه وبره
*عشان يضمن سته نقاط في سته مباريات
*لكن صدقوني
*المجموعه التانيه كلها بتطير
*ويادوبك عرفنا ليه تحسر غرزه علي وقوعنا في مجموعه مافيها مازيمبي
*الراجل كان واثق انو حايغلب مازيمبي رايح جاي
*وعشان كده عرفنا
*ليه فرحوا ناس مازيمبي لما وقعوا في مجموعه مافيها المريخ
*بوعقرب
*قاتل شمال افريقيا كلها
*قاااااعد
*ايها الناس
*الغريبه في ترويج لقاء كردنه بالاذاعه الهلاليه
*في سؤال
*هل ترك كردنه شكوي بكري المدينه
*كلما يجري
*يجروا علي الشكوي
*حاتجروا كتير
*المهم
*روشا
*امس الصام منو يا اخوي ؟؟؟؟
*لعب الصيام بنعرفوا
*والبفطروا عشان كورة وعشان نقطه
*بئس ما اشتروا به النقطه
*نقطه بي فطور بتجيب الزول في غضب الله
*لكن ماوريتنا
*صايمين ؟؟؟؟
*الله يقبل
*المهم
*نافست جماهير المريخ نفسها وهي تبدع في المدرجات
*فكانت ترسم لوحات ادهشت الحضور
*وادخلت في النفوس السرور
*وياحلاتكم يا التراس اولمبيا
*ابداعاتكم الخلاقه كانت اشراقات سجلها التاريخ
*واهازيج التراس الجوارح كانت تشق عناء السماء
*وجميعهم
*ساس الاساس وتاج الراس
*والتراس اسود الشفوت
*والقياده العامه
*والروابط وتجمعها
*وجميه الناس
*المريخ ماشي المطار لان الشفوت قالوها
*لن ندعك تسير وحيدا
*وعلي ارض الواقع طبقوها
*شكرا رابطة ابو ظبي
*شكرا كلنا
*المهم
*صدقوني الهلال امس افتقد بكري المدينه
*كان ترضوا كان تابوا
*فقدتوا بكري
*وبعضكم فقد عقله جراء فقدكم لبكري
*اشكوهوا في السجود
*اسجدوا وابكوا
*تبكوا بس
*ايها الناس
*قالوا نحن نؤله جيمي
*برغم ماقدمه الرجل من اعجاز طيلة تلطاشر سنه
*سموا اشادتنا بنه تأليه للرجل
*وجاء كردنه
*سته شهور بس
*عملوا ليهو غنيه بالدلوكه
*نحنا ماغنينا لي جمال بالدلوكه
*ولكن هتفنا له
*جمال الوالي رئيس طوالي
*شغل الدلاليك ده مابنعرفوا
*اشرف كاردينال راجل ود رجال
*امال نقول شنو لي جمال ؟؟؟؟؟؟
*جيبي الدلوكه يابت
*اسلام
*سامعاني !!!!!
*ايها الناس
*نادي الزناطير بطير
*ادوها صنه وشوفوا
*ومازيمبي بلحق روحو
*دائما بداياته في المجموعات بتكون كده
*لكن بيني وبينكم
*المجموعه البي هناك كلها بتطير
*مستوي ليس
*المهم
*شركة سيكافا
*علمنا انها تنوي تكريم اللاعبين في شخص  بوعقرب
*و الجهاز الفني في شخص غرزه
*والجهاز الاداري في شخص حاتم
*والجماهير
*تكريم الجماهير حايكون بشهادة كبيره واشاده من الشركه
*وجهاز للاذاعه الداخليه للاستاد
*ايها الناس
*ان تنصروا الله ينصركم
*اها
*نجي لي شمارات والي الرختوم
*كان شفت يا والينا
*امس جا زلزال في مصر قالوا لينا
*دي ما اول مره يا والينا
*حصل كتير ومن زمااااان بحصل يا والينا
*وعشان تعرف كسير التلج بدا قبل اكتشاف التلج يا والينا
*زمان لما جاء الزلزال مصر الشاعر قال لينا
*مازلزلت مصر من كيد يراد بها ولكنها رقصت من عدله طربا
*شوف ليك جنس كسير تلج يا والينا
*لو كده
*مفروض وطنا العربي ده يكون بحت فيهو العمر كلو يا والينا
سلك كهربا
ننساك كيف والناس بتكسر تلج من اجدادنا القدماء
والي لقاء
سلك

b_silik@hotmail.com
///////////