سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• امس يوم ماهين
• يوم يخلد في الوجدان
• يفيض معاني ومعاناه وتمني وامنيات
• وفخر
• انه يوم عيد ست الحبايب
• عيد الام
• وهل من حبيبه قبلها !!!!
• من احق الناس بصحبتي يارسول الله
• هكذا كان سؤال السائل
• الرسول الكريم عليه افضل الصلاة والسلام لا ينطق عن الهوي
• لم يتوان ولم يتردد ولم يتلفت
• الخيارات في الدنيا كثيره
• ملايين البشر
• اي واحد منهم كان يمكن ان يكون احد احتمالات الاجابه
• برغم كل ذلك
• قال اشرف الخلق
• امك
• ردد السائل سؤاله مرتين
• وكانت الاجابه واحده
• امك
• ياللعظمه
• ويا لتأكيد العظمه
• ياحبيبي يارسول الله
• قلت لنا ان الجنه تحت اقدام الامهات
• ابشرن يا امهات
• انها بشري وبشاره من رسول كريم موحي اليه بتلك الكلمات
• اذا كتبنا عنك يا ست الحبايب مجلدات
• لن نوفي بعض سهرك علينا في ليلة حتي النوم فيها كان ينام
• الا انت
• امي تارارا ….امي تارارا
• امي يا اجمل كلمة بقولها يا احلي نشيد يانغمه جميله
• امي تارار …..امي تارار
• امي يا امي يا امي
• لما نقول الحاجه قالت
• كمل الكلام
• حتي الكتب
• عندما نريد ان نعظمها ونحترمها ونعبر عن عراقتها ويغلبنا وصفها
• نقول انها من امهات الكتب
• من غيرك تحمل ضغوطات الحياه من اجلنا ؟
• من غيرك تحمل الضغط العالي في ثبات ؟
• حتي بقينا نقول لمحول الكهرباء ( ام ميه )
• لانه يتحمل من اجل ان نري النور في ثبات شديد
• بلغة اليوم
• اذا داير تعبر عن جودة شئ بتقول من امو
• مليون سلام والف تحيه و احترام وود ووئام لك ياغاليه
• حتي في الكوره
• ام البطولات هي الجويه
• يعني لو عندك بطولات مافيها جويات
• تبقي بطولات بدون امهات
• ولادة فقاسات ساي
• ونحن في المريخ نحمد الله لدينا امهات البطولات
• وفي امهات البطولات عندنا امهن
• كأس الكؤوس الافريقيه
• المهم
• الجماعه دخلوا الاجتماع عشان ينظروا الشكاوي
• علي رأي العقيد عبدالقادر
• الساعي مشي يجيب الشاي
• جا لقي الاجتماع انتهي
• والشكاوي تتطاير علي السله
• شكاوي ماعندها موضوع
• اسي دي شكاوي دايره ليها اجتماع
• الاتحاد العام بختو
• رسوم شكاوي ساي بغندل
• اديكم فكره
• حقوا الاتحاد العام يلم رسوم الشكاوي في الحضري
• ويعمل ليها صندوق يسميهو صندوق الحضري لدعم الفريق القومي
• ونصرف منو علي الفريق القومي
• والله نعسكر في المانيا زاته
• ايسكوتي ايسكوتي
• ميش الحضري راح علي جنوب افريقيا يلعب مع مصر مباراه رسميه !!
• وايه يعني ؟؟؟
• يعني الاتحاد الافريقي العندو الشكوي الانجوليه السودانيه المشتركه راح يشطب الشكوي
• يقطع الحقد ويقطع سنينو
• ايها الناس
• الشكوي انشطبت
• انسحبوا
• ايها الناس
• نحن شعب المريخ نحب الجمال ونعيش في الجمال
• نفتخر باننا نسمي ارضنا بارض الحضارات
• لن نسمح للاخرين ان يشوهوا ذلك الجمال
• ناس حفلات نادي الضباط ديل جعلوا من سورنا لوحة اعلانات لحفلاتهم
• الحفلات حفلاتهم والدخل حقهم
• لزومو شنو يشوهوا لينا استادنا بتلك الملصقات
• والواحد يلصق ليك اربعين بوستر جوار بعض لي نفس الحفله
• هوووووي ياناس الحفلات
• لصقوا لصقكم دي محل ما تحبوا
• في سورنا لأ والف لأ
• واذا المحافظه غافله ومادايره تفعل القانون
• يجب علي اللجنه القانونيه للزعيم ان تتخذ الاجراءات اللازمه
• بره قرف معاكم
• قال اسعار التذاكر قال
• والله يا هو الفضل
• تسلم يارائع يا استاذ التيجاني حاج موسي
• لانك عبرت عننا كلنا
• حينما قلت
• امي الله يسلمك
سلك كهربا
حتي في عيد الام كانت ذكراك حضورا بيننا
والي لقاء
سلك
babikir maki [b_silik@hotmail.com]
