نحن في المريخ اخوه .. بقلم: بابكر سلك

بسم الله الرحمن الرحيم

في السلك

*امس مشينا عشان نعقد لبتنا

*كريمة محمد جعفر قريش

*فعلا نحن في المريخ اخوه

*جميع قطاعات المريخ كانت هناك

*مجلس وتحالف  اقطاب ورموز ومشجعين وروابط

*هكذا هو المريخ

*نختلف فيه لا عليه

*نختلف في الرأي ولا نفجر في الخصومه

*نحب المريخ ونحب بعضنا فيه

*مهما اختلفنا لن نتخلف بنتاج الاختلاف الفاجر

*نختلف في فكرة

*ولكن نلتقي في المريخ

*واجتماعيا لا نختلف

*اجتماعيا مابنختلف

*درسني بس قانون هواك بحفظ حروفو حرف حرف

*وقانون هوانا حروفو تبدأ بالميم

*ميم مريخ

*وميم مانديلا

*وميم من غيرنا اعطي لهذا الشعب ويعطي معني ان نعيش وننتصر

*وميم ما بنختلف

*وتنتهي حروف قانون هوانا بالخاء

*خاء ,,خبر ايه مافي زول غيرنا بمشي المطار

*وخاء خامنها برانا الجويات

*وخاء خوه بين القلوب ولي جوه

*وخاء خميرة العكننه لاتجد مكانها بيننا

*وخاء خلينا اخوان

*ايها الناس

*رموزنا مهما اتفقت او اختلفت

*هي جديرة بالاحترام

*وخسارة رمز تعني خسارة للكيان

*والاحترام هو الذي يجعل منا صفوه

*فنادينا ينادينا فاتحا ذراعيه ليحتضن ابنائه

*ما زي الجماعه

*النادي محرم عيل المجلس

*وفصيل ماجد اسماعيل يسيطر علي الاوضاع والاوجاع والذي ضاع

*المهم

*امس ادنا اول مباراة لينا بقطر

*فزنا طبعا

*عنكبه ووانغا ووانغا

*وتم اشراك عدد كبير من الصغار والصف التاني

*التجربه مابطاله

*والشغل لسه كتير

*لكن صدقوني

*السنه دي لو الحكام يدخلوا سبعه منهم مع الجماعه في الميدان

*الا يطيروا

*فريق الاخوه تعبان شديد

*ودكتاتورية العمل الاداري عندهم

*هي التي جعلتهم يحاربون اعلامهم ويمنعونه من متابعة الاعداد

*لا لشئ سوي تواضع المستوي والخوف من نشر انواع المواسير التي اتي بها المجلس بعد ضربة المدينه

*عثمان حسن مكي

*لما قاطع مجلس المريخ صحيفة الهدف

*كانت ماده هامه وتناولها احتاج لحلقات وحلقات

*اسي مجلس الهلال قاطع اعلام كامل

*اليس هذا موضوعا جاذبا يا عثمان حسن مكي ؟؟؟

*طعن الارباب في اهلية الكاردينال

*الا يشكل هذا ماده تستحق ان تخصص لها مية حلقه

*تستضيف فيها اهل القانون

*وتستضيف فيها اطراف النزاع

*وتستمع فيها لرأي الجمهور

*ولا افضل الموضوع يموت بدل يحيا بمثل تلك لقاءات يا عثمان ؟؟؟؟

*عدم السماح لسمبو بدخول الامارات

*الموضوع ده دحين ما بستحق حلقه ؟؟؟؟

*اخبار المدرب الفاتح خيال اليوم كلو

*ده ماموضوع بدور ليهو حلقات وحلقات ؟؟؟

*اساءات رموز في قامة طه علي البشير

*يمر ساي الموضوع ده !!!!!

*ولا مجالك ما راياضي يا عثمان ؟؟؟

*خلي مجالك رياضي

*او

*المقاطعه للاذاعه الطبيه من قبل جماهير المريخ

*تعني قفل الاذاعه الطبيه يا عثمان

*اخي عثمان

*مالك الاذاعه براهو ماناقص

*داير تفتح عليهو كمان باب تاني ؟؟؟؟

*ولو داير تجربه نجرب ليك

*اسبوع مقاطعه ومواهيكم تقيف

*وبعدها ستدركون كم انكم جنيتم علي انفسكم باستهداف المريخ

*اسي يا عثمان

*مشروع 2870 ده ما بستحق ليهو حلقات ؟؟؟

*ولا عشان مشروع بفيد المريخ التعتيم عليه من واجبات اذاعتكم ؟؟؟

*عمر بخيت بحتاج حلقه حلقتين

*وعثمان عارف كده

*ولكن الحلقه مع عمر بخيت تمثل مشنقه لآخرين

*عشان كده لن تتم استضافة عمر بخيت بالطبيه

*ايها الناس

*يبقي رأس المال المريخي عليه يقع عبء انشاء القنوات الفضائيه والاذاعات الاف ام

*والاذاعه الاف ام شنو هي

*ما تصديق وغرفه  مبطنه بالموسنايت واستقبال تحت السلم وجهاز في سوق سته متوفر

*المهم

*مشروع الرقم الوطني المريخي 2870

*ماشي ميه الميه

*بل الشفوت من كافة دول العالم يتصلون يوميا ليستعجلوا ضربة البدايه

*وشفوت الداخل فيهم ناس حولوا

*عشان كده

*يا مرتضي ورفاق مرتضي

*استعجلوا

*اشتراكاتنا مجنبنها بالجمبه لينا اسبوعين

*والجمبه دي اهم شئ

*ايها الناس

*الجماعه قالوا لاعبين في استاد اسمو ملعب العوير

*العوير !!!!

*حولينا وما علينا

*ايها الناس

*نحن من نفر عمروا الارض حيثما قطنوا

*طيب الحاصل لينا شنو ؟؟؟؟

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*لغيتوا طابور المدارس قالوا لينا

*طيب نحنا طابورنا ده متين بتلغوهوا لينا ؟؟؟؟

*كلنا بردانين يا والينا

*وبكورنا ده بجي يوم يترفع لينا

*والينا

*استفدنا شنو من البكور عليك الله ورينا

*برد وبكور وطابور يا والينا

*ياخي حنوا علينا

سلك كهربا

ننساك كيف والطابور خلاص تعبنا متين يقولوا لينا انصراااااف

والي لقاء

سلك

*

b_silik@hotmail.com

//////