نصوم ونفطر علي مطار

بسم الله الرحمن الرحيم
في السلك

*نحمد الله جوياتنا كتيييييره
*طوالي ماشين المطار
*لمن ريختنا بقت مطار مطار
*وغيرنا ريحتو طير طير
*نجيب جويه
*ونصوووووووم
*ونفطر علي مطار
*محمد عبدالماجد
*العاقبه عندكم في المطارات
*لكن بتطولوا وتاخدوا مدة
*المهم
*خالدونا اتكلم عن المسالمه وتأسيس المريخ والاقباط
*نتشرف باننا نشأنا بالمسالمه يا خالدونا
*ونتشرف باننا تأسسنا سنة 1908
*ويزيدنا شرف اننا تأسسنا قبل ان يكون في تسجيل للانديه في البلد دي
*يشرفنا اننا نشأنا في حي عرف التعايش السلمي والديني والانساني منذ العام 1908
*والعالم كله اليوم يبحث عن آليه للتعايش السلمي والديني
*سبقنا العالم بمية وسبعه سنه
*دائما نسبق الناس
*قيافه وفايتين الناس مسافه
*وللمعلوميه يا خالدونا
*رسولنا الكريم اوصانا خيرا باقباط مصر
*واقباط السودان هم اقباط مصر
*ارجع للتاريخ والهجرات
*وتضمهم كنيسه واحده اسمها الكنيسه القبطيه
*نفخر باننا نشأنا بينهم
*وانهم جزء مننا
*ودي في حد ذاتها لمحة من لمحات المريخ العالمي
*خالدونا
*الاهله الشرفاء هم مريخاب زعلانين
*لان خروج فتح الله بشاره ورفاقه من المريخ بعد التسميه الجديده
*ولمدة تلاته سنين كان فتح الله بشاره خلالها منقولا لجنوب السودان
*وبعد عودته انشأ ما يسمي بالهلال مع رفاقه
*اذن الاهله الشرفاء مريخاب زعلانين ليس الا
*المزعلكم قدر ده يا محمد عبدالماجد شنو ؟؟؟؟
*وبمناسبة اقباط يا خالد
*فتح الله بشاره ده من قريش ؟؟؟
*موش من المسالمه ؟؟؟
*اما كلارك فهو من كنيسه تانيه
*كنيسه طيرها عجمي
*باقي ليك كلارك ده كان رئيس المريخ ؟؟؟؟
*وفرقته بتاعت الكشافه الانجليزيه كانت تتبع برضك للحركه الوطنيه ؟؟؟
*يبقي حكموا العقل قبل كل شئ
*ايها المريخاب الزعلانين
*متين تنسوا وتروح زعلتكم وترجوعوا لي ساسكم وتاج راسكم ؟؟؟
*المهم
*بداية ديدي جيده
*وبداية عمر بخيت ما بطاله
*وسبق لغرزه ان قال
*ان عمر وسيلا وراجي تنقصهم اللياقه البدنيه
*وطالما الموهبه والمهاره والخبره في
*اللياقه هينه
*وقطعا حانشاهد عمر بخيت جديد وحديد في المجموعات
*وصدق مزمل لما هاتي سته سنين
*عمر ولدنا عمر ولدنا
*حاندخلك المطار لاول مره في حياتك يا عمر يا ود بخيت يا ولدنا
*ايها الناس
*الباب البجيب (الريح) حقو نسدو عشان نستريح
*الباب ده مابجيب لينا غير الريح
*المهم
*رمضان كريم
*ومن مظاهر عظمته انو الكريمات بتقيف
*بناتنا بالكريمات مافضل ليهن جلد
*والهجمه والرجمه والجيران اندهشوا
*وبالغ الزمن
*غيرن تضاريس بت البلد
*والغريبه يا اخوانا
*انو الحاجات دي معظمها بأثر علي طبيعة الخلايا
*ويؤدي الي سرطنتها
*ولما الواحده تتسرطن
*ما بتتألم براها
*بتألم معاها المجتمع والاسره والدوله
*يبقي حقو نوقف الحاجات الماطبيعيه دي
*وحقو نعرف
*انو اي لون في الدنيا دي حلو حلا
*بس يكون رويان ونضيف وطبيعي
*لون زينب  عيبوهوا لي
*الاسمر جميل
*والاخضر فنان
*والابيض حلو لو طبيعي
*والاصفر يسر الناظرين اذا كان شركه
*تعالوا نستغل رمضان في الاقلاع عن الكريمات والتدخين والعادات الضاره
*ولا للمخدرات
*فالكريمات مخدرات
*تخلي البت تعيش في وهم
*وهم انها اساسا كده
*وسرعان ما تتفاجأ
*بانها قد جنت علي نفسها باستعمالها للمسمدات والكريمات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*زمان قالوا لينا
*رمضان لما يجينا
*العشره الاولي في الشحم يا والينا
*والعشره التانيه في اللحم قالوا لينا
*والعشره التالته في العضم يا والينا
*اسي لينا يومين عضمنا وجعنا يا والينا
*يكون رمضان بدأ بالقلبه يا والينا
*ولا ما لقي شحم ولحم لدينا ؟؟؟
سلك كهربا
ننساك كيف والجلد بعدو العضم طوالي يا حليلنا
والي لقاء
سلك

b_silik@hotmail.com
/////////