بسم الله الرحمن الرحيم
في السلك
*اولا وقبل كل شئ
*نرفع القبعات لمريخ كوستي
*اداء ممتاز من فريق صعد حديثا للممتاز
*ويهمنا في المقام الاول بقاء مريخ كوستي بالممتاز
*ويهمنا في المقام التاني علو كعبه وتأهله للتمثيل الخارجي
*مريخ كوستي مريخ عريق
*له ادارة واعيه وراعي خرافي
*وله مدرب شاطر
*لذا هو كفيل بتقديم عروض جميله
*وصدقوني
*الجماعه ما برجعوا من كوستي بالنقاط
*اتذكروا كلامي ده كويس
*المهم
*امس من الظواهر الجميله
*الاستاد فل تنك
*مريخاب يشجعون المريخ
*مريخاب هنا وهناك كانوا بشجعوا في المريخ
*وهلالاب كوستي مجبرين شجعوا مريخ كوستي
*وغضبوا غضبا شديدا عند ولوج هدف عجب
*غضبوا اكتر من لاعبي مريخ كوستي
*جنس حساده
*سيد الحق راضي شن دخل القاضي
*والله تبارونا تشجعوا الممتاز كلو
*ايها الناس
*امس قربت تبقي فينا
*ولو نحنا بنشجع فريق بخسر من البدايات في الولايات
*كان لمينا علي ناس فطومه اختي
*ماكان شجعنا المارد الافريقي صاحب الجويات
*جويات اتينا بها من ادغال افريقيا
*يبقي ما بنقبل فقدان النقاط في الولايات القريبه دي
*المهم
*تابعت المباراه من خلال المذياع
*حيرنا المعلق
*المعلق حيرنا
*بتضرب في محمد يوسف وتطلع ركنيه لمريخ كوستي
*كيف دي بس ؟؟؟
*ايها الناس
*مرات يجيك زول انت كموظف مثلا
*محتاج تكتب بياناتو بالكامل
*وهو شايفك بتكتب
*تقول ليهو اسمك
*يقول ليك محمد
*محمد منو
*محمد علي
*علي منو
*علي سيداحمد
*سيد احمد منو ؟
*علي
*ساكن وين ؟؟
*الثوره
*الحاره كم ؟
*السابعه
*منزل كم ؟
*6123
*مابديك المعلومه كامله
*يقطعها ليك قطيع مراره ويفقع مرارتك معاها
*دي الطريقه التي ادي بها المعلق امس
*لذا نعذر جماهيرنا في الولايات لما يحتجوا علي عدم النقل التلفزيوني
*طالما دي الطريقه بتاعت المعلقين
*اخير الاتحاد يدي القنوات الدوري مجااااااني
*حفاظا علي حياة المشجعين
*واجلوا بيع الدوري للقنوات لما تلقوا معلق يعلق بالطريقه التاليه
*اسمك منو ؟
*محمد علي سيدا احمد علي
*ساكن وين ؟
*الثوره الحاره السابعه منزل رقم 6123
*لما تلقوا معلق زي ده
*بيعوا البث للقنوات
*المهم
*اوكرا كل يوم يثبت انه مكسب كبير
*ولسه
*وعنكوبي ماشي كويس
*المدينه محتاج لصناعة لعب
*بالذات بعد ترصد الاعلام والاوهام والحكام ليهو
*وحقو نتحرك لحماية بكري من الترصد بكل اشكالو
*لوزان قالت شنو يا روشا ؟؟؟؟؟
*المهم عدنا بالاهم
*تلاته نقاط حلاتها
*مع تلاته نقاط الرابطه
*يبقن كم يا روشا ؟؟؟؟
*سته ؟
*شاطرة يا فطومه
*احسبوا كويس
*المهم
*اليوم يتلقي امل عطبره بأمل كردنه
*امل كردنه في البقاء هو مباراة اليوم
*وماسمعناهو في الموضع ده ما بنصدقوا
*الامل فريق كبير وعريق
*والجماهير واعيه وبتشمها
*ولاعبوا الامل لهم من الطموح ما يدفعهم لهزيمة امل كردنه بارضه
*وماصعبه
*عملها اهلي شندي في استاد الخرطوم ده
*فقط نتمني تحكيما يعطي لكل زي حق حقه
*ولا نعتقد ان ناس الامل قد نسوا تجربة الموسم الماضي
*قربوا يهبطوا
*لذا الظروف مواتيه لخطف نقاط اللقاء اليوم
*لانو امل كردنه كلو حديد أهو
*ايها الناس
*الحصل شنو في موضوع احمد بيتر ؟؟؟
*للعلم فقط
*المهم
*اذا كان هبوط الاداء امس لانو اللعب نهاري
*ده ماعذر
*افريقيا بنلعب نهارا جهارا
*حقوا نتعود علي الحته دي
*واذا كان السبب ارضية الملعب
*ده برضو ما عذر
*افريقيا قد يلعبونا في ارضيه ولا عليك بيها
*طين وخمج
*وبعدين ناس مريخ كوستي ديل كانوا بلعبوا في ملعب تاني ؟؟؟
*لانقبل الاعذار الوهميه
*ده اعذار ناس وهميين سااااي
*ايها الناس
*سمعنا بسقوط اسم ابراهومه من الكشف الافريقي
*ان صح هذا الكلام
*يبقي ده سقوط اداري تجب محاسبة صاحبه مهما كان
*وان كان الابعاد مقصود
*تبقي دي حرب معلنه من اشعلها لا يهمه وزرها
*ويبقي نحاربوا بالواضح كده
*فقتل روح الانتماء في شبل تدرج عندنا
*ويملك من الموهبه ما يؤهله للاحتراف الخارجي
*التسريب الزي ده هو المحتاج لقفل البلف
*وكت اصها فيها قفيل بلوفه
*مفروض تتقفل البلوفه المسربه يا ناس
*المهم
*الهلال الليله لو خسر ببقي الطيش عديل
*اسي هو الطيش مشترك
*سينفرد بالطياشه
*تبقي طياشه وكياشه وصفر كبير قدر ده ؟؟
*ليكم حق تشجعوا مريخ كوستي امس
*والمثل قال
*الماعندها حاجه تشجعها
*بتشجع في الاسبوع من الاتيام اربعه
*لانها اربعه
*المهم
*ناس عطبرة لو شدوا حيلهم
*وختوا الرحمن في قلوبهم
*حانفتقد كردنه
*ايها الناس
*البصات التي سيرتها لجنة التعبئه الي كوستي بالامس
*تبرع بها الشففت علي الفادني
*تبرع بها في صمت تام
*لانه يؤمن بخدمة الكيان ولا يطلب جزاء ولا شكر
*برضو بنشكرك يا فادني
*من لا يشكر الناس لا يشكر الله
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*ناسك كبري المنشيه قفلوهوا علينا
*قالوا نجي كلنا بي فرده زي البقر الماشي السلخانه يا والينا
*سألنا عن السبب قالوا لينا
*الصيانه الدوريه العاديه او هكذا قالوا لينا
*صيانه ؟؟
*هو ود متين الكبري يا والينا
*اول مرة اشوف لي طفل يادوبك تلاته سنين قضاها فينا
*نوديهو فحص وظائف الكلي والكبد الوبائي والضغط والبولينا
سلك كهربا
ننساك كيف والحقيقه ما بقولوها لينا
والي لقاء
سلك
b_silik@hotmail.com
////////
