وقفة تامل لامثالنا

إذا قمنا بقراءة متأنيه لبعض من أمثالنا السودانيه فإننا سنجد انها سوف تحتاج منا لوقفه تأمل.. في هذا النص سوف أحاول ان اتناول بعضها:
١/سيد الرايحه يفتش خشم البقرة ليه بس البقرة مع انو الاصح كان يقولوا الغنمايه لانو دي جنها رمرمه وماعندها قشه مرة ممكن تفتح الباب وتدخل علي التكل بدءا بخمارة العجين وبعدها تلهط اي شيئ في طريقها.. ولو لمت في جواز مؤشر او شهاده بحث من جلابيتك المعلقها في الحيطه في زول ياخوانا قبض ليهو بقرة متلبثه بتهمه جغم مستندات قبل كده وبعدين حاتفتح خشم البقرة كيف (كويس انو ماقال خشم التور كان حاتطنش وتعمل رايح)..
بعدين ياخي لو فرضنا انك فتحت خشم البقرة بحثا عن جوازك المجغوم حلك عشان تقنع ناس الجوزات انو العصارة المعديه دي كانت اصلا جوازك ومن كُترة ما بنضيع من أشياء اقترحت علي اهل بيتي انو نشتري بقرة عشان نبدأ بيها التفتيش يمكن نحصل مستنداتنا في مرحله الاجترار ..
بعدين قول لى كيف زاتو تقدر تفتح خشم المصيبه دي، وتدخل يدك وبطاريتك، ده مابعيد نحن نجي نفتش ليك كأحد الأشياء الرايحه
المثل الثاني
دار ابوك كان خربت شيل ليك منها شليه
وانت ياسجم الرماد تنتظر لمن دار ابوك تخرب كان مفروض ماتنتظر لمن تخرب تقوم تصلحها لا ده انت جاي عشان تشلع وتشيل ليك شليه ومابعد تعزم ناس ٩ طويله يجو يشفشفوا معاك
بالمناسبه شليه يعني شنو؟
المثل الثالث
المال تلتو ولا كتلتو انا شخصيا بفتكر احسن لي كتلتو لانو المغصه حاتكتلني
قراءة متأنيه لبعض الأمثال السودانيه
بعض أمثالنا السودانيه تحتاج لوقفه تأمل وسأحاول ان اتناول بعضها
١/سيد الرايحه يفتش خشم البقرة ليه بس البقرة مع انو الاصح كان يقولوا الغنمايه لانو دي جنها رمرمه وماعندها قشه مرة ممكن تفتح الباب وتدخل علي التكل بدءا بخمارة العجين وبعدها تلهط اي شيئ في طريقها جواز مؤشر شهاده بحث
من جلابيتك المعلقها في الحيطه في زول ياخوانا قبض ليهو بقرة متلبثه بتهمه جغم مستندات قبل كده
وبعدين حاتفتح خشم البقرة كيف (كويس انو ماقال خشم التور كان حاتطنش وتعمل رايح)
بعدين فرضنا ياخي فتحت خشم البقرة بحثا عن جوازك المجغوم حلك عشان تقنع ناس الجوزات انو العصارة المعديه دي كانت اصلا جوازك
من كثرة ما بنضيع من أشياء اقترحت علي اهل بيتي انو نشتري بقرة عشان نبدأ بيها التفتيش يمكن نحصل مستنداتنا في مرحله الاجترار
وبعدين كيف تقدر تفتح خشم المصيبه دي وتدخل يدك وبطاريته ده مابعيد نحن نجي نفتش ليك كأحد الأشياء الرايحه
المثل الثاني
دار ابوك كان خربت شيل ليك منها شليه
وانت ياسجم الرماد تنتظر لمن دار ابوك تخرب كان مفروض ماتنتظر لمن تخرب تقوم تصلحها لا دانت جاي عشان تشلع وتشيل ليك شليه ومابعد تعزم ناس ٩ طويله يجو يشفشفوا معاك
بالمناسبه شليه يعني شنو؟
المثل الثالث
المال تلتو ولا كتلتو انا شخصيا بفتكر احسن لي كتلتو لانو المغصه حاتكتلني
جلدا ما جلدك جر فيهو الشوك
هذا مثل يوضح بجلاء ويفضح حالنا كسودانيين ومايحدث هذه الأيام ينبئ عن ذلك بل تم تغيير المثل لجلدا ما جلدك فرغ فيهو دانه
مثل اخير
الكلمه الطيبه بتمرق الدابي من جحروا
ياخي فرضنا مرق لي يعني حااقبلوا بالحضن مثلا وللا كيف وانا عوارتي شنو البتخليني امشي احنس لي دابي لامن يمرق لي من جحروا..
د. عبدالباقي احمد